I Sam 18:1 - Sơ̆p Hlabơar Nơ̆r 'Bok Kei-Dei

¹ Đawit pơma dơnuh hăm Sôl đang boih, Jônathan păng Đawit pơm buăl juăt yua, kơ Jônathan 'mêm kơ Đawit dêh thoi akâu sư kơdih.

I Sam 18:1 ပူးပေါင်းရင်းမြစ်များ

Bl 44:30

'Bă nhôn 'mêm kơeng kơ sư dêh, măr sư dang pôm akâu pôm bơhngol; dang ei, inh brŏk truh tơ anih đĭch đam ih, 'bă nhôn, na ưh kơ đei oh hơdruch âu.

II Sam 1:26

Ơ Jônathan, 'nhŏng inh, jơhngơ̆m inh ơh hang nuih kơ ih thoi đe 'bet; Inh 'mêm kơeng kơ ih dêh. Tơdrong buăl juăt ba hiôk hơiă dêh Hloh kơ tơdrong hưch wă kơ bơngai drŏ-kăn.

I Ho 12:17

Đawit lĕch sơng lu sư păng khan: “Tơdah lu iĕm năm hăm tơdrong hiôk-hian păng wă tơgŭm inh lei jơhngơ̆m inh gô pơgơ̆p hăm lu iĕm; tơdah lu iĕm hơlĕnh blah inh wă tơgŭm kơ lu bơngai ayăt, lei apinh Kră Yang 'Bok Kei-Dei 'bok bơ̆n sek lăng păng phak lu iĕm; yua kơ ti inh ưh kơ đei pơm tơdrong kơnê̆ kiơ.”

Horiso 86:11

Ơ Kră Yang, apinh Ih bơtho tơ'bôh kơ inh trong Ih. Na inh gô yak kiơ̆ tơdrong 'lơ̆ng tơpăt Ih; Apinh Ih ăn kơ inh đei jơhngơ̆m băt hli yom kơ Ih,

Tơdrông Pơđơk 18:24

Bơngai đei buăl juăt lơ pơmat kơ sư kơdih; Mă-lei bơngai đei minh 'nu buăl tơpăt juăt hloh kơ 'nhŏng oh pôm mĕ 'bă.

Both 13:6

Tơdah đei 'nhŏng oh pôm mĕ 'bă, kon drŏ-nglo dah kon drŏ-kăn iĕm, akăn iĕm mă 'mêm kơeng, dah buăl juăt iĕm năm pơtơm pơhlŭ iĕm, khan: Bĕ bơ̆n năm kơkuh kơ yang nai, mă iĕm hăm lu 'bok iĕm kư̆m ưh tam băt,

Kôlôsê 2:2

Inh wă kơ iĕm lui kơjăp jing pôm đon băt 'mêm mơnat dih băl na gơh hlôh tơdrong 'Bok Kei-Dei, hăm hlôh tơdrong hlơp 'Bok Kei-Dei tam mă tơbăt kơ đe đơ̆ng sơ̆ noh. Mă-lei dang ei iĕm băt boih tơdrong noh, wă khan tơdrong Yêsu Krist.

Lu 20:11

Thoi noh lu bơngai Isơrael akŭm băl đĭ-đăng minh jơhngơ̆m đon thoi minh 'nu năm blah pơlei 'noh.

I Sam 14:45

Mă-lei kon pơlei tơl Sôl khan: Ưh ôh! Jônathan jơ̆ bơngai pơm ăn boih kơ bơngai Isơrael kĕ jei dang 'noh, liơ mă gơh trŏ kơ lôch? Tơdrong 'noh ưh kơ gơh! Nhôn apinh Kră Yang arih na pơm kơdranh kơ bơ̆n pơkă khan mă minh ioi sŏk kơpal kơ̆l sư kư̆m ưh kơ đei hơlŭng tơ teh; sư mă gơh kĕ jei năr âu noh đơ̆ng Kră Yang 'Bok Kei-Dei tơgŭm sư. Thoi noh kon pơlei dŏng Jônathan klaih đơ̆ng tơdrong wă pơlôch.

I Sam 18:3

Jônathan pơgơ̆p hăm Đawit, yua kơ sư 'mêm kơ Đawit nhen thoi akâu sư kơdih.

I Sam 19:1

Sôl pơđâu chă đon hăm Jônathan, kon drŏ-nglo sư păng lu đĭch đam sư wă pơlôch Đawit mă-lei Jônathan, kon drŏ-nglo Sôl, 'mêm dêh kơ Đawit.

I Sam 19:2

Jônathan roi ăn kơ Đawit băt Sôl, 'bă inh, chă wă pơlôch ih. Thoi noh, pơgê dơning ih lĕch kơdâu tơ anih mă hlơp na ôn tơ noh.

I Sam 20:17

Jônathan 'mêm kơ Đawit thoi 'mêm kơ akâu sư kơdih, na athei Đawit pơkă. Kŭm 'mêm kơ sư.

I Sam 20:8

Apinh ih răk nơ̆r ih pơkă hăm inh đĭch đam ih, yua kơ ih đei pơkă anăn Kră Yang mă pơgơ̆p hăm đĭch đam ih. Dah inh đei yoch kiơ, apinh ih jah pơlôch inh bĕ; ngĕ kơ kiơ ba inh tơ 'bă ih?

I Sam 22:8

Liơ đĭ-đăng kơ lu iĕm pơm đon ayăt kơ inh? Yua kơ kiơ lu iĕm ưh kơ roi ăn kơ inh băt kon drŏ-nglo inh pơgơ̆p pơkă pơm buăl hăm kon drŏ-nglo Jese? Yua kơ kiơ ưh kơ đei bơngai bu 'mêm mơmat kơ inh, roi ăn kơ inh băt lê̆ adrol kon drŏ-nglo inh hlôi pơm ăn kơ đĭch đam inh ayăt hăm inh, chă đon pơrăm inh, thoi sư oei pơm dang ei?

I Sam 23:18

'Bar 'nu bre sư kư̆m pơgơ̆p pơkă 'bơ̆t anăp Kră Yang; na Đawit oei lăm Hơres dơ̆ng, gah Jônathan wih brŏk tơ hnam sư.