I Sam 28:7 - Sơ̆p Hlabơar Nơ̆r 'Bok Kei-Dei

⁷ Sôl khan kơ lu đĭch đam sư: Chơchă kơ inh minh 'nu bơngai drŏ-kăn pơjâu inh gô năm apinh sư, lu đĭch đam tơl: Tơ Ênđôr đei minh 'nu bơngai drŏ-kăn pơjâu.

I Sam 28:7 ပူးပေါင်းရင်းမြစ်များ

II Pot 6:33

Tŏk-bŏk sư oei pơma thoi ei na lu sư 'bôh blư bơngai mă pơtao wơh ei truh, kư̆m blu pơtao truh mơ̆n, pơtao khan kơ 'bok Êlisê thoi âu: “Đei tơdrong răm truh 'nâu lĕch đơ̆ng Kră Yang. Lei inh wă gơnang kơ kiơ kơ Kră Yang dơ̆ng.”

I Ho 10:13

Pơtao Sôl lôch, yua kơ sư pơm yoch ưh kơ hli gơnang kơ Kră Yang; sư ưh kơ kiơ̆ nơ̆r Kră Yang bơtho pơkă păng kư̆m kiơ̆ bơngai krao apinh yang atâu,

Horiso 83:10

Đe pơlôch lu sư tơ Endôr, jing pơm mơ̆r kơ teh.

Êsai 19:3

Lu đe Êyiptơ gô rơdu, inh gô pơrăm lê̆ tơdrong tơdă lu sư hơmet wă pơm, lu sư gô krao chă lu rup yang, lu pơjâu, lu pơjâu pơma dơnuh hăm bơhngol bơngai lôch, lu pơjâu tơwir.

Lêwi 19:31

'Nĕ kơ năm tơ lu bơngai mă juăt kơ pơma hăm yang kơnê̆ dah lu pơjâu, 'nĕ kơ chă apinh lu sư ôh kơnh pơm kơ iĕm jing kơnê̆ đơ̆ng lu sư, Inh boih Kră Yang 'Bok Kei-Dei lu iĕm.

Habakuk 2:3

Yua kơ tơdrong tơ'bôh gô 'blep trŏ lăm năr đêl pơkă, gô keh thoi noh, ưh kơ đei pơngiĕl ôh; tơdah sư hiơ̆ 'biơ̆, ih kư̆ gô; yua kơ gô truh tơpă, ưh kơ hiơ̆ ôh.

Jang 16:16

Minh năr ei hơtai nhôn năm tơ anih akŭm krao khan nhôn tơ'bơ̆p minh 'nu bơngai adruh sư đĭch đe. Sư bơngai yang mơ̆t pơm kơ sư wơnh. Na yang kơnê̆ ăn kơ sư pơm pơjâu khan lê̆ hơdrol. Lu yŏng đĭch ei yua jên đơ̆ng đĭch sư chă pơma khan kơ đe na đe ăn kơ bơngai adruh yang mơ̆t ei, na lu yŏng sư jing mơdrŏng.

Both 18:11

bơngai juăt kơ chă hơlĕnh, chă pơma hăm lu yang, chă pơma hăm atâu.

Jôsuê 17:11

Teh gah Isakar păng Aser kư̆m đei adrĕch Manase oei thoi pơlei Bêt Sêan. Pơlei Iblêam păng lu kon pơlei Đôr, kon pơlei Êndôr, kon pơlei Tanak, păng kon pơlei Mêgiđô, tơring mă pêng noh pơlei Naphot kiơ̆ kơ jô̆.

I Sam 28:3

Kơplah noh, Samuel lôch boih đĭ lu bơngai Isơrael nhơ̆m hmoi kơ sư păng 'bŭ sư tơ Rama, pơlei sư kơdih. Sôl puh tơweh đĭ lu bơngai pơm pơjâu.