I Sam 17:47 - Sơ̆p Hlabơar Nơ̆r 'Bok Kei-Dei

⁴⁷ Đĭ lu bơngai tơ âu gô 'bôh Kră Yang ưh kơ dŏng pơklaih păng đao dah păng tơju yua kơ Kră Yang jơ̆ yŏng kơ tơblah păng Sư gô jao lu iĕm lăm tơpang ti lu nhôn.

I Sam 17:47 ပူးပေါင်းရင်းမြစ်များ

II Pot 5:15

Naaman hăm đĭ-đăng bơngai mă kiơ̆ sư wơ̆t dơ̆ng tơ Êlisê păng khan thoi âu: “Dang ei inh băt bơih, jơ̆p-jang lăm teh đak ưh kơ đei yang nai hloh kơ Kră Yang 'Bok kei-Dei lu bơngai Isơrael, thoi noh apinh ih iŏk tơmam inh bơngai mă đĭch đam ih 'nâu.”

II Ho 14:11

Asa krao apinh Kră Yang 'Bok Kei-Dei sư khan: “Ơ Kră Yang, ưh kơ đei bu thoi Ih tơgŭm lu bơngai tơrăn kĕ jei đơ̆ng bơngai pran; Ơ Kră Yang 'Bok Kei-Dei nhôn, apinh Ih dŏng tơgŭm lu nhôn, lu nhôn gơnang kơ Ih; nhôn yua hăm anăn Ih na năm blah lu bơngai linh lơ âu. Ơ Kră Yang! Ih boih Kră Yang 'Bok Kei-Dei lu nhôn; 'nĕ ăn kơ kon bơngai jei hloh kơ Ih”

Horiso 46:11

Kră Yang Tih Hloh oei hăm lu nhôn, Kră Yang 'Bok Kei-Dei Jakôp jơ̆ anih lu nhôn kơ'nơp. Sêla

Êsai 9:7

Nơ̆r Kră Yang hơtă hil kơ Jakôp păng nơ̆r noh tuh ăn kơ Isơrael.

Hôsia 1:7

Mă-lei Inh gô 'mêm mơnat kơ adrĕch Juđa; Inh Kră Yang 'Bok Kei-Dei lu sư gô dŏng pơklaih lu sư, Inh ưh kơ pơklaih lu sư hăm hră dah hăm đao gưm ôh; dah tơdrong tơblah, hăm aseh, dah hăm bơngai hao aseh ôh.

Sa 4:6

Sư tơl inh: “'Nâu jơ̆ nơ̆r Kră Yang khan kơ Sôrôbabel, thoi âu: ‘Noh ưh kơ sĭ đơ̆ng tơdrong gơh hơgei, kư̆m ưh kơ sĭ đơ̆ng tơdrong pran kơtang ôh, mă-lei đơ̆ng Yang Bơhngol 'Lơ̆ng Inh.’ Kră Yang Tih Hloh khan thoi noh.*

Rom 8:31

'Bok Kei-Dei Sư 'mêm, Sư tơgŭm bơ̆n dang noh boih, na bơ̆n ưh pă hli kơ tơdrong kiơ dơ̆ng.

Rom 8:37

Mă tơdrong truh kơ bơ̆n thoi noh, bơ̆n 'nĕ kơ hli, gô jei bơ̆n tơpă yua kơ bơ̆n đei Kră Yang bơ̆n Yêsu, bơ̆n hơđơ̆ng kơ tơdrong Sư 'mêm kơ bơ̆n, hăm Sư tơgŭm bơ̆n lăm tôm tơdrong.

Jôsuê 10:8

Kră Yang khan kơ Jôsuê: 'Nĕ kơ hli kơ lu sư, yua kơ Inh jao ăn boih lu sư lăm tơpang ti ih, ưh kơ đei bu kĕ tơblah hăm ih ôh.

I Sam 14:6

Jônathan khan hăm bơngai chĕp tơmam tơblah sư: Bĕ ba khŏm năm truh tơ kơđông lu bơngai ưh kơ kăt tơdra akar 'noh.c Băt Kră Yang gô tơgŭm kơ ba; ưh kơ đei tơdrong kiơ găn Kră Yang ăn kơ jei bơ̆n mă bơ̆n tŏ sĕt dah lơ.

I Sam 18:17

Sôl pơma dơnuh hăm Đawit: 'Nâu Mêrap kon drŏ-kăn kơdră inh. Inh gô ăn kơ ih oei pơm akăn mă-lei ih athei mă nuih tơblah ăn kơ Kră Yang. Sôl tơchĕng lăm jơhngơ̆m khan: Tơpang ti inh ưh kơ gơh pơrăm sư, mă-lei lê̆ kơ tơpang ti lu kon pơlei Philistin pơrăm sư noh trŏ hloh.