I Sam 25:7 - Sơ̆p Hlabơar Nơ̆r 'Bok Kei-Dei

⁷ Đawit kơtơ̆ng ang khan ih đei lu bơngai hơgei yuă sŏk triu. Kơplah lu bơngai wei triu ih oei jê̆ lu nhôn kơplah lu nhôn ưh kơ đei pơm kiơ kơ lu sư kơplah tơ Karmel. Lu sư kư̆m ưh kơ đei kiơ hiong ôh.

I Sam 25:7 ပူးပေါင်းရင်းမြစ်များ

II Sam 13:23

'Bar sơnăm đơ̆ng rŏng kơplah năr Apsalôm yuă sŏk triu sư tơ pơlei Baal Harsôl jê̆ hơdral pơlei tih Êphraim, Apsalôm sư krao wơ̆n đĭ-đăng lu kon pơtao.

II Sam 13:24

Apsalôm năm tơ pơtao na khan: Đĭch đam ih đei boih lu bơngai năm yuă sŏk triu na apinh ih hăm linh wei ih năm ngôi hơdai tơ hnam inh.

Luka 3:14

Lu linh kư̆m jet sư mơ̆n: “Bĭ gah nhôn, ih wă kơ nhôn pơm thoi yơ?” Na Yôhan khan kơ sư: “'Nĕ pơgŏ iŏk tơmam đe, 'nĕ jâu ngơ̆r wă sa tơmam đe păng 'nĕ kơ mơmơnh kơ jên khei iĕm đei.”

Philip 2:15

thoi noh đe anăn kon 'Bok Kei-Dei, adrin pơm 'lơ̆ng ling-lang, na huay kơ đei tơdrong yoch, mă khan iĕm oei tŏk-bŏk lu bơngai kơnê̆, lu bơngai hơlĕnh pơdăr, lu bơngai dang lĕ kơ oei lăm măng mu na lu sư gơh pơm dôm tơdrong 'noh. Gah iĕm hlôh wao tôm tơdrong boih, thoi lĕ kơ hơdah ŭnh, na iĕm athei pơchrang ăn tơdrong hơdah iĕm kơ lu sư kơplah oei tơ teh âu.

Philip 4:8

Ơ lu 'nhŏng oh, iĕm kơtơ̆ng boih tơdrong noh na iĕm athei tơchĕng tơdrong kiơ 'lơ̆ng, tơdrong kiơ tơpăt, tơdrong kiơ trŏ, tơdrong kiơ kăl, tơdrong kiơ đe ư-ang, tơdrong kiơ hơiă, tơdrong kiơ kon bơngai lăp đon, tơdrong kiơ đe tơ'mêm băl.

I Sam 22:2

Kŭm đei lu bơngai pơmat-tat, lu bơngai hre đom păng lu bơngai đei jơhngơ̆m ơh sơ'ngon kư̆m wang jur akŭm hơdai hăm sư, na sư pơm kơ̆l lu đe ei; thoi noh lu sư đei dang puăn-hrĕng 'nu bơngai.

I Sam 25:21

Đawit đei pơma khan: Tơpă pih pang gleh lap đĕch lu nhôn hlôi bơwei dôm tơmam bơngai 'nâu lăm char glă, sư huay kơ'bah dah hiong minh tơdrong kiơ, mă-lei sư iŏk tơdrong kơnê̆ 'mong tơdrong 'lơ̆ng inh pơm.