I Sam 28:3 - Sơ̆p Hlabơar Nơ̆r 'Bok Kei-Dei

³ Kơplah noh, Samuel lôch boih đĭ lu bơngai Isơrael nhơ̆m hmoi kơ sư păng 'bŭ sư tơ Rama, pơlei sư kơdih. Sôl puh tơweh đĭ lu bơngai pơm pơjâu.

I Sam 28:3 ပူးပေါင်းရင်းမြစ်များ

Le 22:17

Tơdah 'bă adruh ưh kơ wă rôp ăn, bơngai 'noh kư̆m athei duh jên kiơ̆ kơ juăt đei hơgăt bơngai adruh oei hơlai.

Le 22:18

Ih 'nĕ kơ lê̆ minh 'nu drŏ-kăn pơjâu arih ôh.

Lêwi 19:31

'Nĕ kơ năm tơ lu bơngai mă juăt kơ pơma hăm yang kơnê̆ dah lu pơjâu, 'nĕ kơ chă apinh lu sư ôh kơnh pơm kơ iĕm jing kơnê̆ đơ̆ng lu sư, Inh boih Kră Yang 'Bok Kei-Dei lu iĕm.

Lêwi 20:27

Bơngai drŏ-nglo dah drŏ-kăn pơm pơjâu dah pơm pơma hăm yang kơnê̆, đe gô pơlôch sư, klơ̆m sư păng tơmo, pham lu sư gô tuh tơ lu sư kơdih.

Lêwi 20:6

Tơdah bu năm lăng tơ pơjâu păng bơngai pơma hăm yang kơnê̆ lui kiơ̆ na pơm pơyô ngôi kư̆ kă hăm lu sư, Inh gô hil mĭl kơ bơngai noh păng gô puh tơweh sư lĕch đơ̆ng kon pơlei pơla sư.

I Sam 15:23

Hơngah ưh kơ pơm kiơ̆ noh kư̆m yoch thoi bơngai pơjâu hơlĕnh; Pơang kư̆m yoch thoi kơkuh kơ rup yang. Yua kơ đơ̆ng ih achăng lê̆ nơ̆r Kră Yang, na sư kư̆m achăng lê̆ ih ưh kơ ăn kơ ih pơm pơtao.

I Sam 25:1

Samuel lôch; đĭ-đăng lu bơngai Isơrael akŭm băl nhơ̆m hmoi kơ sư, đơ̆ng noh 'bŭ sư tơ lăm pơlei Rama. Đawit iung jur năm tơ char glă Pharan.

I Sam 28:9

Bơngai drŏ-kăn tơl: Ih băt hơđăl boih dôm tơdrong Sôl pơm, sư pơlôch pơđĭ lu bơngai mă pơm pơjâu. Na, liơ ih pơm hơđong wă pơlôch inh?

I Sam 7:17

Na sư wih brŏk tơ pơlei Rama, anih hnam sư oei. Tơ noh sư kư̆m sek tơlang kơ kon pơlei Isơrael păng pơm chơnang soi kơkuh kơ Kră Yang.