I Sam 24:5 - Sơ̆p Hlabơar Nơ̆r 'Bok Kei-Dei

⁵ 'Blă kơ noh lăm jơhngơ̆m sư hmach kơdih yua kơ kăt iŏk tơdrơi ao pơtao.

I Sam 24:5 ပူးပေါင်းရင်းမြစ်များ

II Sam 12:9

Liơ ih ưh kơ băt hli yom kơ nơ̆r Kră Yang tơtă, na pơm tơdrong kơnê̆ dêh 'bơ̆t anăp Sư? Ih yua đao pơlôch Uri, bơngai Hêtit, iŏk akăn sư pơm akăn ih, ih yua đao gưm linh bơngai Ammôn pơlôch sư.

II Sam 24:10

Đơ̆ng rŏng kơ jô̆ kơ̆l kon bơngai đang boih, pơtao Đawit jơhngơ̆m sư ưh kơ hiôk păng khan kơ Kră Yang: “Kơkuh kơ Ih Kră Yang, inh đei pơm boih minh tơdrong kơtul bơlŭk păng yoch trăp. Dang ei inh apinh Kră Yang mơnat ăn kơ inh đĭch đam Ih.”

II Pot 22:19

Yua kơ ih đei jơhngơ̆m tơbral bơih, băt tơjur akâu kơdih 'bơ̆t anăp Kră Yang 'bơ̆t ih kơtơ̆ng Inh pơma hil kơ teh 'nâu hăm kon pơlei lăm noh, dĭng lu sư jing juơ rơhiăng, kon pơlei sư pŭ hiap pơtê̆, mă-lei yua kơ ih hek ao, păng nhơ̆m hơdrĭ 'bơ̆t anăp Inh; yua kơ noh inh kư̆m kơtơ̆ng nơ̆r ih bơih.

Horiso 59:11

Ơ Kră Yang, jơ̆ khêl pĕng dŏng lu nhôn. 'Nĕ kơ pơlôch lu sư, hli kơ kon pơlei pơla hiơt; Yua bĕ tơdrong mơsêh Ih na pơm kơ lu sư tơklah tơklang păng tơhuŏng lu sư.

I Sam 26:8

Abisai khan kơ Đawit: Năr 'nâu Kră Yang 'Bok Kei-Dei pơjao bơngai ayăt kơ ih lăm tơpang ti ih. Ăn kơ inh iŏk tơju sư 'bet hơtơ̆p sư tơ teh; ưh kơ kăl kơ 'bet pơlơ̆k mă 'bar dơ̆ng.