I Sam 17:44 - Sơ̆p Hlabơar Nơ̆r 'Bok Kei-Dei

⁴⁴ Bơngai Philistin hơnganh: Năm tơ âu wăi, inh gô ăn sĕch ih kơ lu sem păr păng lu sem bri sa.

I Sam 17:44 ပူးပေါင်းရင်းမြစ်များ

II Sam 21:10

Yă Rispa kon drŏ-kăn Aiya, iŏk minh blah 'bi lơ̆k kơpal tơmo, păng yă ei oei tơ noh đơ̆ng bơyan yuă blŭng truh tơ đei 'mi đơ̆ng kơpal plĕnh jruh tơ kơpal akâu lu bơngai lôch. Kơ'năr yă ei ưh kơ ăn sem păr jruh kơpal akâu bơngai lôch, kơmăng yă ei ưh kơ ăn sem bri năm jê̆.

Tơdrông Pơđơk 18:12

Đei jơhngơ̆m pơang adrol kơ tơdrong răm truh; Tơdrong iŏk đon ala, ba tơdrong đe pơyom.

Je 34:20

Inh jao lu sư tơ lăm ti lu bơngai ayăt kơ lu sư, lu bơngai 'maih wă pơlôch pơrăm lu sư. Atâu akâu lu sư lôch gô ăn kơ sem grơ̆ păng sem bri sa.

Je 9:23

Kră Yang khan: “Bơngai hơgei 'nĕ pă pơang kơ sư hơgei, bơngai pran 'nĕ pă pơang kơ sư pran. Bơngai mơdrŏng kư̆m 'nĕ pă pơang kơ sư mơdrŏng;

Êsêkiên 28:2

“Ơ kon bơngai, khan bĕ kơ pơtao Tirơ: Kră Yang khan thoi âu; yua kơ jơhngơ̆m ih pơang, ih khan: “Inh jing yang hơ-oei kơpal tang-dŏ pơtao yang lăm tŏk-bŏk đak dơsĭ,” mă-lei ih kon bơngai đĕch, ưh kơ sĭ yang ôh mă khan ih tơchĕng khan ih hơgei thoi yang.

Tơdrông Tơ'bôh 19:17

Đơ̆ng noh inh 'bôh minh 'nu linh jang 'lơ̆ng, sư dơ̆ng tơ măt 'năr krao 'bơ̆r re lu sem păr tơ tŏk-bŏk rơwơ̆ng thoi âu: “Tơ âu bĕ akŭm băl. Pă 'biơ̆ iĕm năm et sa tih tơmam 'Bok Kei-Dei ăn kơ iĕm.

I Sam 14:12

Linh lăm kơđông pơma kơ Jônathan hăm bơngai chĕp tơmam tơblah sư 'noh khan: Năm tơ âu bĕ, nhôn tơ'bôh ăn kơ măr iĕm, băt tơdrong Jônathan pơma hăm bơngai chĕp tơmam tơblah sư khan: Kiơ̆ mă jê̆ inh, yua kơ Kră Yang pơjao lu sư tơ lăm ti bơngai Isơrael boih.

I Sam 17:46

Năr 'nâu Kră Yang gô pơjao ih lăm tơpang ti inh, inh gô pơlôch ih, kăt kơ̆l ih păng bơngai Philistin lôch ăn kơ sem păr păng lu sem bri sa sĕch lu linh bơngai Philistin. Jơ̆p-jang kơ teh đak gô băt kơ bơngai Isơrael đei Kră Yang 'Bok Kei-Dei;