I Sam 20:27 - Sơ̆p Hlabơar Nơ̆r 'Bok Kei-Dei

²⁷ Mă-lei năr đơ̆ng rŏng, năr 'bar anih Đawit kư̆m ưh kơ đei bu dơ̆ng. Sôl khan kơ Jônathan kon drŏ-nglo sư: Yua kơ kiơ kon drŏ-nglo Jese ưh kơ năm sŏng sa hơdai năr brei păng năr 'nâu hloi?

I Sam 20:27 ပူးပေါင်းရင်းမြစ်များ

Mathiơ 13:55

Sư kon 'bok ot 'long đĕch lah, mĕ Sư Mari păng lu oh Sư Yakơ, Yôsep, Simôn, Jut.

I Pet 2:4

Bơ̆n athei oei jê̆ Sư ling-lang, yua kơ tơdrong arih lu bơ̆n đơ̆ng Sư ăn. Sư thoi lĕ kơ tơmo đe man hnam tŭk boih; lu kon bơngai ưh kơ gĭt kơ Sư, mă 'Bok Kei-Dei gĭt kơ Sư na iŏk Sư.

I Sam 18:11

Sôl hrang Đawit, na khan: Inh gô pơ̆ng ih tơ tơnăr. Mă-lei Đawit pĕch kơ tơju 'bar wơ̆t.

I Sam 19:15

Sôl wơh dơ̆ng bơngai năm ngôi tơ Đawit, na khan kơ lu sư: Athei hiŏng sư hăm giơng noh ba tơ inh tơ âu: Lê̆ inh pơlôch sư.

I Sam 20:26

Năr noh, Sôl ưh kơ đei pơma kiơ, tơchĕng khan băt đei tơdrong kiơ truh kơ Đawit boih 'nâu! Hơbŏ sư ưh kơ rơgoh, đei tơdrong 'mê̆-'mach boih 'nâu.

I Sam 20:28

Jônathan tơl Sôl khan: Đawit apinh inh asong ăn kơ sư brŏk tơ pơlei Betlehem.

I Sam 20:5

Đawit khan: Dơning năr mă mônh, lăm khei plơ̆ng inh juăt et sa hơdai hăm pơtao, mă-lei lê̆ inh năm ôn lăm tơmăn glă truh tơ kơsơ̆ năr mă pêng.

I Sam 25:10

Nabal tơl lu đĭch đam Đawit: Đawit noh bu? Kon drŏ-nglo Jese noh bu? Lu đĭch đam klĕnh đơ̆ng yŏng tơ'ngla lăm năr 'nâu lơ dêh!