I Sam 18:6 - Sơ̆p Hlabơar Nơ̆r 'Bok Kei-Dei

⁶ Đang kơ Đawit pơlôch bơngai Philistin, wih brŏk hăm lu linh sư, na lu bơngai drŏ-kăn rim kơ pơlei bơngai Isơrael lĕch năm sơng Sôl, hơri suang, teh hơgơ̆r iĕ hăm brŏ tĭng-nĭng păng jreo nơ̆r hiôk chơt.

I Sam 18:6 ပူးပေါင်းရင်းမြစ်များ

II Sam 1:20

'Nĕ chă roi tơdrong 'nâu tơ lăm pơlei Gat, 'nĕ chă roi tơdrong noh kiơ̆ trong tih pơlei Askalon; kơnh lu bơngai drŏ-kăn Philistin hiĕk chhôk, lu drŏ-kăn bơngai ưh kơ kăt tơdra akar hiôk chơt.

II Sam 6:5

Đawit hăm đĭ-đăng bơngai Isơrael hơri ư-ang 'bơ̆t anăp Kră Yang hăm dôm tơmam brŏ reh pơm păng 'long dơnơ̆ng, thoi brŏ tĭng-nĭng, hơgơ̆r iĕ chhar, huan lak.

Horiso 149:3

Ăn kơ lu sư suang kơkuh bơnê bĕ kơ Anăn Sư. Iŏk hơgơ̆r iĕ păng brŏ hơri bơnê bĕ kơ Sư.

Horiso 68:11

Kră Yang hơtă nơ̆r; mă lu drŏ-kăn kư̆m roi tơbăt nơ̆r ei kư̆m thoi minh khŭl lơ dêh.

Horiso 68:25

Lu bơngai hơri yak adrol lu brŏ reh kiơ̆ đơ̆ng rŏng. Tŏk-bŏk đei lu adruh teh hơgơ̆r.

Le 15:20

Miriam mŏ Arôn bơngai drŏ-kăn khan lê̆ adrol păng lu drŏ-kăn dai kiơ̆, đơ̆ng rŏng chĕp hơgơ̆r iĕ suang rah.

Le 15:21

Miriam hơri tơl lu sư: Hơri ư-ang bĕ kơ Kră Yang, yua kơ Sư mơsêh mơyang tih hloh. Sư klơ̆m lê̆ aseh păng bơngai hao aseh lăm đak dơsĭ.

Êsai 30:32

Rim wơ̆t mưh Kră Yang iŏk sơnguĕt wă teh lu sư, na đe gô kơtơ̆ng re hơgơ̆r iĕ, re brŏ. Kră Yang gô yơ̆r ti blah lu sư.

Lu 11:34

Wă Jeptha brŏk tơ hnam sư tơ pơlei Mispa na đei kon adruh sư lĕch năm sơng sư, chĕp hơgơ̆r iĕ tap suang hloi. Năm sơng sư kon adruh 'noh kon pơm sư; 'nguaih kơ kon adruh sư noh sư ưh kơ đei kon drŏ-nglo dah kon drŏ-kăn nai dơ̆ng.

I Sam 18:5

Đawit lơ 'măng năm blah, mă tơ anih ayơ ayơ Sôl wơh sư năm, tơblah jei sư ngăl. Sôl pơjao ăn kơ sư pơgơ̆r linh, kon pơlei păng lu đĭch đam Sôl lăp đon kơ Đawit pơgơ̆r lu sư.