I Sam 20:30 - Sơ̆p Hlabơar Nơ̆r 'Bok Kei-Dei

³⁰ Na, Sôl khan kơ Jônathan: Ơ kon drŏ-nglo hơlĕnh păng ayăt plơ̆ plĕch kơ inh, inh băt kơ e pơm buăl juăt hăm kon drŏ-nglo Jese, wă pơm ăn kơ e mơlâu đĕch păng pơm ăn kơ mĕ e kư̆m mơlâu mơ̆n!

I Sam 20:30 ပူးပေါင်းရင်းမြစ်များ

Jop 5:2

Lu bơngai kơtul đei jơhngơ̆m blĕk pơlôch kơdih akâu, jơhngơ̆m gar pơlôch lu bơngai kơhlôh kơwao.

Tơdrông Pơđơk 14:29

Bu mă hiơ̆ kơ hil noh đei tơdrong hơgei tih. Mă-lei bu đei 'bônh kơ hil noh tơ'bôh tơdrong kơhlôh kơwao sư.

Tơdrông Pơđơk 15:2

Hơpiĕt lu bơngai hơgei đei pơma hlôh wao; Mă-lei đei 'bơ̆r lu bơngai kơhlôh rai 'bôh kơtul.

Tơdrông Pơđơk 19:12

Pơtao hil nhen thoi dăm-brang grĕnh Mă-lei đei tơdrong sư mơnat thoi ngom kơpal 'nhĕt.

Tơdrông Pơđơk 19:19

Bơngai bu hil dêh gô pŭ đe phak. Tơdah ih dŏng sư, Ih athei dŏng pơklaih sư dơ̆ng.

Tơdrông Pơđơk 21:24

Blei hiap, noh anăn lu bơngai pơang pơrŏ; Sư pơm kư̆ kă chă pôk pơang dêh.

Tơdrông Pơđơk 25:28

Bơngai bu ưh kơ băt pơgơ̆r jơhngơ̆m sư kơdih. Bơngai noh thoi minh pôm pơlei tih dur đĭ păk.

Tơdrông Pơđơk 27:3

Tơmo trăp, chuơh kư̆m trăp, Mă-lei đei pơdrŭt lu bơngai kơtul kơwao noh trăp hloh kơ 'bar noh.

Mathiơ 5:22

Na Inh bơtho iĕm dang ei thoi âu: Bơngai bu hil areh kơ 'nhŏng oh sư, bơngai 'noh trŏ kơ đe kư̆m rôp sek tơlang sư mơ̆n; bơngai bu pơjăm pơjuă 'nhŏng oh sư, bơngai 'noh trŏ kơ đe rôp sư tŏk sek tơlang tơ lu 'bok tih; bơngai bu pơjăm pơjuă 'nhŏng oh sư kơtul kơhlôh kơwao, lu bơngai thoi noh trŏ kơ 'Bok Kei-Dei wă phak sư lăm dơnâu ŭnh ning-mônh.

Êphêsô 4:31

Iĕm athei lê̆ đĭ dôm tơdrong tơhil pơma ôr pơret, tơdrong ơh lăm jơhngơ̆m pơma kơnê̆ kơ đe, hăm đĭ dôm tơdrong khĕnh hơwĕng.

Êphêsô 6:4

Ơ lu bơngai đei kon hơ'lơ̆p, iĕm 'nĕ hil kơ kon iĕm dêh, hli kơ lu sư hil plơ̆ kơ iĕm dơ̆ng, iĕm athei bơtho akhan kơ lu sư kiơ̆ tơdrong Kră Yang pơkă.

I Sam 20:29

Lê̆ inh năm; yua kơ hnam nhôn đei tơdrong pơyơ̆r tơmam soi lăm pơlei, na 'nhŏng inh pơkă kơ inh athei năm tơ noh. Dah inh đei mơnat 'bơ̆t anăp ih, apinh ăn kơ inh năm ngôi tơ lu 'nhŏng oh inh. Yua kơ thoi noh sư ưh kơ gơh truh sŏng sa hơdai.

I Sam 20:31

Dah kon drŏ-nglo Jese arih sot lăm kơpal teh âu dĭng truh dang yơ, na e păng teh đak e kư̆m ưh kơ đei dang noh mơ̆n; dang ei hloi, chông ba sư tơ inh âu; sư trŏ kơ lôch.