I Sam 3:11 - Sơ̆p Hlabơar Nơ̆r 'Bok Kei-Dei

¹¹ Kră Yang khan kơ Samuel: Inh wă pơm tơ lăm Isơrael minh tơdrong, bơngai bu mơ̆ng 'bar pah đon sư gô hrơ̆ng hreng.

I Sam 3:11 ပူးပေါင်းရင်းမြစ်များ

II Pot 21:12

Yua kơ thoi noh, na Kră Yang 'Bok Kei-Dei lu bơngai Isơrael khan thoi âu: Inh gô ăn tơdrong răm truh kơ Pơlei Jêrusalem păng Juđa dĭng mah mă bu bu kơtơ̆ng đe roi tơdrong noh chrêu kơ đon.

Jop 41:9

Tơdrong hơmĕng wă gơh rôp sư noh hiong đĭ hloi. Lăng 'bôh sư đĕch đe tơtơ̆ pơ̆k hraih đang hloi.

Êsai 28:19

Rim wơ̆t tơdrong anat anot truh, sư gô rôp ba lu iĕm tơ nai, sư gô truh, rim pơgê hrôih, kơ'năr kư̆m thoi kơmăng. Lu iĕm gô hli tơrơ dêh dah hlôh băt kơ nơ̆r bơtho noh.

Êsai 29:14

Thoi noh Inh gô pơm tơdrong hlĭch chrơp kơ kon pơlei âu, đơ̆ng tơdrong hlĭch âu truh tơdrong hlĭch nai. Tơdrong hlôh băt lu bơngai hlôh băt ưh pă yua kiơ, tơdrong hơgei lu bơngai hơgei gô hiong tôch.

Je 19:3

Ih athei khan: ‘Ơ lu pơtao Juđa păng đĭ-đăng kon pơlei oei lăm pơlei Jêrusalem, mơ̆ng bĕ nơ̆r Kră Yang. Kră Yang Tih Hloh 'Bok Kei-Dei lu bơngai Isơrael khan thoi âu: Âu, Inh gô ăn tơdrong răm pơmat truh kơ anih 'nâu, dah bơngai bu kơtơ̆ng nơ̆r 'nâu kư̆m jĭ đon.

Habakuk 1:5

“Lăng bĕ tơ lăm lu dêh char, na ih 'bôh hlĭch păng chrêu kơ đon! Yua kơ Inh oei gô đei wă pơm lăm chăl ih, mă khan đei bơngai roi kơ iĕm ră, Mă-lei iĕm ưh kơ lui.

Luka 21:26

'Bok Kei-Dei gô gơgŭ sơnglŏng đơ̆ng plĕnh na kon bơngai chang gô kơ tơdrong anat anot wă truh tơ jơ̆p-jang kơ ala teh âu, na lu sư hli dang lĕ kơ wă lôch.

Jang 13:41

'Bok Kei-Dei khan: ‘Ơ lu iĕm bơngai che bơle kơ Inh, iĕm lăng, iĕm gô sơleng kơ đon, pă tam băt kơnh iĕm lôch. Inh pơm tơdrong mơsêh mơyang lăm chăl iĕm arih, đe gô roi kơ iĕm tơdrong noh, mă-lei iĕm ưh kơ wă lui.’ ”

I Sam 3:10

Kră Yang năm tơ noh, Sư krao dơ̆ng thoi adrol ki: Ơ Samuel! Ơ Samuel! Samuel drơ̆ng Apinh Ih bơtho khan bĕ, đĭch đam ih oei mơ̆ng!

I Sam 4:10

Kon pơlei Philistin năm tơblah, bơngai Isơrael thuơ kơdâu ôn brŏk tơ bơsŭn lu sư kơdih. Noh bơih jĭ minh tơdrong tơblah thuơ tih dêh; pêng-jĭt rơbâu linh trong teh lôch glơch glach.