I Sam 24:11 - Sơ̆p Hlabơar Nơ̆r 'Bok Kei-Dei

¹¹ Ơ 'bă! Lăng bĕ tơdrơi ao ih mă inh oei chĕp lăm tơpang ti inh; ih 'bôh inh lăp kăt iŏk tơdrơi ao ih mă-lei inh ưh kơ pơlôch ih, băt boih inh ưh kơ đei pơm tơdrong yoch kiơ hăm ih. Mă-lei gah ih, chă wă pơlôch inh.

I Sam 24:11 ပူးပေါင်းရင်းမြစ်များ

II Sam 1:14

Đawit ôr: “Yua kơ kiơ ih pơ̆n pơlôch bơngai mă đơ̆ng Kră Yang rơih.”

II Pot 5:13

Mă-lei lu đĭch đam sư năm jê̆ sư, khan kơ sư: “Ơ 'bă, dah bơngai khan lê̆ adrol athei ih pơm tơdrong tơnat ih ưh kơ pơm hă? Na tơma 'nâu sư khan: “Hum bĕ, na gơh klaih.”

Jop 10:16

Tơdah inh pơang, Ih gô druh prah inh thoi dăm-brang, Ih gô pơm mơsêh hlĭch chrơp wă pơrăm inh.

Horiso 119:161

Lu yŏng pơgơ̆r rôp pơmat inh tơdrong ưh kơ đei. Mă-lei inh hli yom kơ nơ̆r Ih.

Horiso 140:11

Ăn kơ lu bơngai đei hơpiĕt hơlĕnh pơdăr ưh kơ gơh pơjing kơjăp lăm teh đak. Ăn tơdrong răm druh lu bơngai pơm kơnê̆.

Horiso 35:7

Yua kơ lu sư dăng hơnhuăl kơ inh tơdrong kơ đei. Păng lu sư sir sơlŭng jrŭ wă kơ inhb puh tơdrong kơ đei.

Horiso 59:3

Yua kơ to, lu sư răp wă pơlôch inh; Lu bơngai pơm kơnê̆ pơđâu băl wă pơm kơ inh. Ưh kơ trŏ yua kơ inh pơm glăi. Kŭm ưh kơ trŏ yua kơ tơdrong yoch inh.

Horiso 7:5

Lei ăn kơ ayăt kơ inh, druh inh tam, pơjuă lê̆ tơdrong arih inh tơ teh, păng 'bŭ lê̆ tơdrong ư-ang inh lăm 'mui teh. Sêla

Tơdrông Pơđơk 15:1

Nơ̆r tơl rơngơp chhơp ngach tơdrong hil. Nơ̆r pơma arăng pơdrŭt tơdrong blĕk.

Nhom 4:18

Lu sư lăng pơglăn tơ jơ̆ng lu bơ̆n. Dĭng mă lu bơ̆n pă gơh năm rok trong pơlei. Tơdrong jang lu bơ̆n wă jê̆ tôch boih! Năr lu bơ̆n trŏ boih! Tơpă, tơdrong năr tôch lu bơ̆n truh boih!

Êsêkiên 13:18

Na khan kơ lu sư: ‘'Nâu nơ̆r Kră Yang Tih Hloh khan: Răm-'băm kơ lu drŏ-kăn mă kơ̆t che tơwir rơhưch tơ ti păng pơm khăn che tôm tĕch să iĕ gom tơ kơ̆l đe wă chă rôp bơhngol. Lu iĕm wă chă rôp bơhngol kon pơlei Inh, mă-lei wă rong bơhngol iĕm hiôk hă?

Mi 7:2

Bơngai hli yom kơ 'Bok Kei-Dei hiong boih đơ̆ng lăm teh đak âu; ưh pă đei bơngai tơpăt lăm kon bơngai. Đĭ-đăng lu sư nŏng kơ 'maih chă pham lĕch sĕch huŏng; rim 'nu iŏk hơnhuăl dăng lua 'nhŏng oh kơdih.

Yo 15:25

Đe chih khan lê̆ hơdrol lăm sơ̆p hla bơar tơdrong juăt lu sư sơ̆ khan: ‘Lu sư hil areh kơ Inh ưh kơ đei tơdrong kiơ.’ Yua kơ chih thoi noh na dang ei bơ̆n 'bôh 'blep trŏ thoi noh tơpă.

I Sam 12:3

Âu inh dơ̆ng 'bơ̆t anăp lu iĕm, 'bơ̆t anăp Kră Yang păng 'bơ̆t anăp pơtao mă Kră Yang đei tuh đak rơmă pơk pơm pơtao, wă kơ lu iĕm roi pơdah ăn. Inh hăm đei rôp rơmo bu ưh? Hăm rôp aseh đe bu ưh? Inh hăm hơlĕnh đe bu ưh? Pơm kơnê̆ tôn teh đe bu ưh? Inh hăm pơgâm sa đe wă bơbĭt lê̆ măt đe lăm dôm tơdrong jang kiơ ưh? Tơdah đei pơm thoi noh, gô pơdrâu đĭ kơ iĕm.

I Sam 18:27

Đawit năm hăm lu linh sư năm blah pơlôch 'bar-hrĕng 'nu lu bơngai Philistin. Sư chĕp ba tơm kơ̆l tơmam drŏ-nglo ăn kơ pơtao wă kơ gơh pơm ŏng pơtao. Thoi noh, Sôl kư̆m ăn Mikal, kon drŏ-kăn sư kơ Đawit pơm akăn.

I Sam 23:14

Đawit oei lăm char glă chơngue, hơdrô̆ tơ kơpal groi char glă Sip. Sôl chă sư rim năr ưh kơ pơdơh, mă-lei Kră Yang 'Bok Kei-Dei ưh kơ đei layơ wă jao Đawit lăm tơpang ti Sôl.

I Sam 23:23

Năm pơnhen lăng dơ̆ng păng wă kơ băt rim anih sư ôn, na wih brŏk roi ăn kơ inh mă hơđăl, na inh gô năm hơdai hăm lu iĕm. Tơdah sư oei oei lăm tơring, na inh gô chơchă sư tơ rim lăm adrĕch bơngai Juđa.

I Sam 25:28

Apinh 'nĕ jơ̆ yo kơ đĭch đam ih âu! Kră Yang tơpă gô ăn kơ teh đak pơtao ih kơjăp sot, yua kơ ih wang tơblah hơdai hăm Kră Yang păng đĭ lăm chăl arih ih ưh kơ đei 'bôh minh tơdrong răm kiơ.

I Sam 26:18

Sư pơma dơ̆ng: Yua kơ kiơ yŏng tơ'ngla inh druh 'moi wă rôp đĭch đam ih thoi noh? Inh đei pơm tơdrong kiơ păng tơpang ti inh đei pơm boih tơdrong yoch kơnê̆ yă kiơ?

I Sam 26:20

Ô! Hơpơi rŏ kơ pham inh 'nĕ ăn ro kơpal teh ataih đơ̆ng muh măt Kră Yang; yua kơ kiơ pơtao lu bơngai Isơrael năm chă wă rôp inh, thoi minh pơm siso, nhen thoi đe druh sem trăk-tra? Lăm kông.

I Sam 26:23

Kră Yang gô apah ăn kơ rim 'nu, kiơ̆ thoi tơdrong 'lơ̆ng tơpăt đơ̆ng sư pơm. Năr 'nâu Sư pơjao ih lăm tơpang ti inh, mă-lei inh ưh kơ wă pơm kơ yŏng tơ'ngla inh mă đơ̆ng Kră Yang tuh ăn đak rơmă.