I Sam 23:2 - Sơ̆p Hlabơar Nơ̆r 'Bok Kei-Dei

² Đawit krao apinh Kră Yang: Inh hăm gơh blah lu bơngai Philistin 'nâu? Kră Yang tơl Đawit khan: Năm bĕ, blah bơngai Philistin păng dŏng kon pơlei Kêila.

I Sam 23:2 ပူးပေါင်းရင်းမြစ်များ

II Sam 2:1

Đơ̆ng rŏng kơ noh, Đawit krao apinh Kră Yang: Inh hăm gơh năm tơ minh pôm pơlei ayơ lăm dêh Juđa ưh? Kră Yang tơl sư: Năm bĕ. Đawit apinh dơ̆ng: Inh gô năm tơ yơ? Kră Yang tơl: Ih năm tơ Hêbrôn.

II Sam 5:19

Đawit krao apinh Kră Yang: “Inh hăm gơh năm blah bơngai Philistin ưh? Ih hăm jao lu sư lăm tơpang ti inh?” Kră Yang tơl: Năm bĕ yua kơ Inh jao boih lu sư lăm tơpang ti ih.

II Sam 5:23

Đawit krao apinh Kră Yang, Sư tơl: “Ih 'nĕ kơ năm tơpăt, mă-lei athei năm wer đơ̆ng rŏng blah lu sư tơklă kơdrơ̆ng 'long hơngo bri.

I Ho 14:10

Đawit krao apinh Kră Yang 'Bok Kei-Dei khan: “Inh hăm gơh năm blah kon pơlei Philistin ưh? Ih hăm pơjao lu sư lăm ti inh ưh?” Kră Yang tơl nơ̆r sư: “Năm bĕ; Inh gô pơjao lu sư lăm ti ih.”

Horiso 32:8

Inh gô bơtho tơ'bôh kơ lu iĕm trong lu iĕm athei năm kiơ̆. Măt Inh gô wei-lăng păng na bơtho tơ'bôh kơ lu iĕm.e

Je 10:23

Ơ Kră Yang! Inh băt kon bơngai ưh kơ gơh pơm yŏng kơ sư kơdih, Kŭm ưh kơ gơh bơwei kơnao yak lu sư kơdih mơ̆n.

Jo 27:21

Sư gô năm dơ̆ng 'bơ̆t anăp 'bok soi, Êlêasar, sư apinh Urim 'bơ̆t anăp Kră Yang ăn kơ Jôsuê wă kơ sư băt sek tơdrong liơ, Jôsuê păng đĭ-đăng kon pơlei Isơrael athei kiơ̆ dôm tơdrong jang lu sư gô mơ̆t dah gô lĕch.

Jôsuê 9:14

Lu bơngai Isơrael iŏk tơmam sa lu sư, mă-lei ưh kơ đei krao apinh Kră Yang.

Lu 1:1

Đơ̆ng rŏng kơ Jôsuê lôch, kon pơlei Isơrael krao apinh Kră Yang khan: Bơngai bu lăm lu nhôn athei năm blah păng kon pơlei Kanaan adrol?

I Sam 10:22

Na lu sư jet Kră Yang dơ̆ng: Hăm pă đei bu nai năm tơ âu dơ̆ng? Kră Yang tơl: To, sư ôn lăm anih lê̆ tơmam noh.

I Sam 14:37

Sôl krao apinh Kră Yang 'Bok Kei-Dei: Inh hăm gơh jur druh lu bơngai Philistin ưh? Ih hăm pơjao lu sư lăm ti bơngai Isơrael ưh? Mă-lei Kră Yang 'Bok Kei-Dei ưh kơ đei tơl lăm năr noh.

I Sam 23:3

Lu bơngai kiơ̆ Đawit khan: Tơ lăm dêh Juđa, lu bơ̆n oei hli dêh, pơma kơ kiơ năm truh tơ pơlei Kêila blah lu linh Philistin!

I Sam 23:4

Đawit krao apinh dơ̆ng Kră Yang; Kră Yang tơl sư: Iung bĕ, jur năm tơ Kêila; Inh gô jao kon pơlei bơngai Philistin lăm tơpang ti ih.

I Sam 23:6

Na, kơplah Abiathar, kon drŏ-nglo Ahimelek, kơdâu klĕnh tơ Đawit tơ pơlei Kêila, đei chĕp ba êphot.

I Sam 30:8

Đawit krao apinh Kră Yang: Inh hăm gơh druh 'moi bơngai blah tơtông tơgar iŏk 'nâu ưh? Inh druh 'moi lu sư hăm tam? Kră Yang khan: Năm bĕ druh 'moi lu sư, tơpă ih druh 'moi gô tam păng dŏng pơklaih đĭ-đăng bơngai đêl lu sư rôp.