I Sam 25:43 - Sơ̆p Hlabơar Nơ̆r 'Bok Kei-Dei

⁴³ Đawit adrol noh kư̆m iŏk oei kơ Ahinôam, oei tơ Jesreel na 'bar 'nu bre noh kư̆m pơm akăn sư.

I Sam 25:43 ပူးပေါင်းရင်းမြစ်များ

Bl 2:24

Yua kơ thoi noh na bơngai drŏ-nglo gô tơklah đơ̆ng mĕ 'bă sư na oei hơdai hăm akăn sư, na 'bar 'nu bre sư jing minh sĕch minh akar.a

II Sam 2:2

Đawit tŏk năm tơ noh hơdai hăm 'bar 'nu akăn sư, Ahinôam đơ̆ng pơlei Jêsreel hăm Abigail, dơ̆ng akăn Nabal pơlei Karmel.

II Sam 3:2

Tơ Hêbrôn lu akăn Đawit pơjing kon drŏ-nglo ăn kơ pơtao Đawit; kon kơdră sư anăn Amnôn đơ̆ng Ahinôam bơngai Jêsreel tơpŭ ăn.

Mathiơ 19:5

‘Yua kơ thoi noh na bơngai drŏ-nglo drŏ-kăn tơklah đơ̆ng mĕ 'bă sư kơdih na oei hơdai, bre sư jing minh sĕch minh akar.’

Mathiơ 19:8

Yêsu khan: “'Noh yua kơ yă 'bok iĕm sơ̆ arăng kơ̆l na Môis pơkă khan gơh achăng. Mă tơpă đơ̆ng blŭng-a sơ̆ 'Bok Kei-Dei ưh kơ đei pơkă khan thoi noh ôh.

Jôsuê 15:56

Jesreel, Jôkđem, Sanôa,

I Sam 27:3

Đawit păng lu bơngai kiơ̆ sư oei hăm Akis tơ Gat, rim 'nu đei hnam dơnŏ lu sư kơdih. Đawit đei 'bar 'nu akăn kiơ̆, Ahinôam đơ̆ng Jêsreel păng Abigail, mă đêl akăn Nabal oei tơ Karmel.

I Sam 29:11

Na Đawit hăm lu bơngai kiơ̆ sư iung đơ̆ng hrôih, lăp 'năr wă hơdah pơgê dơ̆ng rŏng wơ̆t brŏk tơ dêh kon pơlei bơngai Philistin; gah kon pơlei Philistin tŏk năm tơ Jesreel.

I Sam 30:5

'Bar 'nu akăn Đawit kư̆m rôp chĕp ba pơm bơnă mơ̆n, Ahinôam mă đơ̆ng Jêsreel păng Abigail đêl akăn Nabal mă oei tơ Karmel.