I Sam 18:4 - Sơ̆p Hlabơar Nơ̆r 'Bok Kei-Dei

⁴ Jônathan plôh ao tai sư pơhrŭk ăn kơ Đawit, hăm ao tơblah sư hai, ăn đao, hră păng tơlei tơ̆n sư.

I Sam 18:4 ပူးပေါင်းရင်းမြစ်များ

Bl 41:42

Pơtao plôh hloi tơkhiĕn đơ̆ng ti sư tơ'bot ăn kơ Jôsep, athei đe pơhrŭk ăn kơ sư ao che rơmuăn păng tơ'băk ăn kon kiơng maih 'bơ̆t hơko sư;

II Sam 1:22

Hră jŭk Jônathan ưh kơ đei layơ wơ̆t brŏk, khan huay kơ đei pham bơngai lôch klep, Đao Sôl ưh kơ layơ brŏk hoh. Mă-lei layơ kư̆m đei rơmă lu bơngai nuih kơtang klep.

Êsai 61:10

Inh gô hiôk chơt dêh lăm Kră Yang. Jơhngơ̆m inh hiôk 'nă hal lăm Kră Yang 'Bok Kei-Dei inh yua kơ sư pơhrŭk ăn kơ inh ao dŏng pơklaih; tơsu ăn kơ inh ao tai 'lơ̆ng tơpăt nhen thoi lĕ tơdăm iŏk akăn yơ̆l môk wăn kơ̆l sư nhen thoi adruh iŏk klo pơguăng akâu sư hăm tơmam kăp jên.

Êsêkiên 23:15

tơ̆n tơlei tơ̆n tơ kơiĕng păng chô̆ che tơ kơ̆l hyôi hyai, đĭ-đăng lu sư lăng rŏ thoi yŏng linh gre aseh bơngai Babilôn, đơ̆ng char Kalđê

Luka 15:22

Mă-lei 'bă sư krao hloi lu bơngai jang kơ sư na sư khan: ‘Iŏk ao mă 'lơ̆ng bĕ, pơhrŭk ăn kơ sư. Iŏk tơkhiĕn tơ'bot ăn kơ sư păng pơtrô̆ ăn kơ sư chơkhŏ.

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

I Sam 17:38

Sôl iŏk ao tơblah sư pơhrŭk ăn kơ Đawit, pơyơ̆l ăn môk kơlăm kong păng pơhrŭk ăn ao mam.

I Sam 18:5

Đawit lơ 'măng năm blah, mă tơ anih ayơ ayơ Sôl wơh sư năm, tơblah jei sư ngăl. Sôl pơjao ăn kơ sư pơgơ̆r linh, kon pơlei păng lu đĭch đam Sôl lăp đon kơ Đawit pơgơ̆r lu sư.