I Sam 23:23 - Sơ̆p Hlabơar Nơ̆r 'Bok Kei-Dei

²³ Năm pơnhen lăng dơ̆ng păng wă kơ băt rim anih sư ôn, na wih brŏk roi ăn kơ inh mă hơđăl, na inh gô năm hơdai hăm lu iĕm. Tơdah sư oei oei lăm tơring, na inh gô chơchă sư tơ rim lăm adrĕch bơngai Juđa.

I Sam 23:23 ပူးပေါင်းရင်းမြစ်များ

I Pot 18:10

Inh pơma tơpăt 'bơ̆t anăp Kră Yang 'Bok Kei-Dei ih mă oei arih, ưh kơ đei minh pôm dêh char ayơ, minh adrĕch adrung ayơ mă yŏng inh ưh kơ đei athei lu sư chă ih; păng tơdah đe khan: Êli ưh kơ đei tơ âu, sư athei dêh char dah adrĕch adrung 'noh athei pơkă gah tơdrong khan lu sư ưh kơ 'bôh ih.

II Pot 6:13

Pơtao athei: “Năm bĕ iĕm chă sư wă kơ băt sư oei tơ yơ, na lê̆ inh ăn linh năm rôp sư.” Đei bơngai năm roi hĭ kơ pơtao. “To sư oei tơ Pơlei Dôthan.”

Horiso 10:8

Sư oei răp jê̆ pơlei, pơlôch bơngai ưh kơ đei yoch, lăm anih hlơp; Măt lu sư răp lăng wă pơm kơ lu bơngai pơmat-tat.

Tơdrông Pơđơk 1:16

Yua kơ jơ̆ng lu sư kơdâu kiơ̆ trong pơm kơnê̆, hăt hot chă pơlôch đe.

Mi 5:2

Thoi noh Sư gô jao lu đe noh kơ lu bơngai ayăt kơ Sư dĭng tơ bơngai drŏ-kăn tơpŭ kơ Sư, tơpŭ boih păng lu bơngai Isơrael mă oei oei đơ̆ng lu 'nhŏng oh Sư, lu sư gô wih brŏk tơ kon sâu bơngai Isơrael.

Jo 10:36

Mưh đe tơjur Hom Pơgơ̆p, na Môis khan thoi âu: Ơ Kră Yang, apinh Ih wih brŏk bĕ tơ rơbâu hơngan bơngai Isơrael.

Markôs 14:1

'Bar năr hơdrol kơ Năr Giĕng Năm Brih păng giĕng sa 'Bĕng Mi Ưh Kơ Đei 'Buih Pông na lu 'bok soi tih hăm lu thây bơtho tơdrong juăt đe Juđê, lu sư pơđâu chă tơdrong gơh rôp tơtông Yêsu na pơlôch.

I Sam 23:22

Năm apinh pơnhen lăng dơ̆ng wă kơ băt mă hơđăl anih ayơ sư oei păng bu hlôi 'bôh boih sư oei tơ noh; yua kơ đe đei roi khan sư bơngai hơgei hơlĕnh dêh.

I Sam 23:24

Na lu sư iung brŏk wih tơ char glă Sip adrol kơ Sôl; gah Đawit păng lu bơngai kiơ̆ sư oei lăm char glă chơngue Maôn tơ Araba gah gơal Jêsimôn.

I Sam 24:11

Ơ 'bă! Lăng bĕ tơdrơi ao ih mă inh oei chĕp lăm tơpang ti inh; ih 'bôh inh lăp kăt iŏk tơdrơi ao ih mă-lei inh ưh kơ pơlôch ih, băt boih inh ưh kơ đei pơm tơdrong yoch kiơ hăm ih. Mă-lei gah ih, chă wă pơlôch inh.