I Sam 22:17 - Sơ̆p Hlabơar Nơ̆r 'Bok Kei-Dei

¹⁷ Pơtao khan kơ lu bơngai pơm đam kơ'yĕng sư dơ̆ng jê̆ sư thoi âu: Năm pơlôch bĕ, lu 'bok soi đơ̆ng Kră Yang yua kơ lu sư tơgŭm Đawit, băt kơ sư ôn mă ưh kơ roi kơ inh băt; mă-lei lu đĭch đam pơtao ưh kơ pơ̆n wă pơlôch lu 'bok soi đơ̆ng Kră Yang.

I Sam 22:17 ပူးပေါင်းရင်းမြစ်များ

II Sam 15:1

Đơ̆ng rŏng kơ noh Apsalôm chă lê̆ gre aseh hăm pơđăm-jĭt 'nu linh kơdâu adrol kơ gre aseh.

I Pot 1:5

Adonija kon yă Hagit, pôk atŏk sư kơdih khan: “Inh gô pơm pơtao” Sư chă hơmet kơ sư gre aseh lơlap păng chă bơngai hao gre aseh đei pơđăm-jĭt 'nu kơdâu adrol kơ sư.

I Pot 14:27

Pơtao Rôbôam wơh bơngai pơm khêl păng kong tơplih kơ khêl 'noh, sư pơjao ăn kơ lu yŏng linh gak 'măng jang hnam pơtao.

I Pot 18:4

Kơplah Jêsebel pơlôch lu bơngai khan lê̆ adrol mă Kră Yang yua, Ôbadia ba minh-hrĕng 'nu lu bơngai khan lê̆ adrol ôn lu sư tơ 'bar anih lăm hơgơp tơmo lăm minh anih pơđăm-jĭt 'nu, ăn kơ lu sư tơmam sa păng đak nhă.

II Pot 10:25

Lăp lu sư pơyơ̆r tơmam soi 'buh pơkhôi đang bơih, Jêhu khan kơ lu linh gak păng lu yŏng tih linh: “Mơ̆t pơlôch lu sư bĕ, pơlôch pơđĭ, 'nĕ kơ ăn bu gơh lĕch.” Thoi noh na lu sư pơlôch lu đe ei hăm đao gưm, lu bơngai gak păng lu yŏng tih linh klơ̆m lê̆ atâu lu đe ei tơ 'nguaih, na mơ̆t lăm anih hnam yang Baal.

Le 1:17

Mă-lei lu yă kơ'mĭn đe tơpŭ mă băt hli yom kơ Kră Yang 'Bok Kei-Dei ưh kơ đei pơm kiơ̆ nơ̆r pơtao Êyiptơ pơkă pơkăm, sư rong đĭ lu nge drŏ-nglo arih ngăl.

Jang 4:19

Mă-lei bre Pêtrôs păng Yôhan pơma tơwih kơ sư thoi âu: “Iĕm tơchĕng lăng deh, 'Bok Kei-Dei athei nhi chu kơ iĕm dah athei chu kơ Sư đĕch?

I Sam 14:45

Mă-lei kon pơlei tơl Sôl khan: Ưh ôh! Jônathan jơ̆ bơngai pơm ăn boih kơ bơngai Isơrael kĕ jei dang 'noh, liơ mă gơh trŏ kơ lôch? Tơdrong 'noh ưh kơ gơh! Nhôn apinh Kră Yang arih na pơm kơdranh kơ bơ̆n pơkă khan mă minh ioi sŏk kơpal kơ̆l sư kư̆m ưh kơ đei hơlŭng tơ teh; sư mă gơh kĕ jei năr âu noh đơ̆ng Kră Yang 'Bok Kei-Dei tơgŭm sư. Thoi noh kon pơlei dŏng Jônathan klaih đơ̆ng tơdrong wă pơlôch.

I Sam 2:31

'Nâu, đơ̆ng âu tơ anăp Inh gô pơtôch lê̆ lu bơngai oei đơ̆ng pran kơtang đơ̆ng adrĕch ih, hăm lu bơngai đơ̆ng adrĕch 'bok ih. Thoi ei wă ưh kơ đei bu arih dĭng kră lăm adrĕch ih.

I Sam 20:33

Sôl hrang dao wă pơlôch; Jônathan băt tơpă kơ 'bă sư wă pơlôch Đawit.

I Sam 22:13

Sôl khan dơ̆ng: Yua kơ kiơ ih pơm đon hăm kon drŏ-nglo Jese mă ayăt hăm inh? Ih asong ăn kơ sư 'bĕng sa, na ăn kơ sư minh hlak tơju, krao apinh Kră Yang 'Bok Kei-Dei tơgŭm sư, wă kơ sư tung blah inh, chă đon wă pơrăm inh, thoi sư oei pơm năr 'nâu?

I Sam 22:16

Pơtao tơl: Ahimelek, tơpă ih păng lu hnam dơnŏ ih gô lôch!

I Sam 25:17

Thoi noh dang ei ih athei tơchĕng lăng wă pơm liơ yua kơ gô đei tơdrong răm truh kơ yŏng tơ'ngla lu nhôn păng kư̆m truh kơ hnam dơnŏ ih; yŏng tơ'ngla khĕnh dêh, ưh kơ đei bu pơ̆n pơma kiơ hăm sư.

I Sam 8:11

na khan: 'Nâu tơdrong mă pơtao iĕm gô pơgơ̆r lu iĕm. Sư gô rôp kon drŏ-nglo iĕm pơm linh wă huơ̆r gre aseh sư, dah ăn hao aseh, mơ'nah yak jơ̆ng wă kơ năm tơblah adrol kơ gre sư.