I Sam 25:35 - Sơ̆p Hlabơar Nơ̆r 'Bok Kei-Dei

³⁵ Đawit iŏk dôm tơmam đơ̆ng ti sư chĕp ba na pơkă khan: Brŏk wih bĕ tơ hnam dơnŏ ih hiôk hơđơ̆ng, inh kơtơ̆ng boih dôm nơ̆r ih apinh păng inh kư̆m răk kiơ̆ thoi nơ̆r hơpơi.

I Sam 25:35 ပူးပေါင်းရင်းမြစ်များ

Bl 19:21

Linh jang 'lơ̆ng khan: “Âu, inh mơnat kơ ih dơ̆ng, gô huay pơrăm pơlei mă ih khan noh.

II Sam 15:9

Pơtao tơl khan: “Kon năm mă 'lơ̆ng. Na Apsalôm iung, năm truh tơ Hêbrôn.”

II Pot 5:19

Êlisê khan: Năm bĕ, yak kơ ih mă 'lơ̆ng rŏ, hiôk-hian! Lăp Naaman hlôi weh đơ̆ng Êlisê, ataih 'biơ̆ bơih.

Jop 34:19

Kră Yang ưh kơ pơư kơ lu bơngai pơgơ̆r, Kŭm ưh kơ lăng kơ bơngai mơdrŏng hloh kơ bơngai dơnuh; Yua kơ đĭ-đăng lu sư đơ̆ng tơpang ti Kră Yang pơjing ngăl.

Tơdrông Pơđơk 25:11

Nơ̆r pơma trŏ lăp noh, Thoi plei hơra 'maih dan kơpal pơnhan hu.

Luka 7:50

Na Yêsu khan kơ bơngai drŏ-kăn ei dơ̆ng: “Yua kơ ih lui na ih klaih. Yak kơ ih mă 'lơ̆ng bĕ.”

Luka 8:48

Na Yêsu khan kơ sư: “Ơ duch, kơlih kơ ih lui na ih klaih. Na dang ei brŏk kơ ih mă 'lơ̆ng bĕ.”

I Sam 1:17

Na Hêli khan, năm mă 'lơ̆ng bĕ krao khan bĕ kơ Kră Yang 'Bok Kei-Dei Isơrael ăn kơ ih tơdrong ih krao apinh sư.

I Sam 20:42

Jônathan pơma dơnuh hăm Đawit: Yak năm bĕ kơ ih mă 'lơ̆ng; lu bơ̆n yua anăn Kră Yang pơgơ̆p nơ̆r pơkă băl; Kră Yang gô pơm kơdranh sơlam tŏk-bŏk inh hăm ih tŏk-bŏk adrĕch adrung inh păng adrĕch adrung ih dĭng truh ning-mônh ling-lang.