I Sam 3:9 - Sơ̆p Hlabơar Nơ̆r 'Bok Kei-Dei

⁹ Na Hêli khan kơ Samuel: Ih năm tep wăi. Tơdah đei nơ̆r krao ih dơ̆ng, ih tơl: Ơ Kră Yang, apinh Ih khan bĕ, Inh đĭch Ih oei mơ̆ng! Samuel năm tep tơ anih sư dơ̆ng.

I Sam 3:9 ပူးပေါင်းရင်းမြစ်များ

Horiso 85:8

Inh gô mơ̆ng dôm tơdrong kiơ Kră Yang 'Bok Kei-Dei khan; Sư gô ăn hiôk-hian kơ kon pơlei pơla Sư păng ăn kơ lu bơngai lui yom kơ Sư, Mă-lei 'nĕ pă lê̆ lu sư hơlơ̆k pơm kơtul kơwao dơ̆ng

Horiso 85:9

Tơpă tơdrong sư dŏng pơklaih oei jê̆ tơ lu đe bu mă hli yom kơ sư. Wă kơ tơdrong ư-ang đei oei lăm char bơ̆n.

Le 20:19

Kon pơlei khan kơ Môis: Apinh Ih jah pơma hăm lu nhôn na lu nhôn gô mơ̆ng 'nĕ ăn kơ Kră Yang 'Bok Kei-Dei pơma hăm lu nhôn, kơnh hli kơ lu nhôn lôch.

Êsai 6:8

Păng inh kơtơ̆ng nơ̆r Kră Yang khan: “Inh gô wơh bu năm? Bu gô năm kơ lu bơ̆n?” Inh tơl: “Đei inh tơ âu, apinh ih wơh inh năm.”

Da 10:19

Sư khan kơ inh thoi âu: Ơ bơngai mă Kră Yang 'Bok Kei-Dei 'mêm, 'nĕ kơ hli; hơpơi kơ ih đei tơdrong pŭn hiôk oei hăm ih. Pran kơtang bĕ! Tơpă, pran kơtang bĕ! Kơplah sư oei pơma hăm inh, na inh đei jơhngơ̆m pran, na inh khan: Ơ yŏng tơ'ngla, pơma bĕ, yua kơ ih đei pơm boih kơ inh jing pran.

Jang 9:6

Na dang ei ih iung bĕ năm mơ̆t tơ Pơlei Đamas. Tơ noh đe gô khan kơ ih Inh wă ăn kơ ih jang tơdrong kiơ kơnh.”

Jôsuê 5:14

Sư tơl: Ưh, Inh Yŏng Linh Kră Yang. Jôsuê drap tơ teh kŭp kơ̆l kơkuh: Jet “Kră Yang athei đĭch đam Ih 'nâu pơm kiơ?”

I Sam 3:10

Kră Yang năm tơ noh, Sư krao dơ̆ng thoi adrol ki: Ơ Samuel! Ơ Samuel! Samuel drơ̆ng Apinh Ih bơtho khan bĕ, đĭch đam ih oei mơ̆ng!

I Sam 3:8

Kră Yang krao đơ̆ng Samuel wơ̆t mă pêng; sư gruih iung năm tơ Hêli, na khan: Ih krao inh ah? Kơplah noh Hêli băt kơ Kră Yang krao bơngai hơ'lơ̆p noh.