I Sam 22:13 - Sơ̆p Hlabơar Nơ̆r 'Bok Kei-Dei

¹³ Sôl khan dơ̆ng: Yua kơ kiơ ih pơm đon hăm kon drŏ-nglo Jese mă ayăt hăm inh? Ih asong ăn kơ sư 'bĕng sa, na ăn kơ sư minh hlak tơju, krao apinh Kră Yang 'Bok Kei-Dei tơgŭm sư, wă kơ sư tung blah inh, chă đon wă pơrăm inh, thoi sư oei pơm năr 'nâu?

I Sam 22:13 ပူးပေါင်းရင်းမြစ်များ

Horiso 119:69

Mă lu bơngai pơang đei boih nơ̆r pơma kơnê̆ hơlĕnh kơ inh. Inh gô wei răk dôm nơ̆r Ih bơtho tơtă hăm đĭ jơhngơ̆m.

Am 7:10

Klaih kơ noh Amsia, 'bok soi pơlei Bethel, wơh đe năm pơtruh nơ̆r kơ Jêrôbôam pơtao Isơrael khan: Amôs sư pơdôr kon pơlei Isơrael wă blah pơm kơnê̆ kơ ih teh đak bơ̆n gô hiong răm yua kơ đơ̆ng dôm lu nơ̆r sư.

I Sam 22:12

Sôl khan: Ơ kon drŏ-nglo Ahitup, mơ̆ng bĕ. Sư tơl: Ô, đei inh âu.

I Sam 22:8

Liơ đĭ-đăng kơ lu iĕm pơm đon ayăt kơ inh? Yua kơ kiơ lu iĕm ưh kơ roi ăn kơ inh băt kon drŏ-nglo inh pơgơ̆p pơkă pơm buăl hăm kon drŏ-nglo Jese? Yua kơ kiơ ưh kơ đei bơngai bu 'mêm mơmat kơ inh, roi ăn kơ inh băt lê̆ adrol kon drŏ-nglo inh hlôi pơm ăn kơ đĭch đam inh ayăt hăm inh, chă đon pơrăm inh, thoi sư oei pơm dang ei?