I Sam 25:28 - Sơ̆p Hlabơar Nơ̆r 'Bok Kei-Dei

²⁸ Apinh 'nĕ jơ̆ yo kơ đĭch đam ih âu! Kră Yang tơpă gô ăn kơ teh đak pơtao ih kơjăp sot, yua kơ ih wang tơblah hơdai hăm Kră Yang păng đĭ lăm chăl arih ih ưh kơ đei 'bôh minh tơdrong răm kiơ.

I Sam 25:28 ပူးပေါင်းရင်းမြစ်များ

II Sam 5:2

Adrol sơ̆ kơplah Sôl oei pơm pơtao, ih boih pơgơ̆r lu linh Isơrael năm tơblah. ‘Kră Yang đei khan kơ ih’ ‘Ih boih gô wei rong kon pơlei pơla Isơrael Inh, păng pơgơ̆r lu sư.”

II Sam 7:11

Kơplah Inh pôk pơjing bơngai sek tơlang pơgơ̆r bơngai Isơrael Inh, Inh gô ăn kơ ih huay pă hli oei hiôk-hian ưh pă đei ayăt chă pơrăm ih dơ̆ng păng Kră Yang pơkă khan Sư gô tơiung pơdơ̆ng kơ ih minh pôm hnam.

II Sam 7:16

Adrĕch hnam ih ưh kơ đei khăi bơngai pơtrơp ih; Inh gô ăn tang-dŏ ih kơjăp khŏm khŏm. Păng dêh char pơtao ih oei kơjăp ling-lang khŏm khŏm.”

II Sam 7:27

Kơkuh kơ Ih, ơ Kră Yang Tih Hloh jơ̆ Kră Yang 'Bok Kei-Dei bơngai Isơrael, kơdih Ih 'mơ̆i đei tơ'bôh tơbăt nơ̆r 'nâu hăm đĭch đam Ih khan, Ih gô pơjing pơdơ̆ng hnam đĭch đam Ih kơjăp, na mă đĭch đam Ih âu jing pơ̆n pơyơ̆r kơ Ih dôm nơ̆r apinh 'nâu.

I Pot 15:3

Sư năm kiơ̆ đĭ trong tơdrong yoch mă 'bă sư đei pơm bơih adrol kơ sư; lăm jơhngơ̆m sư ưh kơ pơm tơdrong 'lơ̆ng tơpăt 'bơ̆t anăp Kră Yang 'Bok Kei-Dei sư, thoi jơhngơ̆m 'bok kơdră sư pơm.

I Pot 15:5

yua kơ Đawit đei pơm bơih 'lơ̆ng tơpăt 'bơ̆t anăp Kră Yang, sư pơm kiơ̆ tôm tơdrong mă Kră Yang tơtă kơ sư lăm đĭ chăl arih sư, lăp minh tơdrong pơm glăi hăm Uri bơngai Hêtit đĕch.

I Pot 9:5

lei Inh gô ăn kơ ih hơ-oei kơpal tang-dŏ pơtao pơgơ̆r lu bơngai Isơrael kơjăp ling-lang kiơ̆ thoi Inh đei pơkă hăm Đawit 'bă ih: “Ih ưh kơ kơ'bah kơ bơngai hơ-oei kơpal tang-dŏ pơtao pơgơ̆r lu bơngai Isơrael.”

I Ho 17:10

đơ̆ng chăl Inh ăn đei kră pơgơ̆r wei-lăng kon pơlei pơla Inh Isơrael păng Inh gô ăn đĭ-đăng lu ayăt chu yom kiơ̆ ih. “Inh roi ăn kơ ih băt Kră Yang gô pơm ăn kơ dêh char pơtao ih kơjăp.

I Ho 17:25

Ih boih Ơ Kră Yang 'Bok Kei-Dei inh, tơ'bôh boih kơ đĭch đam Ih khan Ih gô pơm ăn kơ sư hnam, thoi noh đĭch đam Ih pơ̆n krao khan 'bơ̆t anăp Ih.

II Ho 20:15

Sư khan: “Ơ pơtao Jêhôsaphat, bơngai Juđa đơ̆ng jơ̆p pơlei păng kon pơlei oei lăm pơlei Jêrusalem, mơ̆ng bĕ! Kră Yang khan: ‘Lu iĕm 'nĕ kơ hli, 'nĕ tơrơ kơ lu linh lơ kơdrâ̆m 'nâu, yua kơ tơdrong tơblah 'nâu ưh kơ sĭ kơ lu iĕm ôh, 'nâu kơ Kră Yang 'Bok Kei-Dei.’

Horiso 7:3

Ơ Kră Yang Kră Yang 'Bok Kei-Dei inh; dah inh pơm boih dôm tơdrong noh, Păng đei pơm kơnê̆ đơ̆ng ti inh;

Horiso 89:29

Inh gô ăn kơ adrĕch adrung sư kơjăp ling-lang. Păng tang-dŏ pơtao sư oei sot jơnoi thoi năr tơ plĕnh.

Jo 23:21

Sư ưh kơ đei 'bôh ôh tơdrong yoch kơnê̆ lăm Jakôp, Păng ưh kơ đei tơdrong răm lăm Isơrael, Kră Yang 'Bok Kei-Dei lu sư, oei hơdai lu sư, Lăm adrĕch Isơrael đei nơ̆r pơtao jreo chơt hiôk lăm lu sư.

Mathiơ 5:16

Lu iĕm athei pơchrang hơdah kơ đe tơdrong hơdah lu iĕm thoi noh mơ̆n, na đe băt kơ tơdrong iĕm pơm 'lơ̆ng, na đe bơnê hăm ư-ang kơ 'Bă bơ̆n tơ plĕnh ti.

Luka 23:41

Đe pơ̆ng pơlôch ba trŏ boih yua kơ ba pơm tơdrong yoch tơpă. Mă-lei Sư âu ưh kơ đei pơm tơdrong yoch kiơ ôh.”

Luka 23:47

'Bok tih linh 'bôh dôm tơdrong Yêsu lôch noh na sư ư-ang kơ 'Bok Kei-Dei khan: “Bơngai 'nâu Sư bơngai 'lơ̆ng tơpăt ưh kơ đei pơm yoch kiơ ôh.”

I Sam 15:28

Samuel khan kơ sư: Năr 'nâu Kră Yang kư̆m hek teh đak Isơrael đơ̆ng ih kư̆m thoi noh mơ̆n, na pơjao ăn kơ bơngai nai đơ̆ng, trŏ hloh kơ ih.

I Sam 17:47

Đĭ lu bơngai tơ âu gô 'bôh Kră Yang ưh kơ dŏng pơklaih păng đao dah păng tơju yua kơ Kră Yang jơ̆ yŏng kơ tơblah păng Sư gô jao lu iĕm lăm tơpang ti lu nhôn.

I Sam 18:17

Sôl pơma dơnuh hăm Đawit: 'Nâu Mêrap kon drŏ-kăn kơdră inh. Inh gô ăn kơ ih oei pơm akăn mă-lei ih athei mă nuih tơblah ăn kơ Kră Yang. Sôl tơchĕng lăm jơhngơ̆m khan: Tơpang ti inh ưh kơ gơh pơrăm sư, mă-lei lê̆ kơ tơpang ti lu kon pơlei Philistin pơrăm sư noh trŏ hloh.

I Sam 2:35

Na inh gô rơih chă kơ Inh kơdih minh 'nu 'bok soi tơnăp tơpăt, bơngai noh gô pơm lăp kơ jơhngơ̆m Inh; Inh gô ăn kơ sư đei minh adrĕch 'lơ̆ng tơpăt wă kơ pơm 'bok soi ling-lang hloi hăm bơngai mă Inh đei hling đak pơgang 'bâu phu.

I Sam 22:14

Ahimelek tơl pơtao: Na, lăm lu đĭch đam ih, bơngai bu tơnăp dang Đawit. Ih pơk sư pơm ŏng ih, yŏng lu bơngai gak ih păng gơh pơyom hloh kơ đĭ-đăng lăm hnam pơtao ih?

I Sam 24:11

Ơ 'bă! Lăng bĕ tơdrơi ao ih mă inh oei chĕp lăm tơpang ti inh; ih 'bôh inh lăp kăt iŏk tơdrơi ao ih mă-lei inh ưh kơ pơlôch ih, băt boih inh ưh kơ đei pơm tơdrong yoch kiơ hăm ih. Mă-lei gah ih, chă wă pơlôch inh.

I Sam 24:17

Sôl khan kơ Đawit: Kon pơm tơpăt hloh kơ 'bă, yua kơ iŏk tơdrong 'lơ̆ng, na pơm 'mong tơdrong kơnê̆ 'bă hlôi pơm ăn kơ kon.

I Sam 24:21

Thoi noh dang ei, yua bĕ anăn Kră Yang pơkă hăm inh khan kon ưh kơ gơh wă pơlôch adrĕch adrung inh păng kư̆m ưh kơ gơh wă pơrăm lê̆ anăn inh đơ̆ng lu yă 'bok inh.

I Sam 24:4

Lu bơngai kiơ̆ Đawit roi kơ sư: Năr 'nâu jơ̆ năr mă Kră Yang đei khan kơ ih: Inh gô jao lu bơngai ayăt kơ ih lăm tơpang ti ih mơ̆ng kơ ih wă pơm liơ kơ sư; đơ̆ng noh Đawit iung, năm kăt tơtông iŏk tơdrơi ao Sôl.

I Sam 25:24

Thoi noh sư kŭp kơ̆l 'bơ̆t jơ̆ng na pơma khan thoi âu: Ơ yŏng tơ'ngla, inh glăi, glăi inh! Apinh đĭch đam ih âu gơh pơma roi hăm ih; apinh mơ̆ng bĕ dôm lu nơ̆r đĭch đam ih âu.

I Sam 29:3

Na, lu bơngai yŏng pơgơ̆r kon pơlei pơla bơngai Philistin jet: Lu bơngai Hêbrơ pơm kiơ tơ âu? Akis tơl khan; 'nâu Đawit, đĭch đam Sôl, pơtao Isơrael, oei hăm inh wă đei loi kơ minh sơnăm kơ âu. Đơ̆ng năr sư năm oei hơdai păng lu nhôn dĭng truh dang ei, inh ưh kơ đei 'bôh sư pơm glăi minh tơdrong kiơ.

I Sam 30:26

Đawit wih brŏk tơ Siklak păng asong ăn tơmam kơ lu đe kră lăm dêh Juđa păng kư̆m gơih nơ̆r pơma khan: Gơih ăn kơ iĕm tơmam âu. 'Nâu jơ̆ tơmam asong ăn kơ lu iĕm đơ̆ng tơmam bơ̆n blah tơgar iŏk đơ̆ng lu bơngai mă ayăt kơ Kră Yang.