I Sam 17:43 - Sơ̆p Hlabơar Nơ̆r 'Bok Kei-Dei

⁴³ Bơngai Philistin khan kơ Đawit: Inh ưh kơ sĭ kơ kŏ na ih chĕp 'long băl năm tơ inh? Bơngai Philistin yua anăn yang lu sư na hiap Đawit.

I Sam 17:43 ပူးပေါင်းရင်းမြစ်များ

Bl 27:29

Đĭ kon bơngai gô chu yom kơ kon. Đĭ lu dêh char gô drap kơkuh 'bơ̆t anăp kon! E athei gơh pơgơ̆r lu 'nhŏng oh, dôm lu 'nhŏng oh kon mĕ e gô kơkuh 'bơ̆t anăp e. Bu pơjăm, hiap e Kră Yang 'Bok Kei-Dei gô hiap tơwih. Bu sơkat pŭn hiôk ăn kơ e, Kră Yang 'Bok Kei-Dei gô sơkat ăn kơ sư pŭn hiôk mơ̆n!

II Sam 16:5

Pơtao Đawit 'nao truh tơ pơlei Bahurim, 'bôh minh 'nu bơngai lĕch đơ̆ng lăm pơlei noh, anăn sư Simêi, kon drŏ-nglo Gêra, sư đơ̆ng adrĕch adrung Sôl na năm rah hiap rah.

II Sam 16:9

Đơ̆ng noh Abisai, kon drŏ-nglo Sêruia, khan kơ pơtao: “Liơ kŏ lôch 'nâu pơ̆n hiap pơtao yŏng tơ'ngla inh? Apinh pơtao lê̆ kơ inh năm chơ̆ng kơ̆l sư.”

II Sam 3:8

Apner blĕk hil dêh yua kơ Isbôset pơma, na khan: “Inh âu thoi kŏ kơ bơngai Juđa dah liơ?” Inh oei đĭ jơhngơ̆m kiơ̆ gah khŭl Sôl 'bă ih; 'nhŏng oh, buăl juăt pơtao Sôl truh tơ dang ei. Inh kư̆m ưh kơ wă jao pơtao Sôl lăm ti Đawit, na dang ei pơtao pơma chrih kơ inh khan glăi hăm bơngai drŏ-kăn 'nâu!

II Sam 9:8

Mêphibôset drap tơ teh kơkuh, na sư pơma khan: “Bơngai đĭch đam ih 'nâu kiơ, mă ih oei tơchĕng 'blŏk 'blăi inh âu thoi minh pôm kŏ lôch?”

I Pot 20:10

Ben Hadat wơh bơngai nai dơ̆ng tơ'bơ̆p Ahap khan: “Apinh lu yang phak inh mă trăp tơdah 'mui teh tơ Samari tôm mah kơ rim tơpang ti lu linh lăm minh 'nu minh chup.”

II Pot 8:13

Hasael tơl: “Đam ih noh bu? Noh thoi minh pôm kŏ đĕch; liơ gơh pơm tơdrong tih dêh thoi noh?” Êlisê tơl: Kră Yang 'Bok Kei-Dei tơbăt ăn kơ ĭnh bơih, ih gô pơm pơtao char Aram.

Tơdrông Pơđơk 26:2

Thoi sem rĕch păr tơ âu tơ to, Thoi sem pleng păr juang suang plơ̆ plĕch. Nơ̆r đe hiap tơdrong kơ đei huay kơ truh ôh.

Jo 22:6

Thoi noh, inh apinh ih năm hiap lu sư dang ei hloi, yua kơ lu sư pran hloh kơ inh. Wă kơ inh kĕ blah pơrăm păng puh lu sư weh đơ̆ng char, yua kơ inh băt tơdah ih hơpơi kơ đe pŭn hiôk đei pŭn hiôk, tơdah ih hiap bu bơngai noh gô răm gô pŭ hơngiap.

Lu 9:27

Na lu sư năm tơ mir phĕ plei 'long hơmu chơpĕt iŏk đak hơmu wă et sa. Lu sư mơ̆t lăm hnam yang lu sư, et sa tih na pơma kơnê̆ pơjăm Abimêlek.

I Sam 14:12

Linh lăm kơđông pơma kơ Jônathan hăm bơngai chĕp tơmam tơblah sư 'noh khan: Năm tơ âu bĕ, nhôn tơ'bôh ăn kơ măr iĕm, băt tơdrong Jônathan pơma hăm bơngai chĕp tơmam tơblah sư khan: Kiơ̆ mă jê̆ inh, yua kơ Kră Yang pơjao lu sư tơ lăm ti bơngai Isơrael boih.

I Sam 24:14

Pơtao Isơrael tơblah hăm bu? Ih druh 'moi bu? Minh pơm kŏ lôch! Minh pơm siso!

I Sam 24:15

Apinh, Kră Yang gô pơm kơdranh sek tơlang ih păng inh. Sư gô lăng lăng păng dŏng inh păng sek tơlang tơpăt na dŏng pơklaih inh đơ̆ng tơpang ti ih.