I Sam 23:4 - Sơ̆p Hlabơar Nơ̆r 'Bok Kei-Dei

⁴ Đawit krao apinh dơ̆ng Kră Yang; Kră Yang tơl sư: Iung bĕ, jur năm tơ Kêila; Inh gô jao kon pơlei bơngai Philistin lăm tơpang ti ih.

I Sam 23:4 ပူးပေါင်းရင်းမြစ်များ

II Sam 2:1

Đơ̆ng rŏng kơ noh, Đawit krao apinh Kră Yang: Inh hăm gơh năm tơ minh pôm pơlei ayơ lăm dêh Juđa ưh? Kră Yang tơl sư: Năm bĕ. Đawit apinh dơ̆ng: Inh gô năm tơ yơ? Kră Yang tơl: Ih năm tơ Hêbrôn.

II Sam 5:19

Đawit krao apinh Kră Yang: “Inh hăm gơh năm blah bơngai Philistin ưh? Ih hăm jao lu sư lăm tơpang ti inh?” Kră Yang tơl: Năm bĕ yua kơ Inh jao boih lu sư lăm tơpang ti ih.

II Pot 3:18

Mă-lei Kră Yang lăng tơdrong noh iĕ đĕch. Sư gô jao hloi lu bơngai Môap lăm tơpang ti lu iĕm.

I Ho 14:10

Đawit krao apinh Kră Yang 'Bok Kei-Dei khan: “Inh hăm gơh năm blah kon pơlei Philistin ưh? Ih hăm pơjao lu sư lăm ti inh ưh?” Kră Yang tơl nơ̆r sư: “Năm bĕ; Inh gô pơjao lu sư lăm ti ih.”

Jôsuê 8:7

lu iĕm lĕch đơ̆ng anih iĕm răp iung kơdâu năm mơ̆t blah iŏk pơlei; Kră Yang 'Bok Kei-Dei lu bơ̆n gô ăn pơlei noh tơ lăm tơpang ti lu bơ̆n.

Lu 6:39

Giđêôn pơma dơnuh dơ̆ng hăm Kră Yang 'Bok Kei-Dei: Apinh ih 'nĕ kơ hil mĭl kơ inh; ăn kơ inh pơma hăm Ih hơya pă minh wơ̆t đơ̆ng; ăn kơ inh pơlong lăng hăm akar sŏk triu pă minh wơ̆t đơ̆ng. Apinh Ih ăn kơ akar sŏk triu hrĕng kro, mă-lei lê̆ tŭk ngom jur gom jơ̆p kơ teh.

Lu 7:7

Kră Yang khan dơ̆ng kơ Giđêôn: Inh gô yua pêng-hrĕng 'nu bơngai mă nhă chhŏng hăm tơpang ti noh wă dŏng pơklaih lu iĕm, Inh wă jao kon pơlei Miđian lăm tơpang ti lu iĕm. Lu kon pơlei nai, ăn kơ lu sư brŏk tơ hnam.

Lu 7:9

Lăm măng noh Kră Yang khan kơ Giđêôn: Iung bĕ, năm jur blah bơngai Miđian, yua kơ Inh jao boih kon pơlei noh kơ iĕm.

I Sam 10:22

Na lu sư jet Kră Yang dơ̆ng: Hăm pă đei bu nai năm tơ âu dơ̆ng? Kră Yang tơl: To, sư ôn lăm anih lê̆ tơmam noh.

I Sam 23:2

Đawit krao apinh Kră Yang: Inh hăm gơh blah lu bơngai Philistin 'nâu? Kră Yang tơl Đawit khan: Năm bĕ, blah bơngai Philistin păng dŏng kon pơlei Kêila.

I Sam 23:3

Lu bơngai kiơ̆ Đawit khan: Tơ lăm dêh Juđa, lu bơ̆n oei hli dêh, pơma kơ kiơ năm truh tơ pơlei Kêila blah lu linh Philistin!

I Sam 23:5

Đawit jur năm hăm bơngai kiơ̆ sư truh tơ pơlei Kêila, tơblah hăm kon pơlei bơngai Philistin, pơm ăn kơ lu sư kĕ jei tih, 'noh boih, Đawit dŏng pơklaih kon pơlei Kêila thoi noh.

I Sam 28:6

Sôl krao khan kơ Kră Yang; mă-lei Kră Yang ưh kơ đei tơl nơ̆r sư, lăm tơdrong apo, dah đơ̆ng Urim dah đơ̆ng 'bơ̆r lu bơngai khan lê̆ adrol.

I Sam 30:8

Đawit krao apinh Kră Yang: Inh hăm gơh druh 'moi bơngai blah tơtông tơgar iŏk 'nâu ưh? Inh druh 'moi lu sư hăm tam? Kră Yang khan: Năm bĕ druh 'moi lu sư, tơpă ih druh 'moi gô tam păng dŏng pơklaih đĭ-đăng bơngai đêl lu sư rôp.