I Sam 3:12 - Sơ̆p Hlabơar Nơ̆r 'Bok Kei-Dei

¹² Năr noh, Inh gô pơm 'blep dôm tơdrong thoi inh đei khan lê̆ adrol boih gah hnam dơnŏ Hêli: Đơ̆ng blŭng-a truh tơ tôch.

I Sam 3:12 ပူးပေါင်းရင်းမြစ်များ

Êsêkiên 21:5

Đĭ-đăng bơngai gô băt kơ Inh boih Kră Yang, gô toh đao đơ̆ng hơnglop păng ưh pă wơ̆t tah dơ̆ng!’

Sa 1:6

Na dôm nơ̆r Inh pơma păng khôi juăt Inh đei tơtă kơ lu đĭch đam inh bơngai khan lê̆ adrol ưh tam mă truh tơ lu 'bok yă iĕm hă? Na lu yă 'bok iĕm wih tơbral khan thoi âu: ‘Bơ̆n pơm ưh kơ lăp kơ Kră Yang Tih Hloh na Sư phak bơ̆n boih kư̆m kiơ̆ thoi Sư đei pơkă.’ ”

Jo 23:19

Kră Yang ưh kơ trŏ thoi minh 'nu kon bơngai gơh pơma hơlĕnh, Kŭm ưh kơ trŏ thoi kon bơngai mă gơh tơplih tơdrong tơchĕng ôh. Tơdrong mă sư khan boih, mă sư jor kơ pơm hă? Tơdrong mă sư pơkă, sư ưh kơ pơm keh hă?

Luka 21:33

Plĕnh teh gô hiong tôch đĭ, mă-lei dôm tơdrong Inh pơma ưh kơ đei layơ hiong tôch ôh, gô 'bôh tơpă.

Jôsuê 23:15

Mă-lei tơdah nơ̆r pơkă 'lơ̆ng mă Kră Yang 'Bok Kei-Dei lu iĕm đei pơsĭt ăn kơ lu iĕm thoi yơ boih, na Kră Yang kư̆m pơsĭt lu nơ̆r Sư wă tơhli pơrăm lu iĕm thoi noh, dĭng truh tơ Sư pơlôch pơrăm lu iĕm đĭ đơ̆ng dêh char 'lơ̆ng rŏ mă Kră Yang đei ăn kơ lu iĕm.

Lu 4:24

Lu bơngai Isơrael rai đunh rai pran blah iŏk Jabin jei sư, pơtao Kanaan dĭng truh kơ sư pơlôch pơrăm đĭ.

I Sam 4:11

Hom Pơgơ̆p Kră Yang 'Bok Kei-Dei đe blah iŏk, 'bar 'nu kon drŏ-nglo Hêli, Hopni păng Phinêhas, lôch.

I Sam 4:17

Bơngai noh tơl: Bơngai Isơrael thuơ kơdâu ôn 'bơ̆t anăp kon pơlei Philistin; kon pơlei bơ̆n thuơ tih dêh. Đơ̆ng noh, 'bar 'nu kon drŏ-nglo ih Hopni păng Phinêhas kư̆m lôch păng Hom Pơgơ̆p Kră Yang 'Bok Kei-Dei đe blah iŏk bơih.

I Sam 4:21

Sư anăn kơ kon hơ'lơ̆p sư noh Ikabôt,a wă khan: Tơdrong ư-ang Kră Yang 'Bok Kei-Dei đĭ weh jăk đơ̆ng bơngai Isơrael; Sư pơma noh wă khan gah Hom Pơgơ̆p Kră Yang 'Bok Kei-Dei đe blah iŏk, hăm tơnei păng klo sư lôch.

I Sam 4:22

Sư pơma dơ̆ng: Tơpă, tơdrong ư-ang Kră Yang đe Isơrael đĭ weh boih đơ̆ng bơngai Isơrael yua kơ Hom Pơgơ̆p Kră Yang 'Bok Kei-Dei đe đĭ blah iŏk bơih.