I Sam 24:6 - Sơ̆p Hlabơar Nơ̆r 'Bok Kei-Dei

⁶ Sư khan kơ lu bơngai kiơ̆ sư: Hơpơi kơ Kră Yang phak inh tơdah inh pơm yoch hăm yŏng tơ'ngla inh, bơngai mă chu tuh đak rơmă đơ̆ng Kră Yang, yua kơ sư jơ̆ bơngai chu tuh đak rơmă đơ̆ng Kră Yang.

I Sam 24:6 ပူးပေါင်းရင်းမြစ်များ

II Sam 1:14

Đawit ôr: “Yua kơ kiơ ih pơ̆n pơlôch bơngai mă đơ̆ng Kră Yang rơih.”

II Sam 24:10

Đơ̆ng rŏng kơ jô̆ kơ̆l kon bơngai đang boih, pơtao Đawit jơhngơ̆m sư ưh kơ hiôk păng khan kơ Kră Yang: “Kơkuh kơ Ih Kră Yang, inh đei pơm boih minh tơdrong kơtul bơlŭk păng yoch trăp. Dang ei inh apinh Kră Yang mơnat ăn kơ inh đĭch đam Ih.”

I Pot 21:3

Mă-lei Nabôt khan kơ Ahap: “Apinh Kră Yang wei 'nĕ ăn inh ăn kơ ih tơmam đơ̆ng 'bok kơdră inh.

Mathiơ 5:44

Mă-lei gah Inh bơtho iĕm thoi âu: Iĕm athei 'mêm mơnat kơ lu bơngai mă pơm kơnê̆ kơ iĕm, krao khan apinh 'Bok Kei-Dei tơgŭm sư,

Rom 12:14

Mă đe pơm kơnê̆ kơ bơ̆n, bơ̆n 'nĕ kơ blei hiap đe, bơ̆n rai krao khan apinh 'Bok Kei-Dei mơnat kơ sư dơ̆ng.

I Tes 5:15

Iĕm 'nĕ kơ hil kơ sư. Iĕm ling-lang athei pơm 'lơ̆ng lăm tơduă iĕm hăm lu bôl buăl nai mơ̆n.

I Sam 12:3

Âu inh dơ̆ng 'bơ̆t anăp lu iĕm, 'bơ̆t anăp Kră Yang păng 'bơ̆t anăp pơtao mă Kră Yang đei tuh đak rơmă pơk pơm pơtao, wă kơ lu iĕm roi pơdah ăn. Inh hăm đei rôp rơmo bu ưh? Hăm rôp aseh đe bu ưh? Inh hăm hơlĕnh đe bu ưh? Pơm kơnê̆ tôn teh đe bu ưh? Inh hăm pơgâm sa đe wă bơbĭt lê̆ măt đe lăm dôm tơdrong jang kiơ ưh? Tơdah đei pơm thoi noh, gô pơdrâu đĭ kơ iĕm.

I Sam 24:7

Đawit khă lu bơngai kiơ̆ sư, 'nĕ kơ pơm kơ akâu Sôl, Sôl iung lĕch đơ̆ng hơgơp tơmo na yak rok trong năm tơ nai.