I Sam 23:16 - Sơ̆p Hlabơar Nơ̆r 'Bok Kei-Dei

¹⁶ Na Jônathan kon drŏ-nglo Sôl, iung năm tơ Hơres ngôi tơ Đawit oei lăm bri, pơma pơlung sư oei kơjăp đei đon lui gơnang kơ Kră Yang 'Bok Kei-Dei,

I Sam 23:16 ပူးပေါင်းရင်းမြစ်များ

Ne 2:18

Inh kư̆m roi dơ̆ng kơ lu sư băt kơ tơpang ti 'mêm mơnat Kră Yang 'Bok Kei-Dei đei tơgŭm inh, păng đơ̆ng nơ̆r pơtao, khan kơ inh. Lu sư khan: “Iung bĕ păng man hơmet ming dơ̆ng!” Thoi noh jang tơdrong jang 'lơ̆ng dêh 'nâu.

Jop 16:5

Mă-lei inh gô pơma pơhiôk jơhngơ̆m iĕm, pơlung iĕm wă kơ jĭ jăn iĕm rai dă 'biơ̆.

Tơdrông Pơđơk 27:17

Bơsei pat bơsei suĕng, Kŭm thoi bơngai pat pơhrăm buăl sư.

Tơdrông Pơđơk 27:9

Tơmam 'bâu phu păng pơgang 'bâu phu pik pơm kơ jơhngơ̆m hiôk chơt. Nơ̆r pơlung đơ̆ng lu bôl buăl kư̆m hiôk chhơp thoi noh.

Êsêkiên 13:22

Yua kơ lu iĕm iŏk tơdrong hơlĕnh pơm kơ lu bơngai tơpăt rơdu sơ'ngon mă Inh tam pơm kơ lu sư rơdu sơ'ngon ôh, păng yua kơ lu iĕm pơhlŭ lu bơngai kơnê̆ wă kơ lu sư ưh kơ tơbral lê̆ trong kơnê̆, na gơh đei arih,

Luka 22:32

Mă-lei Inh krao khan kơ 'Bok Kei-Dei wă kơ Sư tơgŭm ih huay kơ tŭk lê̆ tơdrong lui ih. Na lăp ih kơnăl tơdrong ih wă sơngah kơ Inh noh kơnh, na ih athei pơlung lu 'nhŏng oh ih âu wă kơ lu sư kư̆m lui kơjăp dơ̆ng.”

Luka 22:43

Na đơ̆ng noh blư kơ minh 'nu linh jang 'lơ̆ng đơ̆ng plĕnh jur tơ Sư wă tơgŭm Sư.

Êphêsô 6:10

Tơdrong inh chih hơpong kơ iĕm wă jê̆ tôch boih, mă-lei oei đei pă minh tơdrong âu kăl tơpă, na inh wă roi tơbăt ăn kơ iĕm: Bơ̆n athei gơnang kơ Yêsu hăm đĭ jơhngơ̆m, yua kơ Sư Kră Yang mơsêh tăp pang mơyang tăp dăr gơh pơm tôm tơdrong, na wă kơ Sư tơgŭm bơ̆n gơh đei jơhngơ̆m pran.

Both 3:28

Mă-lei athei jao bĕ kơ Jôsuê, tơgŭm jơhngơ̆m sư mă kơjăp, yua kơ sư gô chông ba kon pơlei 'nâu, tŏk blah iŏk dêh mă ih đei lăng 'bôh noh.

II Tim 2:1

Ơ dăm, ih athei adrin jang tơdrong Kră Yang Yêsu Krist pran kơtang. Sư boih gô ăn kơ ih jing pran.

I Sam 23:15

Kơplah Đawit oei tơ Hơres lăm char glă sip Đawit 'bôh Sôl ba linh wă pơrăm tơdrong arih sư.

I Sam 30:6

Đawit đei tơdrong hli krưp tih dêh yua kơ lu bơngai kiơ̆ sư wă klơ̆m sư păng tơmo. Đĭ-đăng kơ lu linh kiơ̆ sư đei jơhngơ̆m ơh sơ'ngon dêh, yua kơ hiong kon drŏ-nglo kon drŏ-kăn lu sư, mă-lei Đawit đei jơhngơ̆m nuih pran đơ̆ng Kră Yang 'Bok Kei-Dei ăn kơ sư.