I Sam 24:9 - Sơ̆p Hlabơar Nơ̆r 'Bok Kei-Dei

⁹ Đawit khan kơ Sôl: Yua kơ kiơ pơtao mơ̆ng dôm lu nơ̆r đe khan: Đawit chă wă pơrăm pơtao?

I Sam 24:9 ပူးပေါင်းရင်းမြစ်များ

Horiso 101:5

Inh gô ngăn hreh kơ lu đe mă pơma roi 'bơm lu rông 'bôt. Gah lu bơngai đei măt pơrŏ păng jơhngơ̆m pơang, Inh ưh kơ lăp ôh.

Horiso 141:6

Đe gô klơ̆m lu kră pơgơ̆r lu sư đơ̆ng dur tơmo; Lu sư băt kơ nơ̆r inh pơma trŏ.

Tơdrông Pơđơk 16:28

Bơngai hơlĕnh ba tơdrong pơjah. Wă pơma plah tơklah tơduă bôl buăl.

Tơdrông Pơđơk 17:4

Bơngai kơnê̆ pơgling đon mơ̆ng nơ̆r đơ̆ng 'bơ̆r lu bơngai pơm kơnê̆. Bơngai hơlĕnh hlŭ kơ nơ̆r 'bơ̆r đe pơma kơnê̆.

Tơdrông Pơđơk 18:8

Nơ̆r đe roi hơlĕnh sơlam thoi tơmam sa 'ngam; Păng mơ̆t truh tơ klơm klak.

Tơdrông Pơđơk 25:23

Kial đơ̆ng yă-nơ̆m ba đak 'mi. Hơpiĕt ayơ roi sa pơma krŭl pơm kơ đe blĕk.

Tơdrông Pơđơk 26:28

Hơpiĕt hơlĕnh areh lu bơngai sư pơjuă; Mă 'bơ̆r lu sư pơma pơkă wă pơrăm.

Tơdrông Pơđơk 29:12

Tơdah lu kră pơgơ̆r mơ̆ng nơ̆r pơma hơlĕnh. Lei đĭ lu bơngai jang tă jing pơm kơnê̆ ngăl.

Je 37:18

Đơ̆ng noh Jêrêmi khan kơ pơtao Sêđekia: “Inh hăm đei pơm glăi hăm ih, hăm lu kră pơgơ̆r, dah hăm kon pơlei âu, na ih mah rôp tah inh tơ lăm hnam phak?

Lêwi 19:16

'Nĕ kơ roi sa pơma 'bơm, 'nĕ chă tơdrong wă pơm kơnê̆ kơ rông 'bôt ih, Inh bơih Kră Yang.

Ya 3:6

'Bơ̆r kon bơngai bơ̆n kư̆m thoi ŭnh, pơma kơ đe mrĕp, gơh pơma tôm tơdrong kơnê̆; pơm kơ akâu bơ̆n kơdih kư̆m jing răm kơnê̆ 'mê̆-'mach; pơrăm akâu akar, pơrăm tơdrong arih jing hiong hiach. Ŭnh 'noh apoh iŏk đơ̆ng ŭnh khŭl sơmăt.

I Sam 20:1

Đawit klĕnh đơ̆ng Naiôt lăm pơlei Rama, năm tơ Jônathan, na apinh Jônathan: Inh đei pơm yoch kiơ, tơdrong kơnê̆ kiơ? Inh pơm tơdrong yoch kiơ hăm 'bă ih, na mă sư chă đon wă pơlôch inh?

I Sam 20:41

Hlôi kơ đĭch sư năm boih, Đawit iung đơ̆ng gah gơal kơ tơmo sơtơ̆p kŭl-tăng tơ teh păng kơkuh kơ Jônathan pêng wơ̆t, na bre sư tơkuăr chŭm păng nhơ̆m, Đawit nhơ̆m đunh hloh.

I Sam 24:10

To, lăng bĕ măt ih 'bôh năr 'nâu lăm hơgơp tơmo Kră Yang jao ih lăm tơpang ti inh, đei bơngai athei inh pơlôch ih, mă-lei inh mơnat kơ ih, na khan inh ưh kơ pơm kiơ kơ akâu jăn yŏng inh yua kơ sư jơ̆ đơ̆ng Kră Yang tuh ăn đak rơmă.

I Sam 24:8

Kơplah noh Đawit kư̆m iung, lĕch đơ̆ng lăm tơmo, krao Sôl, na khan: Ơ pơtao, yŏng inh! Sôl hue lăng tơ rŏng, na Đawit kŭp kơ̆l tơ teh.

I Sam 26:18

Sư pơma dơ̆ng: Yua kơ kiơ yŏng tơ'ngla inh druh 'moi wă rôp đĭch đam ih thoi noh? Inh đei pơm tơdrong kiơ păng tơpang ti inh đei pơm boih tơdrong yoch kơnê̆ yă kiơ?

I Sam 26:19

Dang ei apinh inh mơ̆ng bĕ nơ̆r đĭch đam ih roi. Tơdah Kră Yang pơdrŭt ih pơrăm inh, hơpơi kơ Sư iŏk tơmam soi pơyơ̆r 'bâu phu; mă-lei dah đơ̆ng kon bơngai đĕch pơdrŭt Kră Yang gô hiap pơtê̆ lu sư; yua kơ năr 'nâu lu sư druh puh tơweh inh, ưh kơ ăn inh lăm teh đak mă Kră Yang ăn kơ lu kon pơlei pơla sư bơ̆jang sa păng lu sư khan: Năm, kơkuh kơ yang nai bĕ.