I Sam 17:53 - Sơ̆p Hlabơar Nơ̆r 'Bok Kei-Dei

⁵³ Kon pơlei Isơrael đang đơ̆ng druh puh kon pơlei Philistin boih, na hơlơ̆k brŏk blah iŏk pơrăm kơđông sư.

I Sam 17:53 ပူးပေါင်းရင်းမြစ်များ

II Sam 23:10

Mă-lei sư dơ̆ng kơtă anih păng koh pơlôch kon pơlei Philistin truh tơpang ti sư rơgah hơmren klep kơjăp kơ đao gưm, khŭl linh Isơrael wih hơlơ̆k tơgŭm sư, mă-lei lăp chă dônh akŭm tơmam đơ̆ng akâu bơngai lôch đĕch. Lăm năr noh, Kră Yang ăn kơ kon pơlei Isơrael kĕ jei jơnei tih.

Je 30:16

Mă-lei đe bu kăp sa iĕm đe gô kăp sa lu sư; lu bơngai ayăt kơ iĕm gô jing bơnă; bu mă tơgar iŏk tơtông tơmam đơ̆ng iĕm, đe kư̆m gô blah tơgar iŏk đơ̆ng lu sư.”

Je 4:20

Tơdrong đe pơrăm, truh pơrăm rai dêh, Jơ̆p kơ char pơrăm đĭ boih 'biao pă tam băt bơsŭn inh anih inh răm đĭ.

I Sam 17:52

Lu linh bơngai Isơrael păng bơngai Juđa iung jreo, tơkĕch, druh kon pơlei Philistin truh tơ trong mơ̆t pơlei Gat păng tơ 'măng jang pơlei Ekrôn. Lu bơngai Philistin jĭ rơka pơ̆k lôch 'bĕnh kơ trong đơ̆ng Saraim truh tơ pơlei Gat păng Êkrôn.

I Sam 17:54

Đawit dônh iŏk kơ̆l bơngai Philistin chĕp ba truh tơ Jêrusalem; mă-lei gah ao mam, môk kơlăm đao tơju Gôliat lê̆ lăm bơsŭn sư.

I Sam 19:5

Sư hŭt akâu kơdih na mă pơlôch bơngai Philistin, yua kơ sư na Kră Yang đei ăn kơ bơngai Isơrael tơblah jei ngăl. Ih 'bôh boih păng chơt hiôk; lei na khan wă pơlôch pơrăm bơngai ưh kơ pơm yoch wă pơlôch Đawit tơdrong ưh kơđei?