I Sam 22:7 - Sơ̆p Hlabơar Nơ̆r 'Bok Kei-Dei

⁷ Sôl pơma kơ lu đĭch đam sư mă oei tăp dăr kơ sư: Ơ lu adrĕch bơngai Bênjamin mơ̆ng bĕ. Hăm trŏ kơ kon Jese gô ăn đĭ kơ lu iĕm, chŭn păng lu pơgar hơmu hă? Sư gô pơk ăn kơ iĕm pơm kơ̆l rơbâu 'nu bơngai păng hrĕng 'nu bơngai hă?

I Sam 22:7 ပူးပေါင်းရင်းမြစ်များ

II Sam 18:1

Đawit jô̆ pơnhen lu linh năm kiơ̆ sư, ăn yŏng pơgơ̆r wei lu linh sư. Minh khŭl minh-rơbâu, minh khŭl minh-hrĕng 'nu.

II Sam 20:1

Tơ noh đei minh 'nu bơngai pơm pơrŭng, anăn sư Seba, kon drŏ-nglo Bikri, bơngai Bênjamin; Seba hlôm keng păng krao: “Lu bơ̆n ưh kơ đei kiơ gah Đawit, kư̆m ưh kơ đei yua kiơ hăm kon drŏ-nglo Jese! Ơ 'nhŏng oh Isơrael, rim 'nu athei brŏk tơ hnam kơdih”

I Pot 12:16

Lăp lu bơngai Isơrael 'bôh pơtao ưh pă mơ̆ng lu sư bơih, lu kon pơlei pơla khan kơ pơtao “Lu nhôn hăm đei kiơ lăm Đawit? Nhôn hăm đei yua tơmam kiơ lăm kon drŏ-nglo Jese. Ơ lu bơngai Isơrael! Iĕm athei brŏk tơ bơsŭn iĕm kơdih. Ơ Đawit! Ih athei lăng bĕ kơ hnam ih kơdih.” Na lu bơngai Isơrael wih brŏk tơ bơsŭn lu sư kơdih.

I Ho 12:16

Đei mơ'nah bơngai Bênjamin păng Juđa kư̆m năm truh tơ kơđông kơjăp kiơ̆ Đawit.

Êsai 11:1

Đei minh pôm tơ'biĕng gô chăt đơ̆ng tơm Jese, đei minh pôm dơng chăt đơ̆ng rơh sư gô đei plei.

Êsai 11:10

Lăm năr noh kơnh, rơh Jese iung pơm thoi hla-kơ ăn kơ rim adrĕch adrung kon bơngai. Rim teh đak gô năm chă Sư, anih Sư pơdơh gô đei rang mơnhal.

I Sam 18:14

Đawit năm tơblah mă tơ yơ yơ kư̆m jei sư ngăl yua kơ Kră Yang oei hơdai hăm sư.

I Sam 20:27

Mă-lei năr đơ̆ng rŏng, năr 'bar anih Đawit kư̆m ưh kơ đei bu dơ̆ng. Sôl khan kơ Jônathan kon drŏ-nglo sư: Yua kơ kiơ kon drŏ-nglo Jese ưh kơ năm sŏng sa hơdai năr brei păng năr 'nâu hloi?

I Sam 20:30

Na, Sôl khan kơ Jônathan: Ơ kon drŏ-nglo hơlĕnh păng ayăt plơ̆ plĕch kơ inh, inh băt kơ e pơm buăl juăt hăm kon drŏ-nglo Jese, wă pơm ăn kơ e mơlâu đĕch păng pơm ăn kơ mĕ e kư̆m mơlâu mơ̆n!

I Sam 22:13

Sôl khan dơ̆ng: Yua kơ kiơ ih pơm đon hăm kon drŏ-nglo Jese mă ayăt hăm inh? Ih asong ăn kơ sư 'bĕng sa, na ăn kơ sư minh hlak tơju, krao apinh Kră Yang 'Bok Kei-Dei tơgŭm sư, wă kơ sư tung blah inh, chă đon wă pơrăm inh, thoi sư oei pơm năr 'nâu?

I Sam 22:9

Đôe bơngai Eđôm, wei pơgơ̆r lu đĭch đam Sôl tơl thoi âu: Inh 'bôh kon drŏ-nglo Jese năm tơ pơlei Nŏp, mơ̆t lăm hnam Ahimelek, kon drŏ-nglo Ahitup;

I Sam 25:10

Nabal tơl lu đĭch đam Đawit: Đawit noh bu? Kon drŏ-nglo Jese noh bu? Lu đĭch đam klĕnh đơ̆ng yŏng tơ'ngla lăm năr 'nâu lơ dêh!