I Sam 28:10 - Sơ̆p Hlabơar Nơ̆r 'Bok Kei-Dei

¹⁰ Sôl pao anăn Kră Yang pơkă hăm bơngai drŏ-kăn: Inh pao anăn Kră Yang mă arih ling-lang pơkă, ih ưh kơ đei yoch kiơ lăm tơdrong jang 'nâu.

I Sam 28:10 ပူးပေါင်းရင်းမြစ်များ

Bl 3:5

Mă-lei Kră Yang 'Bok Kei-Dei băt layơ măr iĕm sa plei 'long noh, măr iĕm gô hlôh thoi Kră Yang 'Bok Kei-Dei, băt tơdrong 'lơ̆ng păng tơdrong kơnê̆.”a

II Sam 14:11

Drŏ-kăn ei khan dơ̆ng: “Apinh pơtao krao apinh Kră Yang 'Bok Kei-Dei ih găn wă kơ lu bơngai pơm 'mong huay kơ iung kơting ưh pă pơrăm păng pơlôch kon drŏ-nglo inh.” Pơtao tơl: “Inh pao anăn Kră Yang arih ling-lang na pơkă khan, minh ioi sŏk đơ̆ng kơ̆l kon drŏ-nglo ih gô ưh kơ đei hơlŭng tơ teh!”

Le 20:7

Iĕm 'nĕ yua anăn Kră Yang 'Bok Kei-Dei iĕm wă pơma kư̆ kă, yua kơ Kră Yang ưh kơ achăng ôh bơngai bu yua anăn Kră Yang 'Bok Kei-Dei mă pơma kư̆ kă.

Mathiơ 26:72

Mă-lei Pêtrôs oei sơngah khan: “Inh khan kơ iĕm tơpă, inh ưh kơ băt kơ Sư ôh.”

Markôs 6:23

'Bok pơtao khan kơ sư tơpă: “Tơmam kiơ ih wă apinh, roi bĕ, inh gô ăn kơ ih tơpă. Dah inh hơlĕnh mă 'Bok Kei-Dei phak inh, mă ih apinh iŏk minh puăt teh đak inh, kư̆m bưh mơ̆n.”

I Sam 14:39

Inh yua anăn Kră Yang arih ling-lang, dŏng pơklaih Isơrael, inh pơkă khan bơngai bu đei pơm yoch, mă Jônathan, kon drŏ-nglo inh kơdih, kư̆m trŏ kơ lôch! Lăm đĭ-đăng kon pơlei ưh kơ đei bu tơl nơ̆r sư.

I Sam 19:6

Sôl mơ̆ng nơ̆r Jônathan roi na sư pơkă khan: Inh pao anăn Kră Yang mă arih ling-lang, Đawit gô ưh kơ lôch ôh!

I Sam 28:11

Bơngai drŏ-kăn jet: Inh krao bơngai bu 'bơ̆t anăp ih? Sôl tơl: Krao Samuel tŏk tơ âu.

I Sam 28:9

Bơngai drŏ-kăn tơl: Ih băt hơđăl boih dôm tơdrong Sôl pơm, sư pơlôch pơđĭ lu bơngai mă pơm pơjâu. Na, liơ ih pơm hơđong wă pơlôch inh?