I Sam 3:17 - Sơ̆p Hlabơar Nơ̆r 'Bok Kei-Dei

¹⁷ Hêli jet: Kră Yang đei pơma bơtho tơdrong kiơ hăm ih? Ih 'nĕ ôn kơ inh ôh. Tơdah ih ôn lăm dôm nơ̆r mă Kră Yang đei pơma dơnuh bơtho hăm ih, apinh Kră Yang 'Bok Kei-Dei phak ih mă trăp.

I Sam 3:17 ပူးပေါင်းရင်းမြစ်များ

II Sam 14:18

Pơtao khan: “'Nĕ ôn kơ inh tơdrong kiơ inh wă apinh ih.” Bơngai drŏ-kăn khan: “Apinh pơtao yŏng tơ'ngla inh apinh bĕ.”

II Sam 19:13

Apinh măr iĕm kư̆m athei khan kơ Amasa: ‘Ih jơ̆ sĕch akar inh. Tơdah đơ̆ng âu tơ anăp ih ưh kơ pơm yŏng pơgơ̆r linh tơplih Jôap lei apinh Kră Yang 'Bok Kei-Dei phak inh trăp hloh!’ ”

II Sam 3:35

Đơ̆ng noh đĭ-đăng lu sư năm jê̆ tơ Đawit, pơlung pơlŭt sư sa 'biơ̆ 'bĕng tŏ sĕt adrol kơ 'năr mơ̆t. Mă-lei Đawit pơkăm khan: “Tơdah adrol kơ 'năr mơ̆t inh đei sa minh pôm 'bĕng dah tơmam sa kiơ nai, apinh Kră Yang 'Bok Kei-Dei phak inh mă trăp.”

II Sam 3:9

Apinh Kră Yang phak Apner mă trăp, tơdah inh ưh kơ kiơ̆ Đawit pơkeh dôm tơdrong Kră Yang đei pơkă hăm sư.

I Pot 22:16

Mă-lei pơtao khan: “Dôm wơ̆t bơih inh athei ih pơma mă tơpăt 'bơ̆t anăp inh pơkă hăm anăn Kră Yang.”

II Pot 6:31

Pơtao ôr rơ̆n pơma pơkă khan: “Dah inh ưh kơ kăt ako Êlisê kon drŏ-nglo Saphat lei apinh Kră Yang 'Bok Kei-Dei sek tơlang, phak inh mă trăp hloh.”

Horiso 141:5

Ăn kơ bơngai tơpăt teh inh, chrih kơ inh hăm tơdrong 'lơ̆ng. Noh thoi tuh đak rơmă tơ kơ̆l inh; 'Nĕ ăn kơ inh sơngah kơ tơdrong noh. Yua kơ inh ngăl krao khan blah tơdrong kơnê̆ đe pơm.

Je 38:14

Pơtao Sêđekia athei đe năm krao Jêrêmi păng chông ba sư mơ̆t trong 'măng mă pêng mơ̆t tơ hnam Kră Yang. Pơtao khan kơ Jêrêmi: “Inh đei minh tơdrong wă jet ih; 'nĕ ôn kơ inh.”

Je 42:4

Jêrêmi bơngai khan lê̆ adrol tơl: “Inh kơtơ̆ng boih, 'nâu, inh gô krao apinh Kră Yang 'Bok Kei-Dei lu iĕm, wă kơ băt tơdrong kiơ Kră Yang bơtho khan, inh gô roi ăn kơ lu iĕm băt, ưh kơ đei ôn ôh.”

Da 4:19

Dang ei, Đaniel, mă krao Beltơsatsar, jing kơmlo wă đunh păng dôm tơdrong tơchĕng pơm ăn kơ sư hơwơ̆l. Pơtao khan dơ̆ng: Ơ! Beltơsatsar 'nĕ ăn tơdrong apo âu păng tơdrong tơblang pơm kơ ih hơwơ̆l, Beltơsatsar khan thoi âu: Ơ yŏng tơ'ngla, thŭ tơdrong apo noh tuh ăn kơ lu bơngai areh kơ ih păng tơdrong tơblang tuh kơ bơngai ayăt kơ ih.

Mi 2:7

Ơ hnam Jakôp! Hăm trŏ đe khan tơdrong 'nâu Yang Bơhngol 'Lơ̆ng Kră Yang ưh kơ gơh pơm tôm tơdrong hă? 'Nâu hăm trŏ tơdrong Sư pơm? Hăm trŏ kơ nơ̆r Inh pơma pơyua kơ lu bơngai mă kiơ̆ tơdrong tơpăt.

Jo 23:17

Balaam wih dơ̆ng tơ Balak; sư oei dơ̆ng 'bơ̆t cheng tơmam soi hơdai hăm lu kră pơgơ̆r dêh Môap. Balak apinh: Kră Yang khan kiơ?

Mathiơ 26:63

Mă-lei Yêsu oei thĕng ưh kơ đei tơl sư thoi yơ ôh. 'Bok soi tơm jet Sư dơ̆ng: “Đei 'Bok Kei-Dei arih tơpă păng Sư 'bôh tôm tơdrong Ih pơm, na Ih athei roi kơ nhôn mă tơpăt, hăm trŏ kơ Ih 'Bok Krist, Kon 'Bok Kei-Dei tơpă dah ưh?”

Ru 1:17

ih lôch tơ yơ, inh kư̆m wă lôch păng 'bŭ hơdai ih tơ noh. Mă khan tơdrong kiơ pha 'nguaih kơ tơdrong lôch wă plah inh đơ̆ng ih. Apinh Kră Yang ăn tơdrong gleh truh tơ inh.

I Sam 14:44

Sôl pơkă: Ơ Jônathan, dah ih ưh kơ lôch, apinh Kră Yang tơjur tơdrong truh trăp dêh kơpal inh!

I Sam 20:13

Tơdah 'bă inh khŏm pơm wă pơrăm ih, inh gô roi ăn kơ ih băt, athei ih năm mă hiôk-hian, dah ưh, apinh Kră Yang phak inh mă trăp! Hơpơi apinh Kră Yang oei hơdai ih, kư̆m thoi Sư oei hơdai boih hăm 'bă inh.

I Sam 25:22

Hơpơi kơ Kră Yang 'Bok Kei-Dei phak inh thoi âu dah mă trăp hloh! Tơdah truh tơ dơning inh oei lê̆ minh 'nu bơngai drŏ-nglo ayơ oei arih lăm hnam dơnŏ sư.

I Sam 3:16

Mă-lei Hêli krao Samuel: Ơ Samuel, kon dăm năm tơ âu, sư tơl: Đei inh tơ âu.