I Sam 30:6 - Sơ̆p Hlabơar Nơ̆r 'Bok Kei-Dei

⁶ Đawit đei tơdrong hli krưp tih dêh yua kơ lu bơngai kiơ̆ sư wă klơ̆m sư păng tơmo. Đĭ-đăng kơ lu linh kiơ̆ sư đei jơhngơ̆m ơh sơ'ngon dêh, yua kơ hiong kon drŏ-nglo kon drŏ-kăn lu sư, mă-lei Đawit đei jơhngơ̆m nuih pran đơ̆ng Kră Yang 'Bok Kei-Dei ăn kơ sư.

I Sam 30:6 ပူးပေါင်းရင်းမြစ်များ

Bl 32:7

Jakôp hli dêh păng tơtăm dêh, na sư klah asong hloi lu bơngai năm kiơ̆ hơdai lu khŭl triu, rơmo, lu lăk-đa pơm 'bar khŭl na khan:

II Sam 17:8

Husai pơma dơ̆ng: Ih băt boih, pơtao 'bă păng lu bơngai kiơ̆ sư jơ̆ lu bơngai nuih pran kơtang, đei jơhngơ̆m tơtŏ, blĕk dêh thoi kơ chơgơu yŏng tơ bri mă đe rôp kon sư. Hloh kơ noh dơ̆ng pơtao 'bă jơ̆ minh 'nu bơngai juăt kơ tơblah wang, kơmăng sư ưh kơ 'bĭch hơdai hăm lu linh ôh.

II Pot 4:27

Duch ei tŏk tơ kơpal kông tơkan năm jê̆ na kuăr jơ̆ng Êlisê bơngai mă Kră Yang 'Bok Kei-Dei yua. Gêhasi năm jê̆ wă dui lê̆ duch ei, mă-lei Êlisê bơngai mă Kră Yang 'Bok Kei-Dei yua, khan kơ Gêhasi: “Lê̆ sư thoi noh bơih, yua kơ jơhngơ̆m sư sơ'ngon tơdrong kiơ kiơ, Kră Yang 'Bok Kei-Dei ôn tơdrong noh, ưh kơ ăn inh băt.”

Jop 13:15

Mă Kră Yang pơlôch inh, inh kư̆m oei gơnang kơ sư; Mă-lei inh oei dŏng tơdrong arih inh 'bơ̆t anăp Sư.

Horiso 116:10

Inh oei lui mă inh đei khan. “Inh pơmat-tat dêh.”

Horiso 138:3

Lăm năr inh krao apinh, Ih tơl tơwih, Ăn kơ jơhngơ̆m inh rai nuih pran kơtang.

Horiso 18:2

Kră Yang thoi tơmo pĕng inh, jing kơđông inh, Kră Yang dŏng pơklaih inh; Kră Yang 'Bok Kei-Dei thoi tơmo pĕng inh, inh gô kơ'nơp tơ lăm Sư; khêl inh, hơke dŏng pơklaih inh păng anih kơjăp inh.

Horiso 18:6

Lăm năr hơnat hơnot inh krao chă Kră Yang. Inh krao apinh Kră Yang 'Bok Kei-Dei inh: Đơ̆ng anih Pơtao Sư, Sư kơtơ̆ng nơ̆r inh, Păng nơ̆r inh krao truh tơ đon Sư.

Horiso 25:17

Tơdrong hli hlơt inh rai dêh, apinh Ih pơklaih inh đơ̆ng tơdrong hơnat hơnot.

Horiso 27:14

Chang gô bĕ Kră Yang Athei chơ̆n jơhngơ̆m păng hơđơ̆ng đon! Tơpă, chang gô bĕ Kră Yang.

Horiso 31:24

Ơ lu bơngai mă chang gô Kră Yang. Chơ̆n jơhngơ̆m, hơđơ̆ng đon bĕ.

Horiso 42:11

Ơ bơhngol inh, yua kơ kiơ ih rơdu klai păng liơ ih rŭng răng lăm akâu inh? Chang hơmĕng bĕ kơ Kră Yang 'Bok Kei-Dei; Inh oei bơnê ư-ang kơ sư, Kră Yang Kră Yang 'Bok Kei-Dei Tơ'ngla dŏng pơklaih inh.

Horiso 42:5

Ơ bơhngol inh, yua kơ kiơ ih rơdu klai păng rŭng răng lăm akâu inh. Chang hơmĕng bĕ kơ Kră Yang 'Bok Kei-Dei, Inh oei bơnê ư-ang kơ Sư. Kră Yang 'Bok Kei-Dei Tơ'ngla dŏng pơklaih inh.

Horiso 42:7

Anih jrŭ krao anih jrŭ, kiơ̆ jơwa đơ̆ng chơkơi đak Ih. Lu đak poh-yă păng đak tih Ih lơ̆p inh boih.

Horiso 56:11

Inh gô gơnang kơ Kră Yang 'Bok Kei-Dei, huay pă hli kơ kiơ; Lu kon bơngai gơh pơm kiơ kơ inh?

Horiso 62:1

Bơhngol inh pơdơh hiôk lăm minh Kră Yang 'Bok Kei-Dei đĕch; Tơdrong dŏng pơklaih inh đơ̆ng Sư.

Horiso 62:5

Ơ bơhngol inh pơdơh bĕ tơ anih Kră Yang 'Bok Kei-Dei; Yua kơ inh chang hơmĕng kơ Sư.

Horiso 71:4

Ơ Kră Yang 'Bok Kei-Dei inh, apinh dŏng pơklaih inh đơ̆ng ti lu bơngai pơm kơnê̆, Klaih đơ̆ng ti lu hơlĕnh păng bơngai pơm kơnê̆ dêh.

Horiso 71:5

Yua kơ, ơ Kră Yang! Ih boih mă inh chang gô. Mă inh gơnang đơ̆ng inh oei 'lơ̆p sơ̆.

Le 17:4

Môis krao apinh Kră Yang khan: Inh wă pơm liơ hăm kon pơlei 'nâu? Lu sư 'maih wă klơ̆m inh păng tơmo!

Tơdrông Pơđơk 18:10

Anăn Kră Yang jing kơđông kơjăp; Lu bơngai tơpăt băt kơdâu tơ noh đei anih kơ'nơp hơđơ̆ng.

Êsai 25:4

Ih boih Kră Yang jing anih kơjăp lu bơngai dơnuh gơnang. Pơlei hơđơ̆ng ăn kơ lu bơngai hoh kơđei kơplah năr pơmat-tat, pơm anih kơ'nơp năr kial hơbŭt, pơm yơ̆p wă huay kơ tŏ, kơplah lu bơngai pơm kơnê̆ khĕnh lu sư lĕch thoi hơyuh kial hơbŭt tơthu bah tơ dur pơlei.

Je 16:19

Ơ Kră Yang, Ih boih ăn kơ inh jơhngơ̆m pran kơtang, kơđông kơjăp inh. Anih mă inh kơ'nơp lăm năr pơmat-tat. Lu kon bơngai đơ̆ng tôch kơ teh đak gô năm kơkuh kơ Ih păng khan: “'Bok yă lu nhôn kơkuh kơ yang chă pơm, ưh kơ đei yua kiơ, ưh kơ đei tơgŭm kiơ.

Jôna 2:2

Sư khan: Năr inh tơ'bơ̆p tơdrong pơmat-tat inh krao khan kơ Kră Yang. Na sư đei tơl nơ̆r inh boih. Đơ̆ng lăm dêh atâu inh krao ôr, Sư kơtơ̆ng nơ̆r inh boih.

Jo 14:10

Kơplah noh lu kon pơlei Isơrael akŭm wă klơ̆m bre sư tơmo, mă-lei đei tơdrong rang mơnhal Kră Yang đei pơdah pơchrang tơ Bơsŭn Anih Akŭm 'bơ̆t anăp lu kon pơlei Isơrael Akŭm.

Mathiơ 21:9

Yêsu hao aseh iĕ yak rok trong ei na lu bơngai tơpôl ei mơ'nah yak hơdrol kơ Sư, mơ'nah đơ̆ng rŏng kơ Sư. Lu sư chhôk na pơma 'bơ̆r re khan: “Hôsana, bơnê kơ 'Bok Krist Kon Sâu pơtao Đawit. Bơnê kơ Sư truh tơ bơ̆n năr âu yua kơ Kră Yang wơh. Păng bơnê kơ 'Bok Kei-Dei kơpal plĕnh ti.”

Mathiơ 27:22

Na Pilat khan: “Tơ̆ng lei, inh wă pơm kiơ kơ Yêsu mă đe anăn 'Bok Krist âu?” Na lu kon pơlei pơla khan: “Pơ̆ng pơlôch Sư tơ 'long pơglang.”

Yo 8:59

'Bơ̆t ei lu sư iŏk hloi tơmo wă klơ̆m Sư ră; mă-lei Sư ôn akâu Sư kơdih hloi lĕch đơ̆ng hnam akŭm 'Bok Kei-Dei tơm ei.

Rom 4:18

'Bok Kei-Dei pơkă wă ăn kơ sư pơm 'bă kơ đĭ-đăng teh đak păng khan kơ sư, kon sâu sư ning-mônh lơ thoi lĕ sơnglŏng tơ plĕnh. Kơplah noh sơ̆ Abraham sư đei minh-hrĕng sơnăm boih, mă-lei sư ưh tam mă đei kon ôh. Sư kră pă kĕ boih, akâu sư dang lĕ kơ lôch. Gah akăn sư yă Sara kư̆m kră mơ̆n păng sư akâu pôm tăm, thoi yơ 'Bok Kei-Dei pơkă kơ sư khan pơm 'bă kơ đĭ-đăng teh đak? Tơdrong noh, tơ̆ng bơ̆n, ưh kơ gan wă lui ôh. Mă-lei sư lui kơ nơ̆r 'Bok Kei-Dei pơkă kơ sư noh, sư ưh kơ hiơt ôh dôm tơdrong 'Bok Kei-Dei pơkă.

Rom 4:20

Păng đon sư ưh kơ tơchĕng wă lui dah ưh ôh, sư kư̆ kơ lui dôm tơdrong 'Bok Kei-Dei pơkă kơ sư rai đunh rai kơjăp, rai ư-ang 'Bok Kei-Dei.

Rom 8:31

'Bok Kei-Dei Sư 'mêm, Sư tơgŭm bơ̆n dang noh boih, na bơ̆n ưh pă hli kơ tơdrong kiơ dơ̆ng.

II Kor 1:6

Nhôn đei tơdrong pơmat-tat, 'noh nhôn adrin tơgŭm iĕm wă kơ iĕm hiôk păng klaih đơ̆ng tơdrong yoch. Nhôn đei 'Bok Kei-Dei pơlung pơhiôk jơhngơ̆m đon nhôn, wă kơ nhôn pơlung pơhiôk jơhngơ̆m đon iĕm, wă kơ iĕm pran jăng hli kơ iĕm mah đei tơdrong pơmat thoi nhôn.

II Kor 4:8

Đĭ dôm tơdrong đe wă kơtĭt pơglơ̆k nhôn, mă-lei nhôn pơm huay huăi kơ glơ̆k; đĭ sơleng kơ đon boih, mă-lei nhôn khŏm adrin adrăi.

II Kor 7:5

Âu roi gah tơdrong nhôn truh tơ dêh Masêđôn, nhôn truh tơ noh kư̆m ưh kơ đei hiôk kơ jơhngơ̆m tŏ sĕt, oei tơ noh lĕ pơmat hloh loi; jơhngơ̆m đon nhôn oei sa 'nhŏ kơ sơđơ̆ng 'biơ̆. Đon nhôn kư̆m tơchĕng hli kơ iĕm lui ưh kơ kơjăp.

Hêbrơ 13:6

Thoi noh na bơ̆n athei lui kơ tơdrong Sư khan noh, bơ̆n athei khan kơdih thoi âu: “Inh đei Kră Yang tơgŭm inh, inh ưh kơ hli kơ đe ôh, ưh kơ đei bu kĕ pơm kơ inh.”

Lu 18:25

Bơngai Đan tơl Mika: 'Nĕ pă ăn nhôn kơtơ̆ng nơ̆r ih dơ̆ng, hli kơ đei bơngai blĕk ơh blah iŏk rôp ih pơlôch tơhiong tơdrong arih ih, hăm tơdrong arih hnam dơnŏ ih.

Lu 20:22

Mă-lei lu bơngai Isơrael pơlung tơiung jơhngơ̆m dih băl klah song, lu sư săp wă blah tơ anih đêl lu sư tơblah băl năr adrol noh.

I Sam 1:10

Hana jơhngơ̆m sư rŭng răng ưh kơsŭk sư krao apinh Kră Yang sư nhơ̆m sơ'ngon dêh.

I Sam 23:16

Na Jônathan kon drŏ-nglo Sôl, iung năm tơ Hơres ngôi tơ Đawit oei lăm bri, pơma pơlung sư oei kơjăp đei đon lui gơnang kơ Kră Yang 'Bok Kei-Dei,

I Sam 28:15

Samuel jet Sôl: Yua kơ kiơ ih pơhrơ inh krao inh tŏk wă pơm kiơ? Sôl tơl: Inh đei tơdrong truh tih, yua kơ lu bơngai Philistin tơblah păng inh. Na Kră Yang 'Bok Kei-Dei achăng lê̆ inh, Sư ưh kơ tơl nơ̆r inh dơ̆ng yua 'bơ̆r lu bơngai khan lê̆ adrol, dah đơ̆ng apo. Thoi noh na inh khŏm krao ih tŏk, wă kơ ih roi tơ'bôh ăn kơ inh băt inh athei pơm kiơ.