I Sam 22:16 - Sơ̆p Hlabơar Nơ̆r 'Bok Kei-Dei

¹⁶ Pơtao tơl: Ahimelek, tơpă ih păng lu hnam dơnŏ ih gô lôch!

I Sam 22:16 ပူးပေါင်းရင်းမြစ်များ

I Pot 18:4

Kơplah Jêsebel pơlôch lu bơngai khan lê̆ adrol mă Kră Yang yua, Ôbadia ba minh-hrĕng 'nu lu bơngai khan lê̆ adrol ôn lu sư tơ 'bar anih lăm hơgơp tơmo lăm minh anih pơđăm-jĭt 'nu, ăn kơ lu sư tơmam sa păng đak nhă.

I Pot 19:2

Na yă Jêsebel athei đe năm khan kơ Êli: “Năr dơning lăm jơ 'nâu, tơdah inh ưh kơ pơrăm tơdrong arih ih, thoi ih pơrăm tơdrong arih minh 'nu lăm lu sư, lei apinh lu yang phak inh mă trăp.”

Esther 3:6

Haman băt kơ sư bơngai Juđa, sư khan ưh kơ sĭ sư wă pơlôch pôm Morđêkai đĕch ôh sư wă pơlôch đĭ adrĕch adrung Juđa, oei lăm jơ̆p-jang pơlei lăm dêh char pơtao Asêrus pơgơ̆r.

Tơdrông Pơđơk 28:15

Bơngai kơnê̆ pơgơ̆r kon pơlei dơnuh hin; Nhen thoi dăm-brang grĕnh gơhuh nhen thoi chơgơu druh sem bri wă rôp sa.

Da 2:12

Thoi noh na pơtao blĕk hil dêh, na athei đe rôp pơlôch đĭ lu bơngai hơgei lăm char Babilôn.

Da 2:5

Pơtao tơl lu bơngai noh thoi âu: Tơdrong noh lĕch hlôi đơ̆ng inh boih. Tơdah lu iĕm ưh kơ roi kơ inh băt tơdrong apo noh thoi yơ păng tơblang liơ, lei lu iĕm gô lôch sơ̆k akâu, hnam lu iĕm đe kư̆m gô pơrăm đĭ truh tơ hơnă.

Mathiơ 2:16

Lăp pơtao Hêrôt băt kơ lu 'bok pơjâu hnhoi sơnglŏng ưh pă wih tơ sư, sư ơh dêh. Na sư athei lu linh sư năm pơlôch đĭ lu kon drŏ-nglo 'nao tơpŭ truh tơ 'bar sơnăm lăm tơring Betlehem. Sư pơlôch lu kon nge 'nao tơpŭ truh tơ 'bar sơnăm noh sư băt đơ̆ng lu bơngai hnhoi sơnglŏng roi kơ sư ki.

Jang 12:19

Pơtao Hêrôt athei lu linh chă mă 'bôh, mă lu linh chă ưh kơ 'bôh ôh. Na pơtao Hêrôt rôp linh ei sek tơlang. Đơ̆ng noh đei nơ̆r pơtao Hêrôt athei tơduă linh bôl sư pơlôch mă linh gak ưh kơ 'lơ'lŏ ei. Klaih kơ noh pơtao Hêrôt năm đơ̆ng char Juđê tơ Pơlei Sêsarê. Tơ noh sư wă oei đunh 'biơ̆ mơ̆n.

Both 24:16

'Nĕ kơ pơlôch 'bă yua kơ đơ̆ng tơdrong yoch kon, kư̆m 'nĕ kơ pơlôch lu kon yua kơ đơ̆ng tơdrong yoch 'bă, bơngai bu pơm yoch na pơlôch bơngai noh.

I Sam 14:44

Sôl pơkă: Ơ Jônathan, dah ih ưh kơ lôch, apinh Kră Yang tơjur tơdrong truh trăp dêh kơpal inh!

I Sam 20:31

Dah kon drŏ-nglo Jese arih sot lăm kơpal teh âu dĭng truh dang yơ, na e păng teh đak e kư̆m ưh kơ đei dang noh mơ̆n; dang ei hloi, chông ba sư tơ inh âu; sư trŏ kơ lôch.

I Sam 22:15

Hăm trŏ kơ 'nao năr 'nâu đĕch inh krao khan, apinh Kră Yang 'Bok Kei-Dei ăn kơ sư? Tơpă inh ưh kơ đei pơm thoi noh! Apinh pơtao 'nĕ kơ ngeh minh nơ̆r ayơ ăn kơ đĭch đam pơtao dah ăn kơ bơngai bu lăm hnam 'bă inh; yua kơ bơngai mă đĭch đam pơtao ưh kơ băt kơ tơdrong kiơ, tŏ sĕt dah lơ, gah tơdrong noh.

I Sam 22:17

Pơtao khan kơ lu bơngai pơm đam kơ'yĕng sư dơ̆ng jê̆ sư thoi âu: Năm pơlôch bĕ, lu 'bok soi đơ̆ng Kră Yang yua kơ lu sư tơgŭm Đawit, băt kơ sư ôn mă ưh kơ roi kơ inh băt; mă-lei lu đĭch đam pơtao ưh kơ pơ̆n wă pơlôch lu 'bok soi đơ̆ng Kră Yang.