I Sam 25:22 - Sơ̆p Hlabơar Nơ̆r 'Bok Kei-Dei

²² Hơpơi kơ Kră Yang 'Bok Kei-Dei phak inh thoi âu dah mă trăp hloh! Tơdah truh tơ dơning inh oei lê̆ minh 'nu bơngai drŏ-nglo ayơ oei arih lăm hnam dơnŏ sư.

I Sam 25:22 ပူးပေါင်းရင်းမြစ်များ

I Pot 14:10

Yua kơ tơdrong 'noh na Inh gô ăn tơdrong truh pơmat kơ hnam adrĕch Jêrôbôam, Inh gô pơlôch đĭ lu bơngai drŏ-nglo, mă bơngai rơngei dah đĭch lăm khŭl Isơrael, Inh gô soh hơpuih pơgoh hnam adrĕch Jêrôbôam, thoi đe soh tơmam 'mê̆ dĭng mă goh.

I Pot 16:11

Lăp Simri tŏk pơm pơtao, sư pơlôch pơđĭ bơngai lăm hnam Baasa ưh kơ lê̆ minh 'nu drŏ-nglo ayơ, mă khan lăm adrĕch adrung dah buăl juăt.

I Pot 21:21

‘Inh gô ăn tơdrong gleh truh kơ ih. Inh gô tơhiong pơtôch lê̆ ih, păng pơrăm pơđĭ hnam Ahap truh tơ đĭ-đăng đĭch dah bơngai rơngei lăm dêh char Isơrael;

II Pot 9:8

Đĭ-đăng adrĕch Ahap, Inh gô pơrăm pơlôch lê̆ đĭ lu bơngai drŏ-nglo adrĕch Ahap, mă khan bơngai đĭch, dah bơngai rơngei, pơlôch đĭ đơ̆ng lăm char Isơrael;

Ru 1:17

ih lôch tơ yơ, inh kư̆m wă lôch păng 'bŭ hơdai ih tơ noh. Mă khan tơdrong kiơ pha 'nguaih kơ tơdrong lôch wă plah inh đơ̆ng ih. Apinh Kră Yang ăn tơdrong gleh truh tơ inh.

I Sam 14:44

Sôl pơkă: Ơ Jônathan, dah ih ưh kơ lôch, apinh Kră Yang tơjur tơdrong truh trăp dêh kơpal inh!

I Sam 20:13

Tơdah 'bă inh khŏm pơm wă pơrăm ih, inh gô roi ăn kơ ih băt, athei ih năm mă hiôk-hian, dah ưh, apinh Kră Yang phak inh mă trăp! Hơpơi apinh Kră Yang oei hơdai ih, kư̆m thoi Sư oei hơdai boih hăm 'bă inh.

I Sam 20:16

Na, Jônathan pơgơ̆p hăm Đawit păng hnam dơnŏ sư. Apinh Kră Yang phak lu bơngai ayăt kơ Đawit. Dah lu sư ưh kơ 'blŏk kơ tơdrong pơgơ̆p ba.

I Sam 3:17

Hêli jet: Kră Yang đei pơma bơtho tơdrong kiơ hăm ih? Ih 'nĕ ôn kơ inh ôh. Tơdah ih ôn lăm dôm nơ̆r mă Kră Yang đei pơma dơnuh bơtho hăm ih, apinh Kră Yang 'Bok Kei-Dei phak ih mă trăp.