I Sam 17:37 - Sơ̆p Hlabơar Nơ̆r 'Bok Kei-Dei

³⁷ Đawit khan dơ̆ng: Kră Yang pơklaih boih inh đơ̆ng dăm-brang păng đơ̆ng chơgơu, Sư kư̆m gô pơklaih inh mơ̆n đơ̆ng ti bơngai Philistin to noh, Sôl drơ̆ng: Năm bĕ, hơpơi Kră Yang oei hơdai hăm ih!

I Sam 17:37 ပူးပေါင်းရင်းမြစ်များ

II Sam 10:12

'Nĕ kơ hli athei tơblah mă nuih đĭ jơhngơ̆m wă wei kon pơlei pơla bơ̆n, păng lu pơlei tih Kră Yang 'Bok Kei-Dei bơ̆n; hơpơi kơ Kră Yang pơm kiơ̆ thoi Sư tơchĕng 'lơ̆ng!

I Ho 22:11

Dang ei ơ dăm ăn kơ Kră Yang oei hơdai hăm ih, tơgŭm ih lăm tơdrong pơm hnam kơkuh kơ Kră Yang 'Bok Kei-Dei ih, kiơ̆ thoi Sư đei khan boih gah ih.

I Ho 22:16

hăm maih, hu, kong, păng bơsei, lơlap lơlang ưh kơ kĕ jô̆: Iung pơm bĕ! Apinh Kră Yang oei hơdai hăm ih!”

Horiso 11:1

Inh gơnang kơ Kră Yang; Liơ Ih khan kơ inh: “Athei tŏk ôn tơ kông thoi sem?

Horiso 118:6

Kră Yang oei hơdai inh, inh ưh kơ đei hli kiơ; Kon bơngai gơh pơm kiơ kơ inh?

Horiso 138:3

Lăm năr inh krao apinh, Ih tơl tơwih, Ăn kơ jơhngơ̆m inh rai nuih pran kơtang.

Horiso 63:7

Yua kơ Ih đei tơgŭm inh boih, Ala yơ̆p pơnăr Ih na inh gô hơri chơt hiôk.

Horiso 77:11

Inh tơ'blŏk dơ̆ng kơ dôm tơdrong jang Kră Yang, Inh 'blŏk dơ̆ng kơ lu tơdrong mơsêh hlĭch Ih pơm sơ̆

Da 3:17

'Nâu ơ pơtao! Kră Yang 'Bok Kei-Dei mă lu nhôn oei bơ̆jang, Sư gô dŏng pơklaih lu nhôn klaih đơ̆ng ŭnh kơdơ̆r noh. Păng sĭt gô pơklaih lu nhôn đơ̆ng ti ih.

Jôsuê 1:17

Lu nhôn chu kiơ̆ ih lăm tôm tơdrong jang, thoi chu kiơ̆ Môis, apinh Kră Yang 'Bok Kei-Dei oei hơdai ih, thoi Kră Yang oei hơdai Môis.

Ru 2:4

'Bôô lĕch đơ̆ng pơlei Betlehem năm truh tơ mir sư khan kơ lu bơngai yuă 'ba thoi âu: Hơpơi kơ Kră Yang oei hơdai iĕm! Lu sư tơl khan. Hơpơi kơ Kră Yang ăn tơdrong pŭn hiôk kơ ih!

I Sam 17:36

Inh pơlôch boih dăm-brang păng chơgơu, thoi noh na bơngai Philistin to ưh kơ chu kăt tơdra akar tăm dơ̆ng inh kư̆m gô teh pơlôch sư thoi sem brem noh mơ̆n; yua kơ sư pơjăm lu linh Kră Yang 'Bok Kei-Dei mă arih ling-lang.

I Sam 17:38

Sôl iŏk ao tơblah sư pơhrŭk ăn kơ Đawit, pơyơ̆l ăn môk kơlăm kong păng pơhrŭk ăn ao mam.

I Sam 20:13

Tơdah 'bă inh khŏm pơm wă pơrăm ih, inh gô roi ăn kơ ih băt, athei ih năm mă hiôk-hian, dah ưh, apinh Kră Yang phak inh mă trăp! Hơpơi apinh Kră Yang oei hơdai ih, kư̆m thoi Sư oei hơdai boih hăm 'bă inh.

I Sam 24:19

Hăm đei bu tơ'bơ̆p bơngai ayăt hăm bơ̆n mă khan achăng lê̆ sư brŏk hiôk-hian ưh kơ đei kiơ? Hơpơi kơ Kră Yang iŏk tơdrong 'lơ̆ng pơm ăn kơ kon gah tơdrong kon hlôi pơm ăn kơ 'bă năr 'nâu!

I Sam 26:25

Sôl tơl Đawit: Ơ Đawit, kon inh, hơpơi kơ Kră Yang ăn kơ kon đei pŭn hiôk! Tơpă, kon gô bơ̆jang tơdrong tih păng gơh kĕ jei hloh. Na Đawit kư̆ kơ năm trong sư kơdih, gah Sôl wih brŏk tơ anih sư.

I Sam 7:12

Samuel iŏk pơdơ̆ng minh pơm tơmo tih dan 'bơ̆t sơlam Mispa păng Sen, sư anăn Êbênêser.a Sư khan: Kră Yang đei tơgŭm lu bơ̆n truh tơ âu.