I Sam 29:3 - Sơ̆p Hlabơar Nơ̆r 'Bok Kei-Dei

³ Na, lu bơngai yŏng pơgơ̆r kon pơlei pơla bơngai Philistin jet: Lu bơngai Hêbrơ pơm kiơ tơ âu? Akis tơl khan; 'nâu Đawit, đĭch đam Sôl, pơtao Isơrael, oei hăm inh wă đei loi kơ minh sơnăm kơ âu. Đơ̆ng năr sư năm oei hơdai păng lu nhôn dĭng truh dang ei, inh ưh kơ đei 'bôh sư pơm glăi minh tơdrong kiơ.

I Sam 29:3 ပူးပေါင်းရင်းမြစ်များ

Bl 14:13

Minh 'nu bơngai klaih năm kơdâu roi kơ Abram bơngai Hêbrơ, oei tơ hla hơmŭl 'long kôih Mamrê, bơngai Amôrit, 'nhŏng kơ Êskôl păng Ane, pêng 'nu âu pơgơ̆p hăm Abram boih.

I Ho 12:19

Kŭm đei lu bơngai khŭl Manase năm kiơ̆ Đawit kơplah sư năm hơdai hăm linh Philistin tơblah hăm Sôl, mă-lei sư hăm lu linh sư ưh kơ đei tơgŭm linh Philistin yua kơ lu bơngai Philistin tơweh Đawit khan: “Hli kơ sư wih hơlơ̆k hăm Sôl, yŏng tơ'ngla sư, pơm kơnê̆ chơ̆ng kơ̆l lu bơ̆n dơ̆ng.

I Ho 12:20

Lăp Đawit wih hơlơ̆k tơ Siklak, đei lu bơngai Manase năm kiơ̆ sư: Atnah, Jôsabat, Jêđiael, Mikael, Jôsabat, Êlihu păng Sillethai, lu sư tă kơ pơm yŏng kơ rơbâu 'nu linh lăm adrĕch adrung Manase.”

Da 6:5

Thoi noh lu đe noh khan thoi âu; lu bơ̆n chă tơdrong wă kơ kêng Đaniel ưh kơ đei, tơdah lu bơ̆n ưh kơ chă lăm khôi juăt Kră Yang 'Bok Kei-Dei sư.

Yo 19:6

'Bôh Yêsu boih, lu 'bok soi tih hăm lu linh ôr pơret khan: “Pơ̆ng Sư tơ 'long pơglang, pơ̆ng pơlôch Sư tơ 'long pơglang.” Pilat khan: “Lu iĕm iŏk Sư bĕ, pơ̆ng pơlôch Sư tơ 'long pơglang. Gah inh, inh ưh kơ 'bôh Sư pơm yoch kiơ ôh.”

Rom 12:17

Đe pơm kơnê̆ kơ bơ̆n, bơ̆n 'nĕ pơm tơwih kơ đe, bơ̆n athei pơm 'lơ̆ng pơm trŏ, pơm kiơ̆ kơ tơdrong bôl buăl mă lăp đon; bơ̆n pơm thoi noh đĕch 'lơ̆ng.

I Pet 3:16

Thoi noh bơ̆n athei pơm 'lơ̆ng tơpăt ling-lang, wă kơ lu bơngai mă pơjăm bơ̆n kiơ̆ tơdrong Yêsu, sư jing mơlâu yua kơ sư ưh kơ 'bôh tơdrong bơ̆n pơm yoch kiơ.

I Sam 14:11

Thoi noh na măr sư năm tơ kơđông bơngai Philistin, tơ'bôh akâu bre sư. Bơngai Philistin pơma tơduă: Lăng to lu bơngai Hêbrơ lĕch đơ̆ng hơgơp tơmo anih mă lu sư ôn.

I Sam 25:28

Apinh 'nĕ jơ̆ yo kơ đĭch đam ih âu! Kră Yang tơpă gô ăn kơ teh đak pơtao ih kơjăp sot, yua kơ ih wang tơblah hơdai hăm Kră Yang păng đĭ lăm chăl arih ih ưh kơ đei 'bôh minh tơdrong răm kiơ.

I Sam 27:1

Đawit tơchĕng lăm đon khan: Tơpă lăm minh năr ayơ kơnh, inh gô lôch kơ tơpang ti Sôl. Ưh kơ đei kiơ 'lơ̆ng hloh kơ inh năm kơdâu ôn lăm dêh Philistin, na Sôl huay pă chă inh lăm teh đak lu bơngai Isơrael dơ̆ng. Thoi noh na, inh gơh klĕch lĕch hlôi đơ̆ng tơpang ti sư.

I Sam 27:7

Đawit oei lăm teh đak bơngai Philistin lăp minh sơnăm puăn khei.

I Sam 29:6

Akis khŏm krao Đawit na khan: Đei Kră Yang mă arih ling-lang na sư inh pơkă khan, ih jơ̆ minh 'nu bơngai tơpăt, inh wă kơ sư mơ̆t lăm khŭl linh inh, yua kơ đơ̆ng năr ih oei hơdai inh dĭng truh tơ năr 'nâu, inh ưh kơ đei 'bôh ih pơm minh tơdrong kiơ kơnê̆. Mă-lei lu yŏng pơgơ̆r ưh kơ lăp đon.

I Sam 4:6

Kon pơlei Philistin kơtơ̆ng nơ̆r noh, na jet khan: Nơ̆r jreo re hiôk chơt tih lăm kơđông linh lu bơngai Hêbrơ noh kiơ kih? Lu sư kơtơ̆ng băt khan Hom Pơgơ̆p Kră Yang đe 'nao tung truh tơ lăm kơđông.