I Sam 28:8 - Sơ̆p Hlabơar Nơ̆r 'Bok Kei-Dei

⁸ Sôl sư pơm wă kơ đe ưh kơnăl hrŭk ao nai, năm chông ba 'bar 'nu bơngai kiơ̆, năm truh tơ hnam bơngai drŏ-kăn kơmăng, Sôl khan: Apinh ih krao tơgŭm ăn kơ inh tơdrong wă truh păng krao bơhngol bơngai lôch mă inh gô roi kơ ih.

I Sam 28:8 ပူးပေါင်းရင်းမြစ်များ

I Pot 22:30

Pơtao Isơrael khan kơ Jêhôsaphat: “Inh năm tơ anih tơblah hrŭk hơbĕn ao hmă đĕch, mă-lei, ih kư̆ kơ hrŭk hơbĕn ao pơtao.” Thoi noh pơtao đe Isơrael hrŭk hơbĕn ao hmă pơm wă kơ đe ưh kơ băt na năm tơblah.

I Pot 22:34

Mă-lei đei minh 'nu linh lăm lu sư gŭt hră dan 'brơ̆m, na hră sư phanh tă tơ 'bơm hloi pơtao đe Isơrael, 'bơm 'bơ̆t pơtrơp ao mam klĕch tơ kơtơh sư hloi. Pơtao khan kơ bơngai mă chĕp gre aseh sư: “Dui gre aseh wih tơ rŏng ba inh weh đơ̆ng anih tơblah 'nâu, yua kơ inh 'bơm 'brơ̆m bơih.”

I Ho 10:13

Pơtao Sôl lôch, yua kơ sư pơm yoch ưh kơ hli gơnang kơ Kră Yang; sư ưh kơ kiơ̆ nơ̆r Kră Yang bơtho pơkă păng kư̆m kiơ̆ bơngai krao apinh yang atâu,

II Ho 18:29

Pơtao Isơrael khan kơ Jêhôsaphat: “Inh gô hrŭk ao pha pơm thoi bơngai hmă na năm tŏk blah; gah ih athei hrŭk ao pơtao ih.” Pơtao Isơrael hrŭk hơbĕn ao hmă, dơ̆ng noh na bre sư năm tơblah.

II Ho 35:22

Mă-lei, Jôsia ưh kơ kơdŭn tơ rŏng, ưh kơ wă mơ̆ng nơ̆r Kră Yang đei yua Nêkô roi tơbăt; sư rai hơmet hrŭk hơbĕn ao tơwơ̆l năm tơ anăp tơblah hăm Nêkô; lu sư tơblah băl tơ lăm Thŭng Mêgiđô.

Êsai 8:19

Tơdah đei bu khan kơ iĕm Năm apinh jet bĕ lu pơjâu pơma hăm lu bơngai lôch, lu pơma bơlăm thoi sem păng pơma ưh kơ rơđah ôh khan bĕ kơ lu sư: Ưh kơ trŏ ôh hă kon pơlei năm apinh jet Kră Yang 'Bok Kei-Dei lu sư kơdih? Wă tơgŭm ăn kơ bơngai arih, liơ năm apinh jet bơngai lôch?

Je 23:24

Kră Yang khan: “Hăm đei bu gơh ôn hlơp akâu sư, mă Inh ưh kơ 'bôh? Kră Yang khan: Hăm trŏ kơ Inh oei tơ jơ̆p-jang kơpal plĕnh 'bĕnh kơ teh đak âu?

Êsêkiên 12:6

'Bơ̆t lu sư oei lăng ih athei tôi tơmam ih kơpal hơngiĕng, na yak năm lăm kơsơ̆ măng. Athei gom lê̆ muh măt ih wă huay kơ 'bôh teh đak âu yua kơ Inh pơm kơ ih jing tơdra kơ lu adrĕch Isơrael.”

Yo 3:19

'Bok Kei-Dei sek tơlang kon bơngai, Sư pơlong lăng thoi âu: Sư wơh Kon Sư jur pơchrang ăn tơdrong hơdah Sư tơ ala teh âu. Mă-lei kon bơngai ưh kơ wă kơ tơdrong hơdah Sư ôh. Kon bơngai wă oei lăm măng mu đĕch yua kơ lu sư wă pơm tơdrong kơnê̆ ling-lang.