I Sam 29:8 - Sơ̆p Hlabơar Nơ̆r 'Bok Kei-Dei

⁸ Đawit pơma khan kơ Akis: Inh đei pơm tơdrong kiơ, na đơ̆ng năr inh oei hăm ih truh tơ năr 'nâu pơtao hăm đei 'bôh tơdrong kiơ đĭch đam ih âu mă pơm glăi, mă inh ưh kơ gơh năm tơblah bơngai ayăt kơ ih yŏng tơ'ngla inh.

I Sam 29:8 ပူးပေါင်းရင်းမြစ်များ

Mathiơ 6:13

Apinh Ih 'nĕ ăn kơ nhôn lui kơ đe pơhlŭ pơlung. Apinh Ih dŏng pơklaih nhôn đơ̆ng tơdrong kơnê̆, kơlih kơ dêh char Ih, tơdrong mơsêh mơyang Ih, tơdrong 'lơ̆ng rŏ Ih oei tơ Ih ling-lang. A-men.’

I Sam 12:3

Âu inh dơ̆ng 'bơ̆t anăp lu iĕm, 'bơ̆t anăp Kră Yang păng 'bơ̆t anăp pơtao mă Kră Yang đei tuh đak rơmă pơk pơm pơtao, wă kơ lu iĕm roi pơdah ăn. Inh hăm đei rôp rơmo bu ưh? Hăm rôp aseh đe bu ưh? Inh hăm hơlĕnh đe bu ưh? Pơm kơnê̆ tôn teh đe bu ưh? Inh hăm pơgâm sa đe wă bơbĭt lê̆ măt đe lăm dôm tơdrong jang kiơ ưh? Tơdah đei pơm thoi noh, gô pơdrâu đĭ kơ iĕm.

I Sam 17:29

Đawit tơl: Inh đei pơm kiơ? 'Noh inh wă apinh lăng đĕch!

I Sam 20:8

Apinh ih răk nơ̆r ih pơkă hăm inh đĭch đam ih, yua kơ ih đei pơkă anăn Kră Yang mă pơgơ̆p hăm đĭch đam ih. Dah inh đei yoch kiơ, apinh ih jah pơlôch inh bĕ; ngĕ kơ kiơ ba inh tơ 'bă ih?

I Sam 26:18

Sư pơma dơ̆ng: Yua kơ kiơ yŏng tơ'ngla inh druh 'moi wă rôp đĭch đam ih thoi noh? Inh đei pơm tơdrong kiơ păng tơpang ti inh đei pơm boih tơdrong yoch kơnê̆ yă kiơ?

I Sam 27:10

Rim wơ̆t Akis jet: Năr 'nâu, ih năm blah tơgar iŏk tơring ayơ? Đawit tơl: Lăm tơring gah gơal teh đak Juđa, gah gơal teh đak kon pơlei bơngai Jêrahmêel păng gah gơal teh đak kon pơlei bơngai Kênit.

I Sam 28:2

Đawit tơl nơ̆r Akis: Pơtao gô 'bôh dôm tơdrong đĭch đam pơtao pơm. Akis khan kơ Đawit dơ̆ng: Na inh gô iŏk ih pơm đam kơiĕng inh ling-lang.

I Sam 29:7

Lei ih brŏk mă 'lơ̆ng. 'Nĕ kơ pơm kơ jơhngơ̆m lu yŏng pơgơ̆r bơngai Philistin sơ'ngon.