I Sam 25:32 - Sơ̆p Hlabơar Nơ̆r 'Bok Kei-Dei

³² Đawit tơl nơ̆r Abigail: Inh kơkuh bơnê kơ Kră Yang 'Bok Kei-Dei lu bơngai Isơrael, đei wơh ih năm truh tơ'bơ̆p inh năr 'nâu!

I Sam 25:32 ပူးပေါင်းရင်းမြစ်များ

Bl 24:27

Păng khan: “Trŏ kơkuh bơnê tơpă kơ Kră Yang, Kră Yang 'Bok Kei-Dei yŏng tơ'ngla inh Abraham! Sư ưh kơ lê̆ tơdrong mơnat păng pơkă tơpăt hăm yŏng tơ'ngla inh! Kơplah inh oei yak, Kră Yang chông ba inh truh tơ hnam 'nhŏng oh yŏng tơ'ngla inh.”

I Pot 1:48

păng khan: ‘Kơkuh bơnê ư-ang kơ Kră Yang 'Bok Kei-Dei bơngai Isơrael, năr 'nâu Ih đei ăn kơ măt inh đei 'bôh boih kon drŏ-nglo inh hơ-oei kơpal tang-dŏ pơtao inh.’ ”

I Pot 8:15

Sư khan: “Bơnê ư-ang kơ Kră Yang; 'Bok Kei-Dei Isơrael pơkeh đơ̆ng Ih pơkă hăm 'bă inh Đawit, yua kơ đơ̆ng ti mơsêh Ih pơsĭt trŏ nơ̆r pơkă 'noh,” Ih kư̆m khan thoi âu dơ̆ng:

Esơra 7:27

Na Esơra khan thoi âu: Trŏ bơnê ư-ang dêh tơpă kơ Kră Yang Kră Yang 'Bok Kei-Dei lu 'bok yă bơ̆n, đei hơmet jơhngơ̆m pơtao wă hơmet pơrŏ ming hnam akŭm Kră Yang tơ pơlei Jêrusalem.

Horiso 106:48

Kơkuh bơnê kơ Kră Yang 'Bok Kei-Dei Isơrael. Đơ̆ng blŭng-a adrol kơ đĭ-đăng dĭng truh tơ ning-mônh ling-lang! Đĭ kon pơlei pơla gô khan “A-men”! Halêluya!

Horiso 31:22

Lăm năr chhŭr nuih inh khan thoi âu: “Đe tơweh inh ataih boih đơ̆ng anăp Ih.” Mă-lei Ih mơ̆ng nơ̆r inh krao apinh. Kơplah inh krao Ih dŏng pơklaih.

Horiso 72:18

Trŏ kơkuh bơnê kơ Kră Yang 'Bok Kei-Dei bơngai Isơrael, Lăp minh 'nu Sư đĕch pơm tơdrong hlĭch chrơp!

Le 18:10

Na Jêthrô pơma khan: Trŏ bơnê ư-ang kơ Kră Yang tơpă! Tơ'ngla pơklaih boih lu iĕm lĕch hlôi đơ̆ng ti bơngai Êyiptơ păng đơ̆ng ti Pharaôn.

Luka 1:68

“Bĕ bơ̆n ư-ang kơ 'Bok Kei-Dei, Kră Yang wei-lăng bơngai Isơrael bơ̆n, yua kơ Sư tơgŭm bơ̆n tơpă na Sư huai iŏk bơ̆n.

II Kor 8:16

Inh bơnê kơ 'Bok Kei-Dei pơm kơ Tĭt hưch hanh kơ năm tơgŭm iĕm kư̆m thoi inh hưch hanh kơ tơgŭm iĕm ling-lang.

Jôsuê 22:33

Lu kon pơlei Isơrael hiôk kơtơ̆ng tơdrong âu lu sư bơnê kơ Kră Yang 'Bok Kei-Dei, lu sư ưh pă pơma 'bơm kơ tơblah hăm pơrăm lu bơngai Rubên păng bơngai Gat, dơ̆ng.