I Sam 25:24 - Sơ̆p Hlabơar Nơ̆r 'Bok Kei-Dei

²⁴ Thoi noh sư kŭp kơ̆l 'bơ̆t jơ̆ng na pơma khan thoi âu: Ơ yŏng tơ'ngla, inh glăi, glăi inh! Apinh đĭch đam ih âu gơh pơma roi hăm ih; apinh mơ̆ng bĕ dôm lu nơ̆r đĭch đam ih âu.

I Sam 25:24 ပူးပေါင်းရင်းမြစ်များ

Bl 44:18

Juđa năm jê̆ tơ Jôsep păng lung apinh thoi âu: Yua kơ ih pơm tih hơtŏ kơ hơngiĕng Pharaôn, apinh ih mơnat, 'nĕ kơ hil blĕk kơ đĭch đam ih, asong inh pơma minh nơ̆r kơ ih mơ̆ng yŏng tơ'ngla.

II Sam 14:12

Drŏ-kăn ei khan dơ̆ng: “Apinh pơtao ăn kơ inh đĭch đam ih roi minh nơ̆r kơ pơtao dơ̆ng pơtao khan ‘Ih roi bĕ’ ”

II Sam 14:9

Bơngai drŏ-kăn Têkôa tơl dơ̆ng: “Kơkuh kơ pơtao yŏng tơ'ngla inh, lê̆ tơdrong yoch tuh kơpal inh păng adrĕch hnam 'bă inh, gah pơtao păng anih pơtao ưh kơ đei 'bơm ôh.”

II Sam 20:17

Lăp Jôap truh jê̆, bơngai drŏ-kăn ei jet: “Ih hăm trŏ kơ Jôap yŏng linh ưh?” Sư tơl: “Inh âu boih.” Drŏ-kăn ei pơma dơ̆ng: “Mơ̆ng bĕ nơ̆r đam drŏ-kăn ih.” Sư tơl: “Inh mơ̆ng âu.”

II Pot 4:37

Duch ei năm truh, drap 'bơ̆t jơ̆ng sư, păng kŭp muh măt tơ teh, pôk iŏk kon sư na lĕch tơ 'nguaih.

Esther 8:3

Esther pơma dơ̆ng hăm pơtao sư drap 'bơ̆t jơ̆ng pơtao, nhơ̆m apinh hơdrĭ 'bơ̆t pơtao apinh pơtao pơrăm lê̆ tơdrong Haman bơngai Agak chă đon wă pơrăm adrĕch Juđa.

Tơdrông Pơđơk 25:15

Đơ̆ng adrin chơ̆n na gơh pơtơm bơngai pơm yŏng pơgơ̆r chu. Hơpiĕt pơma huăt rơdu lu kơting 'bônh kơ tơgơ̆.

Bôk Bơthô 10:4

Dah yŏng pơgơ̆r hil, ih 'nĕ hăt kơdâu weh đơ̆ng anih ih, yua kơ đơ̆ng ih chu sư na gơh klaih đơ̆ng tơdrong glăi tih.

Mathiơ 18:29

Na bôl sư sơtơ̆p kŭl-tăng 'bơ̆t jơ̆ng sư păng khan: ‘Ơ 'nhŏng, apinh ih gô 'biơ̆, inh gô duh kơ ih tôm.’

I Sam 24:8

Kơplah noh Đawit kư̆m iung, lĕch đơ̆ng lăm tơmo, krao Sôl, na khan: Ơ pơtao, yŏng inh! Sôl hue lăng tơ rŏng, na Đawit kŭp kơ̆l tơ teh.

I Sam 25:23

Abigail 'bôh Đawit, jur hloi đơ̆ng aseh iĕ hăt hot, na drap tơ teh 'bơ̆t anăp Đawit.

I Sam 25:25

Apinh ih 'nĕ kơ jơ̆ yo kơ Nabal bơngai khĕnh to 'noh; yua kơ jơhngơ̆m klơm klak sư trŏ kơ anăn sư, anăn sư Nabal yua kơ lăm sư đei ưh kơwao, kơchu; gah inh, inh ưh kơ 'bôh lu bơngai mă ih wơh.

I Sam 25:28

Apinh 'nĕ jơ̆ yo kơ đĭch đam ih âu! Kră Yang tơpă gô ăn kơ teh đak pơtao ih kơjăp sot, yua kơ ih wang tơblah hơdai hăm Kră Yang păng đĭ lăm chăl arih ih ưh kơ đei 'bôh minh tơdrong răm kiơ.