I Sam 22:14 - Sơ̆p Hlabơar Nơ̆r 'Bok Kei-Dei

¹⁴ Ahimelek tơl pơtao: Na, lăm lu đĭch đam ih, bơngai bu tơnăp dang Đawit. Ih pơk sư pơm ŏng ih, yŏng lu bơngai gak ih păng gơh pơyom hloh kơ đĭ-đăng lăm hnam pơtao ih?

I Sam 22:14 ပူးပေါင်းရင်းမြစ်များ

I Sam 17:25

Lu Sư khan tơduă: Lu iĕm hăm 'bôh bơngai noh to sư lĕch năm? Sư wă pơjăm che bơle kơ bơngai Isơrael, tơdah bơngai bu kĕ pơlôch sư, na pơtao gô apah mŭk tơmam lơ, rôp ăn kon adruh sư ăn kơ bơngai noh oei păng ưh kơ đei iŏk thuê̆ ăn rơngei kơ hnam 'bă.

I Sam 18:13

Sôl wă puh tơweh Đawit ataih kơ sư, jao ăn kơ Đawit wei pơgơ̆r minh-rơbâu 'nu linh tơblah. Đawit ngăl chông linh năm tơblah.

I Sam 18:27

Đawit năm hăm lu linh sư năm blah pơlôch 'bar-hrĕng 'nu lu bơngai Philistin. Sư chĕp ba tơm kơ̆l tơmam drŏ-nglo ăn kơ pơtao wă kơ gơh pơm ŏng pơtao. Thoi noh, Sôl kư̆m ăn Mikal, kon drŏ-kăn sư kơ Đawit pơm akăn.

I Sam 20:32

Jônathan tơl, 'bă sư: Liơ wă pơlôch sư? Sư pơm glăi kiơ?

I Sam 21:2

Đawit tơl hăm 'bok soi tơm Ahimelek: Pơtao đei wơh inh minh tơdrong jang păng pơkă khan: 'Nĕ kơ roi ăn kơ bu băt gah tơdrong jang inh wơh ih pơm, kư̆m 'nĕ kơ ăn bu băt nơ̆r inh athei ih. Inh hlôi pơkă ăn boih kơ lu đĭch đam inh 'bơ̆t anih tơ'bơ̆p băl.

I Sam 22:13

Sôl khan dơ̆ng: Yua kơ kiơ ih pơm đon hăm kon drŏ-nglo Jese mă ayăt hăm inh? Ih asong ăn kơ sư 'bĕng sa, na ăn kơ sư minh hlak tơju, krao apinh Kră Yang 'Bok Kei-Dei tơgŭm sư, wă kơ sư tung blah inh, chă đon wă pơrăm inh, thoi sư oei pơm năr 'nâu?

I Sam 24:11

Ơ 'bă! Lăng bĕ tơdrơi ao ih mă inh oei chĕp lăm tơpang ti inh; ih 'bôh inh lăp kăt iŏk tơdrơi ao ih mă-lei inh ưh kơ pơlôch ih, băt boih inh ưh kơ đei pơm tơdrong yoch kiơ hăm ih. Mă-lei gah ih, chă wă pơlôch inh.

I Sam 25:28

Apinh 'nĕ jơ̆ yo kơ đĭch đam ih âu! Kră Yang tơpă gô ăn kơ teh đak pơtao ih kơjăp sot, yua kơ ih wang tơblah hơdai hăm Kră Yang păng đĭ lăm chăl arih ih ưh kơ đei 'bôh minh tơdrong răm kiơ.

I Sam 26:23

Kră Yang gô apah ăn kơ rim 'nu, kiơ̆ thoi tơdrong 'lơ̆ng tơpăt đơ̆ng sư pơm. Năr 'nâu Sư pơjao ih lăm tơpang ti inh, mă-lei inh ưh kơ wă pơm kơ yŏng tơ'ngla inh mă đơ̆ng Kră Yang tuh ăn đak rơmă.