I Sam 27:11 - Sơ̆p Hlabơar Nơ̆r 'Bok Kei-Dei

¹¹ Đawit ưh kơ đei lê̆ minh 'nu bơngai drŏ-nglo dah bơngai drŏ-kăn mă oei arih wă chông ba brŏk tơ Gat; hli kơ lu sư gô roi kơ dôm tơdrong Đawit hăm lu bơngai kiơ̆ sư pơm. Kơplah Đawit oei lăm dêh kon pơlei bơngai Philistin sư juăt kơ pơm thoi noh ling-lang.

I Sam 27:11 ပူးပေါင်းရင်းမြစ်များ

Tơdrông Pơđơk 12:19

Hơpiĕt pơma tơdrong sĭt gô oei ling-lang, Hơpiĕt pơma hơlĕnh đei hrei 'nâu đĕch.

Tơdrông Pơđơk 29:25

Tơdrong hli kơ kon bơngai thoi hơđong hơ'năk; Mă-lei bơngai bu đei gơnang kơ Kră Yang oei hơđơ̆ng.

Je 41:4

Năr đơ̆ng rŏng kơ pơlôch Gêđalia, tim mă đei bu băt ôh tơdrong noh,

I Sam 22:22

Đawit tơl Abiathar: Lăm năr noh, inh băt hơđăl kơ Đôe, bơngai Eđôm, sư kư̆m đei măt tơ noh mơ̆n, rŏ lăng sư roi ăn kơ Sôl. Inh gô pŭ đĭ kơ tơdrong lôch đĭ-đăng hnam 'bă ih.

I Sam 27:10

Rim wơ̆t Akis jet: Năr 'nâu, ih năm blah tơgar iŏk tơring ayơ? Đawit tơl: Lăm tơring gah gơal teh đak Juđa, gah gơal teh đak kon pơlei bơngai Jêrahmêel păng gah gơal teh đak kon pơlei bơngai Kênit.

I Sam 27:12

Akis lui kơ Đawit, na khan: Sư pơm ăn kơ lu bơngai Isơrael lăng sư krưp dêh, jơ̆ kon pơlei pơla sư, na sĭt tơpă sư gô pơm đĭch đam inh ling-lang ling-lang.

I Sam 30:2

lu sư rôp lu bơngai drŏ-kăn păng đĭ-đăng lu 'lơ̆p 'lŏ mă oei lăm noh. Lu sư ưh kơ đei pơlôch minh 'nu bơngai bu, sư chông ba pơđĭ pơm bơnă.