I Sam 3:1 - Sơ̆p Hlabơar Nơ̆r 'Bok Kei-Dei

¹ Samuel oei 'lơ̆p sư bơ̆jang kơ Kră Yang 'bơ̆t anăp Hêli. Kơplah noh nơ̆r, Kră Yang mă pơma dơnuh anăp mă hui kơđei, kư̆m hui kơ đei ăn kơ kon bơngai 'bôh tơdrong kiơ.

I Sam 3:1 ပူးပေါင်းရင်းမြစ်များ

Horiso 74:9

Lu nhôn pă đei 'bôh tơdra hlĭch. Ưh pă đei bơngai khan lê̆ adrol tơ lăm lu nhôn kư̆m ưh pă đei bu băt tơdrong âu dĭng truh tơ dang yơ.

Tơdrông Pơđơk 29:18

Tơ yơ ưh kơ đei pơdah tơ'bôh ôh kon pơlei oei rơngei pơm yoch, Mă-lei bu wei khôi juăt đei pŭn hiôk!

Êsai 13:12

Inh gô pơm kơ kon bơngai khăi hloh kơ maih se; Inh gô pơm kơ kon bơngai khăi 'băi hloh kơ maih rơgoh đơ̆ng dêh Ôphir.

Êsêkiên 7:26

Tơdrong gleh răm âu truh kư̆m đei dơ̆ng tơdrong gleh răm nai truh; kơtơ̆ng ang đei tơdrong âu kư̆m đei kơtơ̆ng ang tơdrong nai hai dơ̆ng. Lu sư chă tơdrong tơ'bôh đơ̆ng lu bơngai khan lê̆ adrol; tơdrong bơtho tơ'bôh khôi juăt đơ̆ng 'bok soi hăm đơ̆ng lu kră tă kơ hiong tôch đĭ bơih.

I Sam 2:11

Đơ̆ng noh Êlkana wih brŏk tơ pơlei sư tơ Rama, kon hơ'lơ̆p noh oei tơ noh bơ̆jang kơ Kră Yang 'bơ̆t anăp Hêli 'bok soi.

I Sam 2:18

Gah Samuel bơ̆jang 'bơ̆t anăp Kră Yang, sư oei 'lơ̆p, hrŭk ao Êphôt đe tanh hăm brai se.

I Sam 2:35

Na inh gô rơih chă kơ Inh kơdih minh 'nu 'bok soi tơnăp tơpăt, bơngai noh gô pơm lăp kơ jơhngơ̆m Inh; Inh gô ăn kơ sư đei minh adrĕch 'lơ̆ng tơpăt wă kơ pơm 'bok soi ling-lang hloi hăm bơngai mă Inh đei hling đak pơgang 'bâu phu.

I Sam 2:36

Bơngai bu mă oei arih lăm adrĕch ih gô năm apinh minh hlak jên hu păng minh tơpei 'bĕng, na khan, Inh wă apinh ih, tơmơ̆t inh lăm lu 'bok soi wă kơ inh đei 'bĕng sa.

I Sam 3:15

Samuel tep dĭng truh hơdah, đơ̆ng noh sư pơih 'măng hnam akŭm Kră Yang. Sư hli na ưh kơ pơ̆n roi dôm tơdrong tơ'bôh kơ sư noh kơ Hêli.

I Sam 3:21

Kră Yang jur tơ'bôh dơ̆ng akâu Sư tơ kông Silơ, tơ kông Silơ Kră Yang tơ'bôh akâu sư kơdih, jur pơma dơnuh hăm Samuel.