I Sam 25:17 - Sơ̆p Hlabơar Nơ̆r 'Bok Kei-Dei

¹⁷ Thoi noh dang ei ih athei tơchĕng lăng wă pơm liơ yua kơ gô đei tơdrong răm truh kơ yŏng tơ'ngla lu nhôn păng kư̆m truh kơ hnam dơnŏ ih; yŏng tơ'ngla khĕnh dêh, ưh kơ đei bu pơ̆n pơma kiơ hăm sư.

I Sam 25:17 ပူးပေါင်းရင်းမြစ်များ

II Sam 24:13

Gat bơngai khan lê̆ adrol năm roi ăn kơ pơtao Đawit. Bơngai khan lê̆ adrol apinh pơtao: “Pơtao rơih iŏk tơdrong ayơ: Tơpơh sơnăm pơngot rơwĕt jơ̆p-jang kơ lăm teh đak pơtao, dah pêng khei pơtao athei kơdâu ôn lăm kơplah ayăt oei druh pơtao, dah pêng năr đei tơdrong jĭ hơbuh tơ jơ̆p-jang teh đak? Dang ei apinh ih athei tơchĕng lăng mă hơlen, wă kơ inh gơh roi ăn kơ Kră Yang Tơ'ngla wơh inh noh thoi yơ.”

I Pot 21:10

Athei ăn 'bar 'nu bơngai pơm kơdranh hơlĕnh hơ-oei 'bơ̆t anăp sư, 'bar 'nu pơm kơdranh hơlĕnh khan. Nabôt hiap Kră Yang 'Bok Kei-Dei păng hiap pơtao. Đang kơ noh athei dui tơlĕch sư tơ jih pơlei klơ̆m pơlôch sư păng tơmo.”

I Pot 21:13

Đơ̆ng noh ăn 'bar 'nu bơngai hơ-oei 'bơ̆t anăp Nabôt; na jâu sư 'bơ̆t anăp kon pơlei pơla khan: “Nabôt hiap Kră Yang 'Bok Kei-Dei păng hiap pơtao.” Na lu sư dui Nabôt lĕch tơ jih pơlei klơ̆m pơlôch sư păng tơmo.

II Ho 13:7

Lu bơngai kơnê̆ kư̆ kă năm kiơ̆ ih; tơblah hăm Rêhôbôam, kon drŏ-nglo Sôlômôn; Rêhôbôam; sư oei mơlôh, ưh kơ kĕ tơblah hăm ih.

II Ho 25:16

Mă-lei kơplah 'bok khan lê̆ adrol oei pơma, pơtao khan plơ̆: “Nhôn hăm đei pôk ih chă đon kơ inh? Weh bĕ, ih 'maih lôch hă?” 'Bok khan lê̆ adrol noh ngăn na khan: “Inh băt Kră Yang wă pơlôch pơrăm ih, yua kơ ih đei pơm boih tơdrong noh păng ưh kơ wă mơ̆ng nơ̆r inh.”

Esther 7:7

Pơtao blĕk iung weh hloi đơ̆ng gơ'bang sŏng sa; đơ̆ng noh năm mơ̆t lăm anih pơgar pơkao 'bơ̆t cham pơtao. Mă-lei Haman apinh hơdrĭ iung đơ̆ng yă pơtao Esther ăn kơ sư gơh oei arih, yua kơ sư 'bôh boih tơdrong pơtao tơchĕng wă pơm kơ sư.

Tơdrông Pơđơk 12:8

Bơngai bu gơh hơgei đei đon tơpăt đe bơnê. Mă-lei bơngai bu jơhngơ̆m kơnê̆ đe pơchê pơjăm.

Both 13:13

đei lu bơngai kơnê̆ iung năm pơhlŭ pơlung kon pơlei noh, khan: Bĕ bơ̆n năm kơkuh kơ yang nai, yang mă lu iĕm tam lah băt,

Lu 19:22

Kơplah lu sư oei sŏng sa hiôk chơt đei lu bơngai drŏ-nglo kơnê̆ lăm pơlei 'noh wang tăp kơ hnam 'noh gơgŭ 'măng; lu sư khan kơ 'bok kră tơ'ngla hnam 'noh: Athei ih tơlĕch bĕ bơngai 'noh đơ̆ng lăm hnam ih, lê̆ lu nhôn ngôi kư̆ kă lăm sư.

I Sam 10:27

Mă-lei đei lu bơngai mơ'nah pơjăm sư khan: Sư 'noh khan wă dŏng tơgŭm yă kiơ đei đăi? Lu sư pơjăm lăng Sôl ưh kơ rơ-a, ưh kơ wă chĕp ăn kơ sư tơmam kiơ ôh. Mă-lei Sôl sư ngăn hreh đĕch.

I Sam 2:12

'Bar 'nu kon drŏ-nglo Hêli jing bơngai kơnê̆ tơpă, bre sư ưh kơ băt hli yom kơ Kră Yang.

I Sam 20:7

Tơdah sư tơl: 'Lơ̆ng, lei inh âu đĭch đam ih gô gơh hiôk, mă-lei tơdah sư hil blĕk, 'noh ih băt kơ sư wă pơlôch inh.

I Sam 20:9

Jônathan tơl: 'Nĕ kơ tơchĕng kư̆ kă thoi noh! Tơdah inh băt tơpă kơ 'bă inh chă đon wă pơlôch ih, lei inh kư̆m ưh kơ roi kơ ih hă?

I Sam 25:16

Lu sư bơwei lu nhôn mă kơ'năr păng kơmăng lu sư nhen thoi dur pĕng lu nhôn, kơplah lu nhôn wei triu jê̆ tơ lăm tơring lu sư.

I Sam 25:18

Abigail hăt hot iŏk 'bar-hrĕng tŏ tơpei 'bĕng, 'bar kơthŭng akar sik hơmu; 'nhĕm pơđăm tŏ triu pai sĭn boih. Pơđăm kơthŭng phe 'ba mi hơdrĕng. Minh-hrĕng hơie plei hơmu, 'bar-hrĕng tơpei 'bĕng plei hơra kro, sư hơtŏk tơ rŏng aseh iĕ.

I Sam 25:25

Apinh ih 'nĕ kơ jơ̆ yo kơ Nabal bơngai khĕnh to 'noh; yua kơ jơhngơ̆m klơm klak sư trŏ kơ anăn sư, anăn sư Nabal yua kơ lăm sư đei ưh kơwao, kơchu; gah inh, inh ưh kơ 'bôh lu bơngai mă ih wơh.