I Sam 25:42 - Sơ̆p Hlabơar Nơ̆r 'Bok Kei-Dei

⁴² Abigail iung hloi, hao aseh iĕ sư, đei pơđăm 'nu đĭch drŏ-kăn sư năm kiơ̆ sư, na năm hơdai hăm lu bơngai Đawit wơh, pơm akăn Đawit.

I Sam 25:42 ပူးပေါင်းရင်းမြစ်များ

II Sam 2:2

Đawit tŏk năm tơ noh hơdai hăm 'bar 'nu akăn sư, Ahinôam đơ̆ng pơlei Jêsreel hăm Abigail, dơ̆ng akăn Nabal pơlei Karmel.

II Sam 3:2

Tơ Hêbrôn lu akăn Đawit pơjing kon drŏ-nglo ăn kơ pơtao Đawit; kon kơdră sư anăn Amnôn đơ̆ng Ahinôam bơngai Jêsreel tơpŭ ăn.

II Sam 3:3

Kon mă 'bar sư Kilêap, đơ̆ng Abigail đêl akăn Nabal bơngai Karmel tơpŭ. Kon mă pêng anăn Apsalôm kon drŏ-nglo Maka kon adruh Thamai, pơtao Gêsur.

I Sam 27:3

Đawit păng lu bơngai kiơ̆ sư oei hăm Akis tơ Gat, rim 'nu đei hnam dơnŏ lu sư kơdih. Đawit đei 'bar 'nu akăn kiơ̆, Ahinôam đơ̆ng Jêsreel păng Abigail, mă đêl akăn Nabal oei tơ Karmel.

I Sam 30:5

'Bar 'nu akăn Đawit kư̆m rôp chĕp ba pơm bơnă mơ̆n, Ahinôam mă đơ̆ng Jêsreel păng Abigail đêl akăn Nabal mă oei tơ Karmel.