I Sam 18:7 - Sơ̆p Hlabơar Nơ̆r 'Bok Kei-Dei

⁷ Lu bơngai drŏ-kăn suang hơri pơdrơ̆ng băl khan: Sôl pơlôch rơbâu, rơbâu 'nu gah Đawit pơlôch mơjĭt-rơbâu rơbâu 'nu,

I Sam 18:7 ပူးပေါင်းရင်းမြစ်များ

II Sam 18:3

Mă-lei khŭl linh khan: “Pơtao ih 'nĕ kơ năm yua kơ mă lu nhôn thuơ kơdâu, bơngai ayăt ưh kơ gan hiơ̆k kơ lu nhôn, păng mă khan minh puăt lu nhôn lôch lu sư kư̆m ưh kơ hơlen ôh; mă-lei minh 'nu ih gĭt dang mơjĭt-rơbâu 'nu lu nhôn. Lei pơtao jah oei tơ lăm pơlei, răp dŏng tơgŭm lu nhôn đĕch 'lơ̆ng hloh.”

II Sam 23:1

'Nâu boih lu nơ̆r pơtao Đawit pơma tuch-luch: Nơ̆r Đawit kon Jese nơ̆r mă bơngai đe pôk atŏk kơjung, mă Kră Yang 'Bok Kei-Dei Jakôp tuh đak pơgang 'bâu phu pôk ăn tơdrong jang; sư chă nơ̆r lu tơdrong hơri đei kon pơlei Isơrael lăp đon.

II Sam 6:5

Đawit hăm đĭ-đăng bơngai Isơrael hơri ư-ang 'bơ̆t anăp Kră Yang hăm dôm tơmam brŏ reh pơm păng 'long dơnơ̆ng, thoi brŏ tĭng-nĭng, hơgơ̆r iĕ chhar, huan lak.

Le 15:21

Miriam hơri tơl lu sư: Hơri ư-ang bĕ kơ Kră Yang, yua kơ Sư mơsêh mơyang tih hloh. Sư klơ̆m lê̆ aseh păng bơngai hao aseh lăm đak dơsĭ.

I Sam 21:11

Lu đĭch đam Akis jet: 'Nâu hăm trŏ kơ Đawit, pơtao dêh noh dah kiơ? Hăm trŏ kơ Đawit 'nâu mă lu bơngai drŏ-kăn hơri suang khan: Sôl pơlôch rơbâu rơbâu 'nu, gah Đawit pơlôch mơjĭt-rơbâu rơbâu 'nu?

I Sam 21:12

Đawit tơtăm kơ nơ̆r 'nâu lăm jơhngơ̆m hli dêh kơ Akis, pơtao Gat.

I Sam 29:5

Ih athei băt Đawit 'nâu boih mă lu adruh hơri suang khan: Sôl pơlôch rơbâu rơbâu 'nu đĕch, gah Đawit pơlôch mơjĭt-rơbâu rơbâu.