I Sam 28:15 - Sơ̆p Hlabơar Nơ̆r 'Bok Kei-Dei

¹⁵ Samuel jet Sôl: Yua kơ kiơ ih pơhrơ inh krao inh tŏk wă pơm kiơ? Sôl tơl: Inh đei tơdrong truh tih, yua kơ lu bơngai Philistin tơblah păng inh. Na Kră Yang 'Bok Kei-Dei achăng lê̆ inh, Sư ưh kơ tơl nơ̆r inh dơ̆ng yua 'bơ̆r lu bơngai khan lê̆ adrol, dah đơ̆ng apo. Thoi noh na inh khŏm krao ih tŏk, wă kơ ih roi tơ'bôh ăn kơ inh băt inh athei pơm kiơ.

I Sam 28:15 ပူးပေါင်းရင်းမြစ်များ

Horiso 51:11

Apinh 'nĕ puh lê̆ inh đơ̆ng anăp Ih. Kŭm 'nĕ kơ iŏk lê̆ Yang Bơhngol 'lơ̆ng Ih đơ̆ng inh.

Tơdrông Pơđơk 14:14

Jơhngơ̆m hơlĕnh gô tơ'bĕnh blĕk thoi sư pơm; Mă-lei bơngai 'lơ̆ng đơ̆ng jơ̆ng ti kơdih đei apah kiơ̆ trong sư.

Hôsia 9:12

Mă khan lu sư 'me rong lu kon hơ'lơ̆p, Inh gô pơlôch lê̆ đĭ-đăng pă đei bu oei arih dơ̆ng. Răm-'băm dêh kơ lu sư. Mưh inh achăng lê̆ lu sư!

Mathiơ 25:41

“Klaih kơ noh Inh pơma kơ lu bơngai mă oei gah 'ngiĕo kơ Inh dơ̆ng thoi âu: ‘Dang ei 'Bok Kei-Dei wă phak iĕm boih, iĕm jah weh đơ̆ng âu kơdâu năm tơ dơnâu ŭnh to bĕ. Ŭnh noh ưh kơ layơ păt, ŭnh noh 'Bok Kei-Dei hơmet ăn kơ yang Satan păng đĭ-đăng kơ lu linh jang kơ sư năm oei tơ lăm dơnâu ŭnh noh.

Lu 16:20

Drŏ-kăn ei khan: Ơ Samsơn bơngai Philistin năm blah rôp ih. Sư iung khan: Inh gô lĕch klaih hlôi thoi brei mơsơ̆ păng inh gô klaih đơ̆ng ti lu sư. Mă-lei sư ưh kơ băt ôh Kră Yang lĕch jăk đơ̆ng sư boih.

I Sam 18:12

Sôl hli kơ Đawit, yua kơ Kră Yang oei hơdai hăm Đawit, na achăng lê̆ sư.

I Sam 23:2

Đawit krao apinh Kră Yang: Inh hăm gơh blah lu bơngai Philistin 'nâu? Kră Yang tơl Đawit khan: Năm bĕ, blah bơngai Philistin păng dŏng kon pơlei Kêila.

I Sam 23:4

Đawit krao apinh dơ̆ng Kră Yang; Kră Yang tơl sư: Iung bĕ, jur năm tơ Kêila; Inh gô jao kon pơlei bơngai Philistin lăm tơpang ti ih.

I Sam 28:11

Bơngai drŏ-kăn jet: Inh krao bơngai bu 'bơ̆t anăp ih? Sôl tơl: Krao Samuel tŏk tơ âu.

I Sam 28:16

Samuel tơl: Yua kơ kiơ ih krao inh, yua kơ Kră Yang achăng lê̆ ih boih na jing ayăt kơ ih?

I Sam 28:6

Sôl krao khan kơ Kră Yang; mă-lei Kră Yang ưh kơ đei tơl nơ̆r sư, lăm tơdrong apo, dah đơ̆ng Urim dah đơ̆ng 'bơ̆r lu bơngai khan lê̆ adrol.

I Sam 28:8

Sôl sư pơm wă kơ đe ưh kơnăl hrŭk ao nai, năm chông ba 'bar 'nu bơngai kiơ̆, năm truh tơ hnam bơngai drŏ-kăn kơmăng, Sôl khan: Apinh ih krao tơgŭm ăn kơ inh tơdrong wă truh păng krao bơhngol bơngai lôch mă inh gô roi kơ ih.

I Sam 30:6

Đawit đei tơdrong hli krưp tih dêh yua kơ lu bơngai kiơ̆ sư wă klơ̆m sư păng tơmo. Đĭ-đăng kơ lu linh kiơ̆ sư đei jơhngơ̆m ơh sơ'ngon dêh, yua kơ hiong kon drŏ-nglo kon drŏ-kăn lu sư, mă-lei Đawit đei jơhngơ̆m nuih pran đơ̆ng Kră Yang 'Bok Kei-Dei ăn kơ sư.