I Sam 25:12 - Sơ̆p Hlabơar Nơ̆r 'Bok Kei-Dei

¹² Lu tơdăm mơlôh đơ̆ng Đawit wơh wih brŏk dơ̆ng, lu sư roi ăn kơ Đawit mơ̆ng dôm lu nơ̆r noh.

I Sam 25:12 ပူးပေါင်းရင်းမြစ်များ

II Sam 24:13

Gat bơngai khan lê̆ adrol năm roi ăn kơ pơtao Đawit. Bơngai khan lê̆ adrol apinh pơtao: “Pơtao rơih iŏk tơdrong ayơ: Tơpơh sơnăm pơngot rơwĕt jơ̆p-jang kơ lăm teh đak pơtao, dah pêng khei pơtao athei kơdâu ôn lăm kơplah ayăt oei druh pơtao, dah pêng năr đei tơdrong jĭ hơbuh tơ jơ̆p-jang teh đak? Dang ei apinh ih athei tơchĕng lăng mă hơlen, wă kơ inh gơh roi ăn kơ Kră Yang Tơ'ngla wơh inh noh thoi yơ.”

Hêbrơ 13:17

Iĕm athei yom kơ bơngai mă pơgơ̆r iĕm, yua kơ sư adrin wei-lăng tơdrong lui iĕm, dang lĕ kơ wei-lăng bơhngol iĕm. Tơ̆ng sư wei-lăng ưh kơ 'blep, 'Bok Kei-Dei kư̆m chrih kơ sư mơ̆n. Iĕm athei yom kơ sư na sư jang hiôk kơ jơhngơ̆m huay kơ sơ'ngon. Tơ̆ng sư sơ'ngon, noh ưh kơ pơyua iĕm boih.

I Sam 25:11

Na inh iŏk 'bĕng, đak păng 'nhĕm inh hơmet boih kơ lu bơngai jang yuă sŏk bơbe triu na mă wă ăn kơ lu bơngai ưh kơ băt đơ̆ng yơ truh tơ âu?

I Sam 25:13

Đawit khan kơ lu bơngai kiơ̆ sư: Rim 'nu kơ lu bơ̆n athei tơ̆n đao bơ̆n. Lu sư tơ̆n đao păng Đawit kư̆m tơ̆n đao sư; dang puăn-hrĕng 'nu bơngai năm kiơ̆ Đawit, oei pă 'bar-hrĕng 'nu bơngai oei răp gô wei tơmam.