I Sam 20:16 - Sơ̆p Hlabơar Nơ̆r 'Bok Kei-Dei

¹⁶ Na, Jônathan pơgơ̆p hăm Đawit păng hnam dơnŏ sư. Apinh Kră Yang phak lu bơngai ayăt kơ Đawit. Dah lu sư ưh kơ 'blŏk kơ tơdrong pơgơ̆p ba.

I Sam 20:16 ပူးပေါင်းရင်းမြစ်များ

Bl 15:18

Lăm năr noh Kră Yang đei nơ̆r pơkă pơgơ̆p pơkăm hăm Abram, na khan thoi âu: “Inh gô ăn kơ adrĕch adrung ih dêh char âu, đơ̆ng glung Êyiptơb dĭng truh tơ glung tih noh, wă khan glung Ơphrat.

II Sam 21:8

Mă-lei Đawit rôp jao Armôni păng Mephibôset, 'bar 'nu kon drŏ-nglo mă yă Rispa, kon drŏ-kăn Aiyah, tơpŭ ăn kơ pơtao Sôl; pơtao kư̆m rôp pơđăm 'nu kon drŏ-nglo yă Mêrap kon drŏ-kăn Sôl, 'bă lu sư noh Adriel, kon Barsilai, bơngai Mêhôlat.

Je 40:9

Gêđalia kon drŏ-nglo Ahikam, sâu Saphan, sư pơkă pơkăm pơlung lu sư: “Iĕm 'nĕ kơ hli ôh bơ̆jang bĕ kơ lu bơngai Kalđê. Oei bĕ lăm dêh char âu, na awih awăn ăn kơ pơtao Babilôn. Na lu iĕm gô arih jang sa hiôk-hian.

Both 23:21

Mưh lu iĕm pơkă pơkăm hăm Kră Yang 'Bok Kei-Dei iĕm, 'nĕ kơ pơhiơ̆ gô đunh, athei pơm pơkeh hloi, yua kơ Kră Yang 'Bok Kei-Dei lu iĕm athei iĕm pơm pơkeh tơdrong iĕm pơkă pơkăm ei; dah iĕm ưh kơ pơm pơkeh hloi, lei iĕm gô pŭ tơdrong yoch.

Jôsuê 22:23

Tơdah lu nhôn pơm chơnang soi kơdih wă weh đơ̆ng Kră Yang, đei pơyơ̆r tơmam soi 'buh, tơmam soi phe 'ba, pơyơ̆r tơmam soi 'blŏk bơnê hiôk-hian tơ noh, apinh Kră Yang sek tơlang kơ lu nhôn.

I Sam 18:3

Jônathan pơgơ̆p hăm Đawit, yua kơ sư 'mêm kơ Đawit nhen thoi akâu sư kơdih.

I Sam 20:42

Jônathan pơma dơnuh hăm Đawit: Yak năm bĕ kơ ih mă 'lơ̆ng; lu bơ̆n yua anăn Kră Yang pơgơ̆p nơ̆r pơkă băl; Kră Yang gô pơm kơdranh sơlam tŏk-bŏk inh hăm ih tŏk-bŏk adrĕch adrung inh păng adrĕch adrung ih dĭng truh ning-mônh ling-lang.

I Sam 22:8

Liơ đĭ-đăng kơ lu iĕm pơm đon ayăt kơ inh? Yua kơ kiơ lu iĕm ưh kơ roi ăn kơ inh băt kon drŏ-nglo inh pơgơ̆p pơkă pơm buăl hăm kon drŏ-nglo Jese? Yua kơ kiơ ưh kơ đei bơngai bu 'mêm mơmat kơ inh, roi ăn kơ inh băt lê̆ adrol kon drŏ-nglo inh hlôi pơm ăn kơ đĭch đam inh ayăt hăm inh, chă đon pơrăm inh, thoi sư oei pơm dang ei?

I Sam 23:18

'Bar 'nu bre sư kư̆m pơgơ̆p pơkă 'bơ̆t anăp Kră Yang; na Đawit oei lăm Hơres dơ̆ng, gah Jônathan wih brŏk tơ hnam sư.

I Sam 25:22

Hơpơi kơ Kră Yang 'Bok Kei-Dei phak inh thoi âu dah mă trăp hloh! Tơdah truh tơ dơning inh oei lê̆ minh 'nu bơngai drŏ-nglo ayơ oei arih lăm hnam dơnŏ sư.

I Sam 25:26

Kră Yang găn ih wă pơm tuh pham wă pơm 'mong inh pao anăn Kră Yang mă arih ling-lang păng tơdrong arih ih kơdih na pơkă; hơpơi kơ lu ayăt kơ ih păng lu bơngai chă wă pơrăm ih kư̆m pŭ nhen thoi Nabal!

I Sam 31:2

Kon pơlei bơngai Philistin druh kiơ̆ 'moi Sôl hăm kon drŏ-nglo sư, pơlôch Jônathan, Abinađap păng Malkirsua lu kon Sôl.