I Sam 20:5 - Sơ̆p Hlabơar Nơ̆r 'Bok Kei-Dei

⁵ Đawit khan: Dơning năr mă mônh, lăm khei plơ̆ng inh juăt et sa hơdai hăm pơtao, mă-lei lê̆ inh năm ôn lăm tơmăn glă truh tơ kơsơ̆ năr mă pêng.

I Sam 20:5 ပူးပေါင်းရင်းမြစ်များ

II Pot 4:23

Klo duch ei jet: “Năr 'nâu ưh kơ trŏ năr khei plơ̆ng ôh, kư̆m ưh kơ trŏ năr pơdơh Sa'bat mơ̆n. Thoi noh yua kơ kiơ wă năm tơ sư?” Duch ei tơl: “Huay ôh”

Horiso 55:12

Ưh kơ sĭ lu ayăt kơ inh che bơle kơ inh, tơdah thoi ei, na inh kĕ pŭ iŏk mơ̆n; Kŭm ưh kơ sĭ lu areh kơ inh, pơm kơnê̆ kơ inh; Tơdah thoi ei lei inh kơdâu đơ̆ng sư.

Horiso 81:3

Hlôm bĕ tơgiĕp kơplah khei tơ'bang kơplah khei pơnil, tơbăt kơ lu năr giĕng tih lu bơ̆n.

Tơdrông Pơđơk 22:3

Bơngai hơgei 'bôh đei tơdrong truh kơdâu weh. Bơngai kơwao kư̆ yak truh puh hloi lăm noh.

Am 8:5

Lu iĕm khan: Layơ khei 'nao jah đĭ wă kơ bơ̆n gơh tĕch 'ba layơ năr Sa'bat, tôch wă kơ lu bơ̆n gô pơih pơk 'ba mi, na bơ̆n tĕch pơhrŏ lê̆ epha na pơthim kơ jên hu rai trăp păng bơ̆n kŏng hơlĕnh wă hơlĕnh kơ đe.

Jo 10:10

Lăm năr chơt hiôk, lăm năr pơm giĕng et sa tih păng lăm khei blŭng-a lu iĕm, lu iĕm hlôm keng 'bơ̆t kơplah lu iĕm pơyơ̆r tơmam soi 'blŏk bơnê hiôk-hian păng tơmam soi 'buh bơ̆n kơdih, keng noh pơm tơmam tơ'blŏk 'bơ̆t anăp Kră Yang, 'Bok Kei-Dei lu iĕm.

Jo 28:11

Năr blŭng-a lăm rim khei, lu iĕm athei pơyơ̆r ăn kơ Kră Yang 'bar tŏ rơmo dăm, minh pôm triu tơno păng tơpơh triu kon tơno 'nao minh sơnăm, ưh kơ đei jĭ kiơ, pơm tơmam soi 'buh.

Yo 8:59

'Bơ̆t ei lu sư iŏk hloi tơmo wă klơ̆m Sư ră; mă-lei Sư ôn akâu Sư kơdih hloi lĕch đơ̆ng hnam akŭm 'Bok Kei-Dei tơm ei.

Jang 17:14

Na lu bơngai lui athei hloi Pôl năm tơ jih đak dơsĭ. Na bre Silas păng Timôthê oei kơtă 'bơ̆t Pơlei Bêrê ei, ưh kơ năm ôh.

Kôlôsê 2:16

Kơlih kơ thoi noh na iĕm 'nĕ kơ chu kiơ̆ tơdrong giĕng kon bơngai, mă lu sư hil, lu sư sek tơlang tơdrong iĕm sa et tôm tơdrong tơmam, dah hil kơ iĕm ưh kơ chu oei kiơ̆ tơdrong giĕng lu sư; lê̆ lu sư hil kư̆m bưh, mă giĕng tơdrong kiơ, bơyan kiơ, khei năr kiơ, lu bơ̆n ưh kơ kăl oei kiơ̆ ôh.

I Sam 19:2

Jônathan roi ăn kơ Đawit băt Sôl, 'bă inh, chă wă pơlôch ih. Thoi noh, pơgê dơning ih lĕch kơdâu tơ anih mă hlơp na ôn tơ noh.

I Sam 20:18

Jônathan khan dơ̆ng: Dơning năr mă mônh khei plơ̆ng đe ei 'bôh ih krŭl yua kơ 'bơ̆t anih ih ưh kơ đei bơngai oei.

I Sam 20:19

Năr mă pêng wă khan năr dơmônh inh gô truh tơ anih ih ôn adrol ki, na gô lăng 'bơ̆t cheng tơmo Êse!

I Sam 20:24

Thoi noh, Đawit ôn lăm tơmăn glă truh tơ giĕng năr mônh, khei plơ̆ng, pơtao hơ-oei wă sŏng sa;

I Sam 20:27

Mă-lei năr đơ̆ng rŏng, năr 'bar anih Đawit kư̆m ưh kơ đei bu dơ̆ng. Sôl khan kơ Jônathan kon drŏ-nglo sư: Yua kơ kiơ kon drŏ-nglo Jese ưh kơ năm sŏng sa hơdai năr brei păng năr 'nâu hloi?

I Sam 20:4

Jônathan tơl Đawit: Tơdah ih wă kơ inh pơm kiơ, inh gô pơm ăn kơ ih.

I Sam 20:6

Tơdah 'bă ih 'bôh inh krŭl, na athei roi ăn kơ sư: Đawit apinh ih athei song sư brŏk tơ pơlei Betlehem, pơlei sư kơdih, yua kơ tơ noh đĭ hnam sư juăt kơ pơyơ̆r tơmam soi rim sơnăm.